ಇತ್ತೀಚಿನ ದಿನಗಳಲ್ಲಿ ಪ್ಯಾಕ್ ಮಾಡಿದ ಮತ್ತು ಸಂಸ್ಕರಿಸಿದ ಆಹಾರ ಸೇವನೆ ಹೆಚ್ಚುತ್ತಿದೆ. ಈ ಆಹಾರಗಳು ಪೋಷಕಾಂಶಗಳ ಕೊರತೆಯಿರುತ್ತದೆ, ಜೊತೆಗೆ ಇವು ಅಪಾಯಕಾರಿ ರಾಸಾಯನಿಕಗಳಿಂದ ಕೂಡಿರುತ್ತವೆ ಎಂಬುದು ಅನೇಕರಿಗೆ ತಿಳಿದಿಲ್ಲ. ಅಧ್ಯಯನದ ಪ್ರಕಾರ ಮಾನವನ ದೇಹದಲ್ಲಿ ಆಹಾರ ಪ್ಯಾಕೇಜಿಂಗ್ ಅಥವಾ ಉತ್ಪಾದನಾ ಪ್ರಕ್ರಿಯೆಯಲ್ಲಿ ಬಳಸಲಾಗುವ 3600ಕ್ಕೂ ಹೆಚ್ಚು ರಾಸಾಯನಿಕಗಳು ನಮ್ಮ ಆರೋಗ್ಯಕ್ಕೆ ಹಾನಿಕಾರಕವಾಗಿವೆ.
ಆಹಾರವನ್ನು ಸರಿಯಾಗಿ ತೊಳೆದು ಬೇಯಿಸಿದರೆ ನಮಗೆ ಅಗತ್ಯವಾದ ಪೋಷಕಾಂಶಗಳು ಸಿಗುತ್ತವೆ ಎಂಬ ಭ್ರಮೆಯಲ್ಲಿ ನಾವಿದ್ದೇವೆ. ಆದರೆ ಪ್ಯಾಕ್ ಮಾಡಿದ ಆಹಾರವು ಅನೇಕ ಅಪಾಯಕಾರಿ ರಾಸಾಯನಿಕಗಳನ್ನು ಹೊಂದಿರುತ್ತದೆ. ಇದು ಪ್ಯಾಕೇಜಿಂಗ್ ಮೂಲಕ ಆಹಾರದೊಂದಿಗೆ ಮಿಶ್ರಣಗೊಳ್ಳುತ್ತದೆ. ಇಂತಹ 100ಕ್ಕೂ ಹೆಚ್ಚು ರಾಸಾಯನಿಕಗಳು ಮಾನವನ ಆರೋಗ್ಯಕ್ಕೆ ಅಪಾಯಕಾರಿ. ದೀರ್ಘಾವಧಿಯಲ್ಲಿ ಸಹ ಇವು ಮಾರಕವಾಗಬಹುದು. ಇವುಗಳಲ್ಲಿ ಪ್ರಮುಖವಾದದ್ದೆಂದರೆ PFAಗಳು ಮತ್ತು ಬಿಸ್ಫೆನಾಲ್ ಎ.
ಪ್ಲಾಸ್ಟಿಕ್, ಕಾಗದ, ಲೋಹ ಮತ್ತು ಇತರ ವಸ್ತುಗಳಿಂದ ಮಾಡಿದ ಪ್ಯಾಕೇಜಿಂಗ್‌ನಿಂದ ಆಹಾರಕ್ಕೆ ಬರಬಹುದಾದ 14,000 ಆಹಾರ ಸಂಪರ್ಕ ರಾಸಾಯನಿಕಗಳನ್ನು (ಎಫ್‌ಸಿಸಿ) ಸಂಶೋಧಕರು ಪತ್ತೆ ಮಾಡಿದ್ದರು. ಈ ರಾಸಾಯನಿಕಗಳ ಮೂಲಗಳು ಪ್ಯಾಕೇಜಿಂಗ್ ವಸ್ತುಗಳು, ಕನ್ವೇಯರ್ ಬೆಲ್ಟ್‌ಗಳು ಅಥವಾ ಆಹಾರ ತಯಾರಿಕೆಯಲ್ಲಿ ಬಳಸುವ ಪಾತ್ರೆಗಳಾಗಿರಬಹುದು. ಮಾನವ ದೇಹದಲ್ಲಿ ಒಟ್ಟು 3601 ರಾಸಾಯನಿಕಗಳಿವೆ ಎಂಬ ಆಘಾತಕಾರಿ ಸಂಗತಿ ಅಧ್ಯಯನದಲ್ಲಿ ಬಹಿರಂಗವಾಗಿದೆ.
ಬಿಸ್ಫೆನಾಲ್ ಎ ಮತ್ತು ಥಾಲೇಟ್‌ಗಳ ಅಪಾಯ!
ಆಹಾರದ ಪ್ಯಾಕೇಜಿಂಗ್ ಮಾತ್ರವಲ್ಲದೆ ರಾಸಾಯನಿಕಗಳು ದೇಹವನ್ನು ಇತರ ಮೂಲಗಳಿಂದಲೂ ತಲುಪುತ್ತವೆ. ಆದರೆ ಪ್ಯಾಕೇಜಿಂಗ್ ಆಹಾರಕ್ಕೆ ಅಪಾಯಕಾರಿ ರಾಸಾಯನಿಕಗಳನ್ನು ಸೇರಿಸುತ್ತದೆ ಎಂಬುದು ಸ್ಪಷ್ಟ. ಈ ರಾಸಾಯನಿಕಗಳ ಆರೋಗ್ಯದ ಪರಿಣಾಮಗಳ ಬಗ್ಗೆ ಆಳವಾದ ಅಧ್ಯಯನದ ಅಗತ್ಯವಿದೆ. ಆದರೆ ಇವು ಅಪಾಯಕಾರಿ ಎಂಬುದರಲ್ಲಿ ಸಂದೇಹವಿಲ್ಲ.
ಸಂಶೋಧಕರ ಪ್ರಕಾರ ಪ್ಯಾಕೇಜಿಂಗ್‌ನೊಂದಿಗೆ ಸಂಪರ್ಕದಲ್ಲಿರುವ ಆಹಾರವನ್ನು ಅಲ್ಪಾವಧಿಗೆ ಇಡಬೇಕು ಮತ್ತು ಬಿಸಿ ಮಾಡಬಾರದು. ಇದಲ್ಲದೆ ತಾಜಾ ಮತ್ತು ಕಡಿಮೆ ಸಂಸ್ಕರಿಸಿದ ಆಹಾರವನ್ನು ಸೇವಿಸುವುದು ಸೂಕ್ತ.
Loading ...
