11 ವರ್ಷದ ಮಗನಿಗೆ ವಿಮಾನ ಹಾರಿಸಲು ಬಿಟ್ಟು ಬಿಯರ್‌ ಕುಡಿಯುತ್ತಾ ಕುಳಿತ ತಂದೆ; ಶಾಕಿಂಗ್‌ ವಿಡಿಯೋ ವೈರಲ್

Shocking viral video shows father drinking beer while 11-year-old flies plane. (Image courtesy: Twitter)

ಆ ಬಾಲಕನಿಗೆ ಇನ್ನೂ 11 ವರ್ಷ ಅಷ್ಟೆ. ಆತ ಅಬ್ಬಬ್ಬಾ ಅಂದ್ರೆ ಸೈಕಲ್ ಓಡಿಸಬಹುದು. ಬೈಕ್ ಓಡಿಸುವುದಕ್ಕೂ ಆ ವಯಸ್ಸು ಸೂಕ್ತವಲ್ಲ. ಆದರೂ ಆ ಬಾಲಕ ವಿಮಾನದ ಸ್ಟೇರಿಂಗ್ ಹಿಡಿದು, ವಿಮಾನ ಹಾರಿಸುತ್ತಿದ್ದ. ಇಷ್ಟೆ ಆಗಿದ್ದರೆ ಒಂದು ಮಾತಿತ್ತು. ಆದರೆ ಅದೇ ಬಾಲಕನ ಪಕ್ಕದಲ್ಲಿ ಕುತಿದ್ದ ಬಾಲಕನ ತಂದೆ ಬಿಯರ್ ಕುಡಿಯುತ್ತ ಕುಳಿತಿದ್ದ. ಈ ವಿಡಿಯೋ ವೈರಲ್ ಆಗಿದ್ದು, ಈ ದೃಶ್ಯ ನೋಡಿದವರೆಲ್ಲ ದಂಗಾಗಿದ್ದಾರೆ.

ಈ ಘಟನೆ ಬ್ರೆಜಿಲ್‌ನಲ್ಲಿ ನಡೆದಿದ್ದು, ಇಲ್ಲಿ ಮಗನ ಕೈಯಲ್ಲಿ ಪ್ಲೇನ್ ಓಡಿಸಲು ಹೇಳಿ, ತಾನು ಬಿಯರ್ ಕುಡಿಯುತ್ತ ಕುಳಿತ ಅಪ್ಪ ಕುಳಿತಿರುವುದನ್ನ ನೋಡಬಹುದು. ಹೀಗೆ ಹುಡುಗಾಟ ಮಾಡಲು ಹೋಗಿ ಇವರಿಬ್ಬರೂ ವಿಮಾನ ಅಪಘಾತದಲ್ಲಿ ದುರ್ಮರಣ ಹೊಂದಿದ್ದಾರೆ. ಈ ವಿಡಿಯೋ ಮರಣಹೊಂದುವ ಮೊದಲು ಮೊಬೈಲ್‌ನಲ್ಲಿ ರಿಕಾರ್ಡ್ ಮಾಡಲಾಗಿದೆ.

ಬ್ರೆಜಿಲ್‌ನ ಸಂಶೋಧಕಾರ ಗ್ಯಾರನ್‌ ಮಾಯಾ (42) ಕಳೆದ ಜುಲೈ 29ರಂದು ಮಗ ಫ್ರಾನ್ಸಿಸ್ಕೋ ಮೈಯಾ (11) ಜೊತೆ ಅವಳಿ ಎಂಜಿನ್ ಇರುವ ಬೀಚ್‌‌ಕ್ರಾಫ್ಟ್ ಬ್ಯಾರನ್ 58 ಅರಣ್ಯದ ಬಳಿ ವಿಮಾನದಲ್ಲಿ ಹೊರಟಾಗ ಈ ವಿಮಾನ ಅವಘಡ ಸಂಭವಿಸಿದೆ.

ಈ ವಿಡಿಯೋದಲ್ಲಿ, ಬಾಲಕ ವಿಮಾನದ ಪೈಲಟ್ ಸೀಟ್‌ನಲ್ಲಿ ಕೂತು, ವಿಮಾನ ಫ್ಲೈ ಮಾಡುವುದನ್ನ ನೋಡಬಹುದು. ಇನ್ನೂ ಪಕ್ಕದಲ್ಲಿ ಕುಳಿತಿರುವ ವ್ಯಕ್ತಿ ಬಿಯರ್ ಬಾಟಲಿ ಹಿಡಿದು ಚಿಯರ್ಸ್ ಹೇಳುವುದನ್ನ ಗಮನಿಸಬಹುದು. ಇನ್ನು ಈ ವಿಡಿಯೋ ಯಾವಾಗ ಮಾಡಿರಬಹುದು ಅನ್ನೊ ಮಾಹಿತಿ ಇನ್ನೂ ಅಸ್ಪಷ್ಟವಾಗಿದೆ. ಇದರ ಕುರಿತು ಸ್ಥಳೀಯ ಪೊಲೀಸ್ ಅಧಿಕಾರಿಗಳು ತನಿಖೆ ನಡೆಸುತ್ತಿದ್ಧಾರೆ.

ಬ್ರೆಜಿಲಿಯನ್ ಕಾನೂನಿನ ಪ್ರಕಾರ ಪ್ರೌಢಶಾಲೆ ಪೂರ್ಣಗೊಳಿಸಿದ ನಂತರ ರಾಷ್ಟ್ರೀಯ ನಾಗರಿಕ ವಿಮಾನಯಾನ ಸಂಸ್ಥೆಯಲ್ಲಿ 18 ವರ್ಷಕ್ಕಿಂತ ಮೇಲ್ಪಟ್ಟವರು ಲೈಸೆನ್ಸ್ ಪಡೆಯಬೇಕು. ಆ ನಂತರವೇ ಅವರು ವಿಮಾನ ಹಾರಿಸುವುದಕ್ಕೆ ಸಮರ್ಥರಾಗಿರುತ್ತಾರೆ. ಆದರೆ ಈ ವಿಡಿಯೋದಲ್ಲಿ ಬಾಲಕ ಕಾನೂನು ಉಲ್ಲಂಘಿಸಿದ್ದಾನೆ. ಈ ಎಲ್ಲ ಮಾಹಿತಿಯನ್ನ ಕಲೆಹಾಕಿ ಪೊಲೀಸ್ ಅಧಿಕಾರಿಗಳು ತನಿಖೆ ಮಾಡುತ್ತಿದ್ದಾರೆ.

https://twitter.com/pgomes7973/status/1686198914381230081?ref_src=twsrc%5Etfw%7Ctwcamp%5Etweetembed%7Ctwterm%5E1686198914381230081%7Ctwgr%5E633540303a97349341da658a5c9232a354607666%7Ctwcon%5Es1_&ref_url=https%3A%2F%2Fwww.wionews.com%2Fworld%2Fshocking-video-tragedy-follows-as-brazilian-father-drinks-beer-while-11-year-old-son-flies-plane-623725

Share This Article

Latest News

ಬಸನಗೌಡ ಪಾಟೀಲ್ ಯತ್ನಾಳ್ ಉಚ್ಚಾಟನೆಯಿಂದ ಬಿಜೆಪಿಗೆ ಹಿನ್ನಡೆಯಾಗುತ್ತದಾ ?

View Results

Loading ... Loading ...

Most Read