ಬಾಂಗ್ಲಾದೇಶ ವಿರುದ್ಧ 40 ಎಸೆತಗಳಲ್ಲೇ ಭರ್ಜರಿ ಶತಕ ಸಿಡಿಸಿದ ಸಂಜು ಸ್ಯಾಮ್ಸನ್ ದಾಖಲೆ

ಶನಿವಾರ ಬಾಂಗ್ಲಾದೇಶ ವಿರುದ್ಧ ಕೇವಲ 40 ಎಸೆತಗಳಲ್ಲಿ ತಮ್ಮ ಚೊಚ್ಚಲ T20I ಶತಕವನ್ನು ಸಿಡಿಸುವ ಮೂಲಕ ಸಂಜು ಸ್ಯಾಮ್ಸನ್ ಇತಿಹಾಸದ ಪುಸ್ತಕ ಪ್ರವೇಶಿಸಿದ್ದಾರೆ. ಹೈದರಾಬಾದ್‌ನಲ್ಲಿ ನಡೆದ ಮೂರನೇ T20I ಪಂದ್ಯದಲ್ಲಿ ಬಾಂಗ್ಲಾದೇಶದ ಬೌಲರ್‌ಗಳನ್ನು ಸದೆಬಡಿದ ಸ್ಟಾರ್ ವಿಕೆಟ್‌ ಕೀಪರ್ ಬ್ಯಾಟ್ಸ್‌ ಮನ್ ಭಾರತಕ್ಕಾಗಿ ಎರಡನೇ ವೇಗದ T20I ಶತಕದ ದಾಖಲೆ ನಿರ್ಮಿಸಿದರು.

ಆರಂಭಿಕ ಎರಡು ಪಂದ್ಯಗಳಲ್ಲಿ ಪ್ರಭಾವ ಬೀರಲು ವಿಫಲವಾದ ನಂತರ, ಭಾರತೀಯ ಓಪನರ್ ತಂಡದಲ್ಲಿ ತನ್ನ ಆಯ್ಕೆಯನ್ನು ಸಮರ್ಥಿಸಲು ತನ್ನ ದೊಡ್ಡ ಕೌಶಲ್ಯ ಪ್ರದರ್ಶಿಸಿದರು. ಭಾರತವು ಪವರ್‌ ಪ್ಲೇಯ ಆರಂಭದಲ್ಲಿ ಅಭಿಷೇಕ್ ಶರ್ಮಾರನ್ನು ಕಳೆದುಕೊಂಡಿತು ಆದರೆ ಸ್ಯಾಮ್ಸನ್ ಮತ್ತು ನಾಯಕ ಸೂರ್ಯಕುಮಾರ್ ಯಾದವ್ ದಾಖಲೆಯ ಇನ್ನಿಂಗ್ಸ್‌ ನಲ್ಲಿ ಬಾಂಗ್ಲಾದೇಶದ ಬೌಲರ್‌ಗಳನ್ನು ಚೆಂಡಾಡಿದರು.

ಸ್ಯಾಮ್ಸನ್ 50 ರನ್ ತಲುಪಲು ಕೇವಲ 22 ಎಸೆತಗಳನ್ನು ತೆಗೆದುಕೊಂಡರು. ಮತ್ತು ನಂತರ ಕೇವಲ 40 ಎಸೆತಗಳಲ್ಲಿ ತಮ್ಮ ಚೊಚ್ಚಲ T20I ಶತಕವನ್ನು ಗಳಿಸಿದರು. ಇದು ಭಾರತೀಯ ಕ್ರಿಕೆಟಿಗನ ವೇಗದ ಶತಕವಾಗಿದೆ. ಒಂದು ಓವರ್‌ನಲ್ಲಿ ಸತತ ಐದು ಅಥವಾ ಅದಕ್ಕಿಂತ ಹೆಚ್ಚು ಸಿಕ್ಸರ್‌ಗಳನ್ನು ಸಿಡಿಸಿದ ಯುವರಾಜ್ ಸಿಂಗ್ ನಂತರ ಸ್ಯಾಮ್ಸನ್ ಎರಡನೇ ಭಾರತೀಯ ಮತ್ತು ಒಟ್ಟಾರೆಯಾಗಿ ನಾಲ್ಕನೇ ಭಾರತೀಯರಾದರು.

ಭಾರತಕ್ಕೆ ಅತಿ ವೇಗದ ಟಿ20 ಶತಕ

ರೋಹಿತ್ ಶರ್ಮಾ – 2017 ರಲ್ಲಿ ಶ್ರೀಲಂಕಾ ವಿರುದ್ಧ 35 ಎಸೆತಗಳು

ಸಂಜು ಸ್ಯಾಮ್ಸನ್ – 2024 ರಲ್ಲಿ ಬಾಂಗ್ಲಾದೇಶ ವಿರುದ್ಧ 40 ಎಸೆತಗಳು

ಸೂರ್ಯಕುಮಾರ್ ಯಾದವ್ – 2023 ರಲ್ಲಿ ಶ್ರೀಲಂಕಾ ವಿರುದ್ಧ 45 ಎಸೆತಗಳು

ಅಭಿಷೇಕ್ ಶರ್ಮಾ – 2024 ರಲ್ಲಿ ಜಿಂಬಾಬ್ವೆ ವಿರುದ್ಧ 46 ಎಸೆತಗಳು

ಯಶಸ್ವಿ ಜೈಸ್ವಾಲ್ – 2023 ರಲ್ಲಿ ನೇಪಾಳ ವಿರುದ್ಧ 48 ಎಸೆತಗಳು

https://twitter.com/BCCI/status/1845112124860764356

https://twitter.com/BCCI/status/1845115251873767835