ರೋಬೋಟ್ ನಾಯಿ – ಡ್ರೋನ್ ನಡುವೆ ಯುದ್ಧ: ಭವಿಷ್ಯದ ಚಿತ್ರಣ ನೀಡಿತಾ ವಿಡಿಯೋ ?

ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ಒಂದು ವಿಡಿಯೋ ಜನರನ್ನು ಅಚ್ಚರಿಯ ಜೊತೆಗೆ ಭವಿಷ್ಯದ ಬಗ್ಗೆ ಆತಂಕಗೊಳ್ಳುವಂತೆ ಮಾಡಿದೆ. ಈ ವಿಡಿಯೋದಲ್ಲಿ ಒಂದು ರೋಬೋಟ್ ನಾಯಿ ಮತ್ತು ಒಂದು ಡ್ರೋನ್ ಪರಸ್ಪರ ಯುದ್ಧ ಮಾಡುತ್ತಿರುವುದು ಕಂಡುಬಂದಿದೆ. ಈ ಎರಡೂ ಯಂತ್ರಗಳು ಬೆಂಕಿಯನ್ನು ಹೊರಸೂಸುತ್ತಿದ್ದು, ಭವಿಷ್ಯದ ಯುದ್ಧದ ಒಂದು ಚಿತ್ರಣವನ್ನು ತೋರಿಸುತ್ತದೆ.

ಈ ವಿಡಿಯೋವನ್ನು ನೋಡಿದ ನಂತರ ಅನೇಕ ಜನರು ಭವಿಷ್ಯದ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದಾರೆ. ಕೆಲವರು ಇದು ಯಂತ್ರಗಳ ನಡುವಿನ ಮೊದಲ ಯುದ್ಧ ಎಂದು ಹೇಳಿದ್ದಾರೆ. ಇನ್ನೂ ಕೆಲವರು ಭವಿಷ್ಯದಲ್ಲಿ ಯುದ್ಧಗಳು ಹೀಗೆಯೇ ನಡೆಯಲಿವೆ ಎಂದು ಹೇಳಿದ್ದಾರೆ.

ತಂತ್ರಜ್ಞಾನ ಎಷ್ಟು ವೇಗವಾಗಿ ಬೆಳೆಯುತ್ತಿದೆ ಎಂಬುದನ್ನು ಈ ವಿಡಿಯೋ ತೋರಿಸುತ್ತದೆ ಎಂದಿರುವ ಕೆಲವರು ಕೆಲವೇ ವರ್ಷಗಳ ಹಿಂದೆ ಇಂಥದ್ದೊಂದು ವಿಡಿಯೋ ಕಲ್ಪನೆಯಲ್ಲಿಯೂ ಇರಲಿಲ್ಲ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಯಂತ್ರಗಳನ್ನು ಯುದ್ಧಕ್ಕೆ ಬಳಸುವುದು ಸರಿಯೇ ? ಯಂತ್ರಗಳು ಸ್ವತಃ ನಿರ್ಧಾರಗಳನ್ನು ತೆಗೆದುಕೊಳ್ಳುವುದು ಸುರಕ್ಷಿತವೇ ? ಇಂಥ ಹಲವು ನೈತಿಕ ಪ್ರಶ್ನೆಗಳನ್ನು ಈ ವಿಡಿಯೋ ಹುಟ್ಟುಹಾಕಿದೆ.

ಭವಿಷ್ಯದಲ್ಲಿ ಯುದ್ಧಗಳು ಮಾನವರ ನಡುವೆ ನಡೆಯುವುದರ ಜೊತೆಗೆ ಯಂತ್ರಗಳ ನಡುವೆ ನಡೆಯಬಹುದು ಎಂಬ ಆತಂಕವನ್ನು ಈ ವಿಡಿಯೋ ಹೆಚ್ಚಿಸಿದೆ. ಹೀಗಾಗಿ ಯಂತ್ರಗಳನ್ನು ಯುದ್ಧಕ್ಕೆ ಬಳಸುವುದನ್ನು ನಿಯಂತ್ರಿಸುವಂತಹ ಕಟ್ಟುನಿಟ್ಟಿನ ನಿಯಮಗಳನ್ನು ರೂಪಿಸಬೇಕು ಎಂದು ಕೆಲವರು ತಮ್ಮ ಅನಿಸಿಕೆ ವ್ಯಕ್ತಪಡಿಸಿದ್ದಾರೆ. ಆದಾಗ್ಯೂ ಈ ವಿಡಿಯೋದ ಸತ್ಯಾಸತ್ಯತೆಯನ್ನು ಇನ್ನೂ ಸಂಪೂರ್ಣವಾಗಿ ಖಚಿತಪಡಿಸಲಾಗಿಲ್ಲ.

The First War of Machines: Video of a battle between a drone and a robot dog goes viral in China

The firefight was conducted using fireworks. It is unclear whether the devices were being controlled by someone, and the location of the footage remains undisclosed. pic.twitter.com/1vrdlVND0l

— NEXTA (@nexta_tv) January 27, 2025