ಸಣ್ಣ ಹಿಮಗಡ್ಡೆಯ ಮೇಲೆ ಮಲಗಿರುವ ಹಿಮಕರಡಿಯ ಚಿತ್ರವು 2023 ರ ವರ್ಷದ ವನ್ಯಜೀವಿ ಛಾಯಾಗ್ರಾಹಕ ಪೀಪಲ್ಸ್ ಚಾಯ್ಸ್ ಪ್ರಶಸ್ತಿಯನ್ನು ಪಡೆದುಕೊಂಡಿದೆ.
ವರದಿಗಳ ಪ್ರಕಾರ, ವಿಜೇತೆ ನಿಮಾ ಸರಿಖಾನಿ ನಾರ್ವೇಜಿಯನ್ ದ್ವೀಪಗಳಲ್ಲಿ ಮೂರು ದಿನಗಳ ಕಾಲ ಹಿಮಕರಡಿಗಳನ್ನು ಹುಡುಕಿದ ನಂತರ ಚಿತ್ರವನ್ನು ಸೆರೆಹಿಡಿದಿದ್ದಾರೆ.ಮಲಗಿರುವ ಹಿಮಕರಡಿಯ ಹೃದಯಸ್ಪರ್ಶಿ ಚಿತ್ರವು ವರ್ಷದ ವನ್ಯಜೀವಿ ಛಾಯಾಗ್ರಾಹಕ ಪೀಪಲ್ಸ್ ಚಾಯ್ಸ್ ಪ್ರಶಸ್ತಿಯನ್ನು ಗೆದ್ದಿದೆ.ಪ್ರತಿ ವರ್ಷ, ಈ ಛಾಯಾಗ್ರಹಣ ಸ್ಪರ್ಧೆಯನ್ನು ನ್ಯಾಚುರಲ್ ಹಿಸ್ಟರಿ ಮ್ಯೂಸಿಯಂ ಆಯೋಜಿಸುತ್ತದೆ. ಇತ್ತೀಚೆಗೆ ಮುಕ್ತಾಯಗೊಂಡ ಸ್ಪರ್ಧೆಯಲ್ಲಿ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದ ಚಿತ್ರಗಳ ಬಗ್ಗೆ ಸಂಸ್ಥೆ ಬ್ಲಾಗ್ ಅನ್ನು ಹಂಚಿಕೊಂಡಿದೆ.
ಮಲಗಿರುವ ಹಿಮಕರಡಿಯ ಫೋಟೋ
‘ಐಸ್ ಬೆಡ್’ ಎಂದು ಕರೆಯಲ್ಪಡುವ ಸಾರಿಖಾನಿ ಅವರ ಚಿತ್ರಕ್ಕೆ ‘ದಾಖಲೆಯ 75,000 ಜನರು ಮತ ಚಲಾಯಿಸಿದ್ದರೆ. ಈ ಸಾಧನೆಯ ಬಗ್ಗೆ ಮಾತನಾಡಿದ ಛಾಯಾಗ್ರಾಹಕ, “ಈ ವರ್ಷದ ವನ್ಯಜೀವಿ ಛಾಯಾಗ್ರಹಣಕ್ಕಾಗಿ ಪೀಪಲ್ಸ್ ಚಾಯ್ಸ್ ಪ್ರಶಸ್ತಿಯನ್ನು ಗೆದ್ದಿರುವುದಕ್ಕೆ ನನಗೆ ತುಂಬಾ ಗೌರವವಿದೆ, ಇದು ಅತ್ಯಂತ ಪ್ರತಿಷ್ಠಿತ ವನ್ಯಜೀವಿ ಛಾಯಾಗ್ರಹಣ ಸ್ಪರ್ಧೆಯಾಗಿದೆ. ಈ ಛಾಯಾಚಿತ್ರವನ್ನು ನೋಡಿದ ಅನೇಕರಲ್ಲಿ ಬಲವಾದ ಭಾವನೆಗಳನ್ನು ಹುಟ್ಟುಹಾಕಿದೆ ಎಂದಿದ್ದಾರೆ.
ಹವಾಮಾನ ಬದಲಾವಣೆಯು ನಾವು ಎದುರಿಸುತ್ತಿರುವ ಅತಿದೊಡ್ಡ ಸವಾಲಾಗಿದ್ದರೂ, ಈ ಛಾಯಾಚಿತ್ರವು ಭರವಸೆಯನ್ನು ಪ್ರೇರೇಪಿಸುತ್ತದೆ ಎಂದು ನಾನು ಭಾವಿಸುತ್ತೇನೆ. ನಾವು ಉಂಟುಮಾಡಿದ ಅವ್ಯವಸ್ಥೆಯನ್ನು ಸರಿಪಡಿಸಲು ಇನ್ನೂ ಸಮಯವಿದೆ” ಎಂದು ಅವರು ಹೇಳಿದರು.
Loading ...
