ಹುಟ್ಟುವ ಮುನ್ನ ಸರ್ಕಾರದ ಅನುಮತಿ ಕೇಳಿದ್ದೀಯಾ ? ಕೆಲಸ ಕೇಳಿದ ನಿರುದ್ಯೋಗಿಗೆ ಡಿಸಿ ಆವಾಜ್ | VIDEO

ಹಿರಿಯ ಐಎಎಸ್ ಅಧಿಕಾರಿ ಗಾಯತ್ರಿ ರಾಥೋಡ್, ನಿರುದ್ಯೋಗಿ ಯುವಕನೊಬ್ಬನಿಗೆ ವಿವಾದಾತ್ಮಕ ಹೇಳಿಕೆ ನೀಡಿದ್ದು, ಇದು ಸಾಮಾಜಿಕ ಜಾಲತಾಣಗಳಲ್ಲಿ ಫುಲ್‌ ವೈರಲ್‌ ಆಗಿದೆ.

ರಾಜಸ್ಥಾನದ ವೈದ್ಯಕೀಯ ಮತ್ತು ಆರೋಗ್ಯ ಇಲಾಖೆಯ ಪ್ರಧಾನ ಕಾರ್ಯದರ್ಶಿಯಾಗಿರುವ ಗಾಯತ್ರಿ ರಾಥೋಡ್, ಯುವ ಉದ್ಯೋಗಾಕಾಂಕ್ಷಿಯೊಬ್ಬರಿಗೆ, “ನೀನು ಹುಟ್ಟುವ ಮೊದಲು ಸರ್ಕಾರದಿಂದ ಅನುಮತಿ ಪಡೆದಿದ್ದೀಯಾ?” ಎಂದು ಕೇಳಿದ್ದು, ಈ ವಿಡಿಯೋ ವೈರಲ್‌ ಆದ ಬಳಿಕ ಸಾಮಾಜಿಕ ಮಾಧ್ಯಮ ಬಳಕೆದಾರರು ಶೀಘ್ರವಾಗಿ ಪ್ರತಿಕ್ರಿಯಿಸಿದ್ದಾರೆ.

ಅನೇಕರು ಉನ್ನತ ಶ್ರೇಣಿಯ ಅಧಿಕಾರಿಯ ಪ್ರತಿಕ್ರಿಯೆಗೆ ತಮ್ಮ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಐಎಎಸ್ ಅಧಿಕಾರಿಯ ಹೇಳಿಕೆಯ ವೈರಲ್ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಟೀಕೆಗೆ ಗುರಿಯಾಗಿದೆ.

ಬಳಕೆದಾರ ಬಲ್ಕೌರ್ ಸಿಂಗ್ ಧಿಲ್ಲೋನ್ X (ಹಿಂದೆ ಟ್ವಿಟರ್) ನಲ್ಲಿ ವೀಡಿಯೊವನ್ನು ಹಂಚಿಕೊಂಡ ನಂತರ ಈ ಘಟನೆಯು ಗಮನ ಸೆಳೆದಿದ್ದು, ಈ ವಿಡಿಯೋ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ. ನಿರುದ್ಯೋಗದ ಬಗ್ಗೆ ಸರ್ಕಾರಿ ಅಧಿಕಾರಿಯ ವರ್ತನೆಯನ್ನು ನೆಟಿಜನ್‌ಗಳು ಪ್ರಶ್ನಿಸಿದ್ದಾರೆ

ಒಬ್ಬ ಬಳಕೆದಾರ, “ಇದು ಮೇಡಮ್ ಮಾತನಾಡುತ್ತಿಲ್ಲ; ಇದು ಅವರ ಅಹಂಕಾರ ಮಾತನಾಡುತ್ತಿದೆ !” ಎಂದಿದ್ದರೆ ಮತ್ತೊಬ್ಬರು ‘ಹುಟ್ಟುವ ಮುನ್ನವೇ ಮೇಡಂ ಸರ್ಕಾರವನ್ನು ಕೇಳಿರಬಹುದು, ಅದಕ್ಕೇ ಐಎಎಸ್ ಅಧಿಕಾರಿಯಾದರು’ ಎಂದು ಹೇಳಿದ್ದಾರೆ.

https://twitter.com/BalkaurDhillon/status/1851081352780906553?ref_src=twsrc%5Etfw%7Ctwcamp%5Etweetembed%7Ctwterm%5E1851081352780906553%7Ctwgr%5Edec7675fa94899a4e25f03bdfc1130127f495764%7Ctwcon%5Es1_&ref_url=https%3A%2F%2Fm.dailyhunt.in%2Fnews%2Findia%2Fenglish%2Fdnpindia-epaper-dh32aa52fd1e564d7ab912b538d71eaab2%2Fviralvideotumsarkarsepoochkarpaidahuethekyasenioriasofficersremarktowardsunemployedyouthignitesoutrage-newsid-n637131948