ಬಾಲಿವುಡ್‌ನ ವಿವಾದಾತ್ಮಕ ನಟಿ ರಾಖಿ ಸಾವಂತ್ ಅವರು ವಿಮಾನದಲ್ಲಿ ಹಿರಿಯರೊಬ್ಬರೊಂದಿಗೆ ವಾಗ್ವಾದ ನಡೆಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ, ಆ ಹಿರಿಯ ವ್ಯಕ್ತಿ ತಮ್ಮ ಗೋಡಂಬಿಗಳಲ್ಲಿ ರಾಖಿ ಅವರ ಕೂದಲು ಸಿಕ್ಕಿಕೊಂಡಿದೆ ಎಂದು ಆಕ್ಷೇಪ ವ್ಯಕ್ತಪಡಿಸುವುದರೊಂದಿಗೆ ವಿವಾದ ಪ್ರಾರಂಭವಾಯಿತು. ಇದನ್ನು ರಾಖಿ ಸಂಪೂರ್ಣವಾಗಿ ನಿರಾಕರಿಸಿದರು.
“ಗೋಡಂಬಿ ತಿನ್ನಲು ನಿಮಗೆ ಹಲ್ಲುಗಳು ಇದೆಯಾ?” ಎಂದು ರಾಖಿ ಆ ಹಿರಿಯರನ್ನು ಅಣಕಿಸಿದರು. ನಂತರ ಕಣ್ಣು ತಿರುಗಿಸಿ, “ಅಂಕಲ್, ಇದು ನನ್ನ ಕೂದಲಲ್ಲ” ಎಂದರು. ಅವರು ತಮ್ಮ ದೂರುಗಳನ್ನು ಮುಂದುವರಿಸಿದಾಗ, ರಾಖಿ ತೀಕ್ಷ್ಣವಾಗಿ, “ಏಕೆ? ಇಲ್ಲಿ ಜನರೆಲ್ಲ ಬೋಳಾಗಿದ್ದಾರಾ?” ಎಂದು ಕೇಳಿದರು.
ಇನ್ನೊಬ್ಬ ಪ್ರಯಾಣಿಕರು ಪರಿಸ್ಥಿತಿಯನ್ನು ಸಮಾಧಾನಪಡಿಸಲು ಪ್ರಯತ್ನಿಸಿದಾಗ, ರಾಖಿ ತಿರುಗೇಟು ನೀಡಿ, “ಇದು ನಿಮ್ಮ ಕೂದಲಲ್ವಾ? ನೀವು ಈ ಹಿರಿಯರ ಜೊತೆ ಫ್ಲರ್ಟ್ ಮಾಡ್ತಿದ್ದೀರಾ?” ಎಂದರು. ನಂತರ ತಮಾಷೆಯಾಗಿ, “ದಯವಿಟ್ಟು ಆಂಬುಲೆನ್ಸ್ ಕರೆಯಿರಿ. ಈ ವ್ಯಕ್ತಿ ತುಂಬಾ ಜೋರಾಗಿ ಕೂಗಾಡುತ್ತಿದ್ದಾರೆ” ಎಂದರು.
ಈ ಕ್ಲಿಪ್ 5 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದಿದ್ದು, ಅನೇಕ ಬಳಕೆದಾರರು ಈ ವಾಗ್ವಾದವನ್ನು ಮನರಂಜನೀಯವೆಂದು ಕಂಡುಕೊಂಡಿದ್ದಾರೆ. ಆದರೆ, ವರದಿಗಳ ಪ್ರಕಾರ, ಈ ವಿಡಿಯೋ ಸ್ಕ್ರಿಪ್ಟೆಡ್ ಆಗಿತ್ತು ಎಂಬುದು ಅಸಲಿ ಸತ್ಯ. “ಅದು ನಕಲಿ ವಿಮಾನ” ಎಂದು ಒಬ್ಬ ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ. “ಇದು ವಿಮಾನಯಾನ ಸಿಬ್ಬಂದಿಗೆ ಇಂತಹ ಪರಿಸ್ಥಿತಿಗಳನ್ನು ಸರಿಯಾಗಿ ನಿರ್ವಹಿಸಲು ಮಾಡಿದ ಸ್ಕ್ರಿಪ್ಟೆಡ್ ತರಬೇತಿ ಕಾರ್ಯಕ್ರಮದ ಭಾಗವಾಗಿದೆ” ಎಂದು ಇನ್ನೊಬ್ಬರು ಹೇಳಿದ್ದಾರೆ.
ಕೆಲವು ಬಳಕೆದಾರರು ಈ ಸಂಭಾಷಣೆಯನ್ನು ಆನಂದಿಸಿದ್ದು, ಒಬ್ಬರು “ಡ್ರಾಮಾ ಶುಡ್ ಗೋ ಆನ್ ಇನ್ ದಿ ಏರ್” ಎಂದು ಹೇಳಿದರೆ, ಇನ್ನೊಬ್ಬರು “ನನಗೆ ನನ್ನ ಜೀವನದಲ್ಲಿ ರಾಖಿಯಂತಹ ಸ್ನೇಹಿತೆ ಬೇಕು” ಎಂದು ಹಾಸ್ಯಮಯವಾಗಿ ಪ್ರತಿಕ್ರಿಯಿಸಿದ್ದಾರೆ. ಮತ್ತೊಬ್ಬರು “ಚಾಚಾಗೆ ಕೆಲವು ಮಾನದಂಡಗಳಿವೆ” ಎಂದು ಹೊಗಳಿದ್ದಾರೆ.
Loading ...
