ವಿಮಾನದಲ್ಲಿ ಏರ್ ಹೋಸ್ಟೆಸ್ ಮೇಲೆ ಹಲ್ಲೆ: ಮದ್ಯದ ಅಮಲಿನಲ್ಲಿ ಪಾಕ್ ಮಾಜಿ ಆಯುಕ್ತರ ಪುತ್ರಿ ದಾಂಧಲೆ | Watch Video

ಪಾಕಿಸ್ತಾನದ ಕ್ವೆಟ್ಟಾ ವಿಮಾನ ನಿಲ್ದಾಣದಲ್ಲಿ ಮಂಗಳವಾರ ನಡೆದ ಆಘಾತಕಾರಿ ಘಟನೆಯಲ್ಲಿ, ಮಾಜಿ ಕ್ವೆಟ್ಟಾ ಆಯುಕ್ತ ಇಫ್ತಿಕಾರ್ ಅಹ್ಮದ್ ಅವರ ಪುತ್ರಿ ಸೈಮಾ ಜೊಗೆಜೈ ಅವರು ಸೆರೀನ್ ಏರ್ ವಿಮಾನದಲ್ಲಿ ಏರ್ ಹೋಸ್ಟೆಸ್ ಮೇಲೆ ಹಲ್ಲೆ ನಡೆಸಿದ್ದಾರೆ.

ವರದಿಯ ಪ್ರಕಾರ, ಮಾಜಿ ಆಯುಕ್ತ ಇಫ್ತಿಕಾರ್ ಅಹ್ಮದ್ ಮತ್ತು ಅವರ ಪುತ್ರಿ ಸೈಮಾ ಜೊಗೆಜೈ ಮದ್ಯದ ಅಮಲಿನಲ್ಲಿದ್ದು, ಕ್ವೆಟ್ಟಾ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಇಸ್ಲಾಮಾಬಾದ್‌ಗೆ ಹೊರಟಿದ್ದ ER540 ವಿಮಾನವನ್ನು ಹತ್ತಿದ್ದರು. ವಿಮಾನ ಹತ್ತುವ ಮುನ್ನವೇ ಇಬ್ಬರೂ ಏರ್‌ಲೈನ್ ಸಿಬ್ಬಂದಿಯೊಂದಿಗೆ ಅನುಚಿತವಾಗಿ ವರ್ತಿಸಿದ್ದಾರೆ ಎಂದು ತಿಳಿದುಬಂದಿದೆ.

ವಿಮಾನ ಟೇಕಾಫ್ ಆಗುವ ಮೊದಲು ಸೀಟ್ ಬೆಲ್ಟ್ ಕಟ್ಟಿಕೊಳ್ಳುವಂತೆ ಸಿಬ್ಬಂದಿ ಸೈಮಾ ಜೊಗೆಜೈಗೆ ಕೇಳಿದಾಗ, ಅವರು ಸಿಬ್ಬಂದಿಯೊಂದಿಗೆ ವಾಗ್ವಾದಕ್ಕಿಳಿದು ಹಲ್ಲೆ ನಡೆಸಿದ್ದಾರೆ. ಇದರಿಂದ ಏರ್ ಹೋಸ್ಟೆಸ್ ಮೂಗಿಗೆ ಗಂಭೀರ ಪೆಟ್ಟಾಗಿ ರಕ್ತ ಬಂದಿದೆ ಮತ್ತು ಹಲ್ಲೆಯಿಂದ ಒಂದು ಹಲ್ಲು ಮುರಿದಿದೆ ಎಂದು ಏರ್ ಲೈನ್ ಅಧಿಕಾರಿಗಳು ತಿಳಿಸಿದ್ದಾರೆ.

ವಿಮಾನದಲ್ಲಿ ಗದ್ದಲ ಸೃಷ್ಟಿಯಾಗುತ್ತಿದ್ದಂತೆ ಪೈಲಟ್ ವಿಮಾನದ ಟೇಕಾಫ್ ರದ್ದುಗೊಳಿಸಿ ಭದ್ರತಾ ಸಿಬ್ಬಂದಿಗೆ ಮಾಹಿತಿ ನೀಡಿದ್ದಾರೆ. ವಿಮಾನ ನಿಲ್ದಾಣದ ಭದ್ರತಾ ಸಿಬ್ಬಂದಿ ಸೈಮಾ ಜೊಗೆಜೈ ಮತ್ತು ಅವರ ತಂದೆಯನ್ನು ವಶಕ್ಕೆ ಪಡೆದಿದ್ದಾರೆ. ಈ ಘಟನೆಯ ನಂತರ, ಬಲೂಚಿಸ್ತಾನ್ ಆಡಳಿತವು ಪರಿಸ್ಥಿತಿಯನ್ನು ತಿಳಿಗೊಳಿಸುವಂತೆ ಏರ್‌ಲೈನ್ ಆಡಳಿತದ ಮೇಲೆ ಒತ್ತಡ ಹೇರಿದೆ ಎಂದು ವರದಿಯಾಗಿದೆ.

ನಂತರ, ಮಾಜಿ ಆಯುಕ್ತರು ಮತ್ತು ಅವರ ಪುತ್ರಿ ಲಿಖಿತ ಕ್ಷಮೆಯಾಚಿಸಿದ್ದಾರೆ. ಇದಾದ ಬಳಿಕ ಅವರನ್ನು ಯಾವುದೇ ಕಾನೂನು ಕ್ರಮವಿಲ್ಲದೆ ಬಿಡುಗಡೆ ಮಾಡಲಾಗಿದೆ. ಗಾಯಗೊಂಡ ಏರ್ ಹೋಸ್ಟೆಸ್‌ಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗಿದೆ.

 

 

 

You Might Also Like

‘ಶಾಂತಿ ಸಾಗರ’ ಕೆರೆ ಒತ್ತುವರಿ ತೆರವು, ಪ್ರವಾಸಿ ತಾಣವಾಗಿಸಲು ಉಪ ಲೋಕಾಯುಕ್ತ ನ್ಯಾ.ಬಿ.ವೀರಪ್ಪ ಸೂಚನೆ

‘ಹಂದಿಗಳು, ಪಾಕಿಸ್ತಾನಿಗಳಿಗೆ ಪ್ರವೇಶವಿಲ್ಲ: ಪಹಲ್ಗಾಮ್ ದಾಳಿ ಬೆನ್ನಲ್ಲೇ ಅಂಗಡಿಯಲ್ಲಿ ಹಾಕಿದ ಪೋಸ್ಟರ್ ವೈರಲ್ | Pahalgam Attack

BREAKING: ಯುವ ವಕೀಲೆ ಸೇರಿ ಇಬ್ಬರ ಸಾವು ಕೇಸ್: ಉದ್ಯಮಿ ಅರೆಸ್ಟ್

GOOD NEWS: ಬ್ಯಾಂಕಿಂಗ್ ಸಿಬ್ಬಂದಿ ಆಯ್ಕೆ ಸಂಸ್ಥೆ IBPS ನಿಂದ ವಿವಿಧ ಹುದ್ದೆಗಳ ನೇಮಕಾತಿಗೆ ಅರ್ಜಿ

SHOCKING: ಆಧಾರ್ ಕಾರ್ಡ್ ಮಾಹಿತಿ ದುರ್ಬಳಕೆ ಮಾಡಿಕೊಂಡು 1.65 ಲಕ್ಷ ರೂ. ವಂಚನೆ

TAGGED:
Share This Article

Latest News

ಬಸನಗೌಡ ಪಾಟೀಲ್ ಯತ್ನಾಳ್ ಉಚ್ಚಾಟನೆಯಿಂದ ಬಿಜೆಪಿಗೆ ಹಿನ್ನಡೆಯಾಗುತ್ತದಾ ?

View Results

Loading ... Loading ...

Most Read