ನವದೆಹಲಿ: 75 ವರ್ಷ ಆದವರು ಯಾರೂ ಕೂಡ ನಿವೃತ್ತರಾಗುವಾಗ ಅಗತ್ಯವಿಲ್ಲ ಎಂದು ಆರ್.ಎಸ್.ಎಸ್. ಮುಖ್ಯಸ್ಥ ಮೋಹನ್ ಭಾಗವತ್ ಹೇಳಿದ್ದಾರೆ.
ನಾನು ನಿವೃತ್ತಿ ಆಗುವುದಿಲ್ಲ, ಬೇರೆಯವರಿಗೂ ನಿವೃತ್ತಿ ಆಗಲು ಹೇಳುವುದಿಲ್ಲ. ಎಲ್ಲಿಯವರೆಗೂ ನಾವು ಇರುತ್ತೇವೆಯೋ ಅಲ್ಲಿಯವರೆಗೂ ಕೆಲಸ ಮಾಡುತ್ತೇವೆ ಎಂದು ಮೋಹನ್ ಭಾಗವತ್ ಹೇಳಿದ್ದಾರೆ.
ಬಿಜೆಪಿ ಅಧ್ಯಕ್ಷರ ನೇಮಕದ ವಿಚಾರವಾಗಿ ಪಕ್ಷ ನಿರ್ಧಾರ ಕೈಗೊಳ್ಳುತ್ತದೆ ಎಂದು ಅವರು ತಿಳಿಸಿದ್ದಾರೆ.
ನಾನು ನಿವೃತ್ತಿ ಹೊಂದುತ್ತೇನೆ ಅಥವಾ ಯಾರಾದರೂ ನಿವೃತ್ತರಾಗಬೇಕು ಎಂದು ಎಂದಿಗೂ ಹೇಳಿಲ್ಲ ಎಂದು ಹೇಳುವ ಮೂಲಕ ಮೋಹನ್ ಭಾಗವತ್ ಅವರು ತಾವು ಈ ಹಿಂದೆ ಹೇಳಿದ್ದ 75 ನೇ ವಯಸ್ಸಿನಲ್ಲಿ ನಿವೃತ್ತಿ ನಿಯಮದ ಕುರಿತು ಯುಟರ್ನ್ ತೆಗೆದುಕೊಂಡಿದ್ದಾರೆ.
ಭಾರತೀಯ ನಾಯಕರು 75 ನೇ ವಯಸ್ಸಿನಲ್ಲಿ ನಿವೃತ್ತರಾಗಬೇಕೇ ಎಂಬ ಪ್ರಶ್ನೆಗೆ ಪ್ರತಿಕ್ರಿಯೆ ನೀಡಿದ ಮೋಹನ್ ಭಾಗವತ್, ನಾನು ನಿವೃತ್ತಿ ಹೊಂದುತ್ತೇನೆ ಅಥವಾ ಯಾರಾದರೂ ನಿವೃತ್ತರಾಗಬೇಕು ಎಂದು ನಾನು ಎಂದಿಗೂ ಹೇಳಿಲ್ಲ. ಸಂಘದಲ್ಲಿ ನಮಗೆ ಕೆಲಸ ನೀಡಲಾಗುತ್ತದೆ. ನಾವು ಬಯಸುತ್ತೇವೆಯೋ ಇಲ್ಲವೋ. ನನಗೆ 80 ವರ್ಷ ವಯಸ್ಸಾಗಿದ್ದರೆ ಮತ್ತು ಸಂಘವು ಹೋಗಿ ‘ಶಾಖೆ’ ನಡೆಸು ಎಂದು ಹೇಳಿದರೆ ನಾನು ಅದನ್ನು ಮಾಡಬೇಕಾಗುತ್ತದೆ. ಸಂಘವು ನಮಗೆ ಏನು ಹೇಳುತ್ತದೋ ಅದನ್ನು ನಾವು ಮಾಡುತ್ತೇವೆ. ಇದು ಯಾರ ನಿವೃತ್ತಿಗಾಗಿ ಅಲ್ಲ. ಸಂಘವು ನಮಗೆ ಬಯಸುವವರೆಗೆ ನಾವು ನಿವೃತ್ತರಾಗಲು ಅಥವಾ ಕೆಲಸ ಮಾಡಲು ಸಿದ್ಧರಿದ್ದೇವೆ ಎಂದು ಹೇಳಿದ್ದಾರೆ.
Loading ...
