ಅಪರೂಪದ ಗುಲಾಬಿ ಬಣ್ಣದ ಪಾರಿವಾಳ ಪತ್ತೆ; ಫೋಟೋ ವೈರಲ್

ಪಾರಿವಾಳಗಳು ಸಾಮಾನ್ಯವಾಗಿ ಬಿಳಿ , ಬೂದು ಹಾಗೂ ಕಂದು ಬಣ್ಣದಲ್ಲಿ ಇರೋದನ್ನ‌ ನೋಡುತ್ತೇವೆ. ಆದರೆ ಇತ್ತೀಚೆಗೆ ಬ್ರಿಟನ್​ನ ನಗರವೊಂದರಲ್ಲಿ ಗುಲಾಬಿ ಬಣ್ಣದ ಪಾರಿವಾಳವೊಂದು ಗಮನಕ್ಕೆ ಬಂದಿದೆ.

ಈ ಪಾರಿವಾಳವು ಅತ್ಯಂತ ವಿಲಕ್ಷಣವಾದ ಗರಿಗಳನ್ನು ಹೊಂದಿದೆ. ಸ್ಥಳೀಯರಿಂದ ಆಹಾರ ಪಡೆದ ಈ ಪಕ್ಷಿಯು ಮೇಲ್ಛಾವಣಿ ಮೇಲೆ ಕುಳಿತಿರೋದನ್ನು ಕಾಣಬಹುದಾಗಿದೆ. ಇದನ್ನು ನೋಡಿದ ಸ್ಥಳೀಯರು ಆಶ್ಚರ್ಯ ಚಕಿತರಾಗಿದ್ದಾರೆ. ಗ್ರೇಟರ್ ಮ್ಯಾಂಚೆಸ್ಟರ್​ ಪೊಲೀಸ್​ ಅಧಿಕಾರಿಗಳು ಸಹ ಈ ವಿಚಿತ್ರ ಪಕ್ಷಿಯನ್ನು ಗಮನಿಸಿದ್ದಾರೆ ಎನ್ನಲಾಗಿದೆ.

ಈ ಗುಲಾಬಿ ಬಣ್ಣದ ಪಾರಿವಾಳವು ದಿಢೀರ್​ ಕಾಣಿಸಿಕೊಂಡಿರೋದು ಅನೇಕರಿಗೆ ಆಶ್ಚರ್ಯವನ್ನುಂಟು ಮಾಡಿದೆ. ಹಕ್ಕಿಯ ವಿಶಿಷ್ಟ ಬಣ್ಣವು ಜನರಲ್ಲಿ ಭಾರೀ ಕುತೂಹಲವನ್ನುಂಟು ಮಾಡಿದೆ. ಹಕ್ಕಿಯ ಈ ವಿಶಿಷ್ಟ ಬಣ್ಣವು ನೈಸರ್ಗಿಕವಾಗಿದೆಯೇ ಅಥವಾ ಅದರ ಮೈಗೆ ಯಾವುದಾದರೊಂದು ಬಣ್ಣ ಅಂಟಿರಬಹುದೇ ಎಂಬ ಪ್ರಶ್ನೆ ಹುಟ್ಟು ಹಾಕಿದೆ.

ಸ್ಥಳೀಯರಾದ 43 ವರ್ಷದ ಸಮಂತಾ ಎಂಬವರು ಈ ವಿಚಾರವಾಗಿ ಮಾತನಾಡಿದ್ದಾರೆ. ಎಲ್ಲರೂ ಗುಲಾಬಿ ಬಣ್ಣದ ಪಾರಿವಾಳವನ್ನು ನೋಡಿ ಆಶ್ಚರ್ಯ ಪಡುತ್ತಾರೆ. ಆದರೆ ಯಾರಿಗೊತ್ತು ಇದರ ಮೈಗೆ ಗುಲಾಬಿ ಬಣ್ಣ ಅಂಟಿರಲೂಬಹುದು ಅಲ್ಲವೇ..? ಎಂದು ಪ್ರಶ್ನೆ ಮಾಡಿದ್ದಾರೆ.

Share This Article

Latest News

ಬಸನಗೌಡ ಪಾಟೀಲ್ ಯತ್ನಾಳ್ ಉಚ್ಚಾಟನೆಯಿಂದ ಬಿಜೆಪಿಗೆ ಹಿನ್ನಡೆಯಾಗುತ್ತದಾ ?

View Results

Loading ... Loading ...

Most Read