ವಿದೇಶದಲ್ಲೂ ʼಪುಷ್ಪಾʼ ಸಿನಿಮಾ ದಾಖಲೆ; ದಂಗಾಗಿಸುವಂತಿದೆ ರಷ್ಯಾದಲ್ಲಿನ ಗಳಿಕೆ

ಅಲ್ಲು ಅರ್ಜುನ್ ಅಭಿನಯದ ʼಪುಷ್ಪಾʼ ಸಿನಿಮಾ 2021ರ ಡಿಸೆಂಬರ್ ನಲ್ಲಿ ಬಿಡುಗಡೆಯಾದಾಗಿನಿಂದ ಇಂದಿನವರೆಗೂ ಹಲವು ದಾಖಲೆಗಳನ್ನ ಮಾಡಿದೆ.

ಭಾರತದಲ್ಲಿ ಬಿಡುಗಡೆಯಾದ ಈ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ಭಾರೀ ಯಶಸ್ಸು ಕಂಡಿತು. ಪ್ಯಾನ್ ಇಂಡಿಯಾ ಚಲನಚಿತ್ರವಾಗಿ ಬಿಡುಗಡೆಯಾದ ʼಪುಷ್ಪಾʼ ಅದರ ಸಂಭಾಷಣೆಗಳು, ಹಾಡುಗಳು ಮತ್ತು ಶ್ರೀವಲ್ಲಿ ಹಾಡಿನ ಅಲ್ಲು ಅರ್ಜುನ್ ಅವರ ಸಿಗ್ನೇಚರ್ ಸ್ಟೆಪ್ ತಿಂಗಳುಗಟ್ಟಲೆ ಟ್ರೆಂಡಿಂಗ್‌ನಲ್ಲಿದ್ದು ಖ್ಯಾತಿ ಗಳಿಸಿತು.

ಇದೀಗ ಈ ಚಿತ್ರದ ಸಾಲಿಗೆ ಮತ್ತೊಂದು ದಾಖಲೆ ಸೇರಿದೆ. ಈ ಚಿತ್ರವು ಭಾರತದಲ್ಲಿ ಮಾತ್ರವಲ್ಲದೆ ವಿದೇಶದಲ್ಲಿಯೂ ಬಾಕ್ಸ್ ಆಫೀಸ್ ದಾಖಲೆಗಳನ್ನು ಮುರಿದಿದೆ. ರಷ್ಯಾದಲ್ಲಿ ಬಿಡುಗಡೆಯಾಗಿ ಅತಿ ಹೆಚ್ಚು ಗಳಿಕೆ ಕಂಡ ದಕ್ಷಿಣ ಭಾರತದ ಸಿನಿಮಾ ಎಂಬ ಹೆಗ್ಗಳಿಕೆಗೆ ಪುಷ್ಪಾ ಸಿನಿಮಾ ಪಾತ್ರವಾಗಿದೆ. ವರದಿಯ ಪ್ರಕಾರ, ಪುಷ್ಪಾ: ದಿ ರೈಸ್ ರಷ್ಯಾದಲ್ಲಿ ದಾಖಲೆಯ ವ್ಯಾಪಾರ ಮಾಡಿದೆ.

ಪುಷ್ಪಾ: ದಿ ರೈಸ್ ಡಿಸೆಂಬರ್ 8 ರಂದು ರಷ್ಯಾದಲ್ಲಿ ಬಿಡುಗಡೆಯಾಗಿದ್ದು ಇನ್ನೂ ದೇಶದಲ್ಲಿ 774 ಕ್ಕೂ ಹೆಚ್ಚು ಸ್ಕ್ರೀನ್‌ಗಳಲ್ಲಿ ಪ್ರದರ್ಶನವಾಗುತ್ತಿದೆ. ಈ ಚಲನಚಿತ್ರವು ರಷ್ಯಾದ ಗಲ್ಲಾಪೆಟ್ಟಿಗೆಯಲ್ಲಿ 25 ದಿನಗಳಲ್ಲಿ 10 ಮಿಲಿಯನ್ ರೂಬಲ್‌ಗಳನ್ನು ಗಳಿಸಿದೆ ಎಂದು ವರದಿಯಾಗಿದೆ, ಇದು ಭಾರತೀಯ ಕರೆನ್ಸಿಯಲ್ಲಿ 13 ಕೋಟಿ ರೂ. ಪುಷ್ಪಾ ಸಿನಿಮಾ ಬಾಹುಬಲಿ 2 ಅನ್ನು ಹಿಂದಿಕ್ಕಿ ರಷ್ಯಾದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ದಕ್ಷಿಣ ಭಾರತೀಯ ಚಲನಚಿತ್ರವಾಗಿದೆ.

ಅಲ್ಲು ಅರ್ಜುನ್ ಜೊತೆ ರಶ್ಮಿಕಾ ಮಂದಣ್ಣ ನಟಿಸಿದ್ದು, ಸುಕುಮಾರ್ ಚಿತ್ರ ನಿರ್ದೇಶನ ಮಾಡಿದ್ದಾರೆ. ಪುಷ್ಪಾ ಬಿಡುಗಡೆಯಾದ ನಂತರ ಭಾರತದಲ್ಲಿ ಸುಮಾರು 490 ಕೋಟಿ ರೂಪಾಯಿ ಗಳಿಸಿದೆ.

ಪುಷ್ಪ: ದಿ ರೂಲ್ ಎಂಬ ಶೀರ್ಷಿಕೆಯ ಚಿತ್ರದ ಮುಂದುವರಿದ ಭಾಗದ ನಿರ್ಮಾಣವು ಇತ್ತೀಚೆಗೆ ಪೂಜಾ ಸಮಾರಂಭದೊಂದಿಗೆ ಪ್ರಾರಂಭವಾಯಿತು. ವರದಿಗಳ ಪ್ರಕಾರ, ಮುಂದಿನ ಭಾಗದ ಚಿತ್ರೀಕರಣ ಜನವರಿ ಮೂರನೇ ವಾರದಲ್ಲಿ ಪ್ರಾರಂಭವಾಗಲಿದೆ.

https://twitter.com/MythriOfficial/status/1609820614088613888?ref_src=twsrc%5Etfw%7Ctwcamp%5Etweetembed%7Ctwterm%5E1609820614088613888%7Ctwgr%5Eea4ab6a9f68cca0e53d64d1ebd116486f03d94c8%7Ctwcon%5Es1_&ref_url=https%3A%2F%2Fwww.news18.com%2Fnews%2Fmovies%2Fpushpa-the-rise-becomes-highest-grossing-south-film-in-russia-know-how-much-it-earned-6747871.html