BREAKING NEWS: ಕ್ರಾಂತಿಕಾರಿ ಕವಿ, ಜನಪ್ರಿಯ ಜಾನಪದ ಗಾಯಕ ಗದ್ದರ್ ವಿಧಿವಶ

ಹೈದರಾಬಾದ್: ತೆಲಂಗಾಣದ ಖ್ಯಾತ ಜಾನಪದ ಗಾಯಕ ಗದ್ದರ್ ಅವರು ಅನಾರೋಗ್ಯದಿಂದ ಭಾನುವಾರ ಇಲ್ಲಿ ನಿಧನರಾದರು. ಅವರಿಗೆ 77 ವರ್ಷ ವಯಸ್ಸಾಗಿತ್ತು.

ಗದ್ದರ್ ಅವರ ನಿಜವಾದ ಹೆಸರು ಗುಮ್ಮಡಿ ವಿಟ್ಟಲ್ ರಾವ್, ಶ್ವಾಸಕೋಶ ಮತ್ತು ಮೂತ್ರ ಕೋಶದ ಸಮಸ್ಯೆ ಮತ್ತು ವಯಸ್ಸಾದ ಕಾರಣ ಇಲ್ಲಿನ ಅಪೋಲೋ ಸ್ಪೆಕ್ಟ್ರಾ ಆಸ್ಪತ್ರೆಗೆ ದಾಖಲಿಸಿದ್ದು, ಚಿಕಿತ್ಸೆ ಫಲಿಸದೇ ನಿಧನರಾದರು.

ತೀವ್ರ ಹೃದ್ರೋಗದಿಂದ ಬಳಲುತ್ತಿದ್ದ ಅವರು ಜುಲೈ 20 ರಂದು ಆಸ್ಪತ್ರೆಗೆ ದಾಖಲಾಗಿದ್ದರು.ಅವರು ಆಗಸ್ಟ್ 3 ರಂದು ಬೈಪಾಸ್ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಅವರು ಚೇತರಿಸಿಕೊಂಡಿದ್ದರು. ಆದಾಗ್ಯೂ, ಅವರಿಗೆ ಶ್ವಾಸಕೋಶ ಮತ್ತು ಮೂತ್ರದ ಸಮಸ್ಯೆ ಇತ್ತು. ಇದು ಉಲ್ಬಣಗೊಂಡು ಮರಣಕ್ಕೆ ಕಾರಣವಾಯಿತು ಎಂದು ಹೇಳಲಾಗಿದೆ.

ಸಾವಿರಾರು ತೆಲಂಗಾಣ ಗ್ರಾಮೀಣ ಯುವಕರನ್ನು ಮಾವೋವಾದಿ ಚಳವಳಿ ಮತ್ತು ಪ್ರತ್ಯೇಕ ತೆಲಂಗಾಣ ಚಳವಳಿಯತ್ತ ಸೆಳೆಯುವಲ್ಲಿ ಗದ್ದರ್ ಅವರ ಹಾಡುಗಳು ಮತ್ತು ಭಾಷಣ ಕೌಶಲ್ಯಗಳು ಪ್ರಮುಖ ಪಾತ್ರವಹಿಸಿವೆ.

https://twitter.com/MdAzmathAli6/status/1688142172313571328