ಚಿಕನ್ ಸಾರಿನ ವಿಚಾರಕ್ಕೆ ಜಗಳ: ತಂದೆಯಿಂದ ಘೋರ ಕೃತ್ಯ

ಮಂಗಳೂರು: ಚಿಕನ್ ಸಾರಿನ ವಿಚಾರಕ್ಕೆ ಜಗಳವಾಗಿ ತಂದೆಯೇ ಮಗನನ್ನು ಕೊಲೆ ಮಾಡಿದ ಘಟನೆ ದಕ್ಷಿಣ ಕನ್ನಡ ಜಿಲ್ಲೆಯ ಸುಬ್ರಹ್ಮಣ್ಯ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಗುತ್ತಿಗಾರು ಸಮೀಪ ಮಾತೃ ಮಜಲು ನಿವಾಸಿ ಶಿವರಾಮ ಮೃತಪಟ್ಟವರು. ತಂದೆ ಸೀನನ ಜೊತೆಗೆ ಕೋಳಿ ಸಾರು ಖಾಲಿಯಾಗಿದ್ದ ವಿಚಾರಕ್ಕೆ ಗಲಾಟೆ ನಡೆದು ವಿಕೋಪಕ್ಕೆ ತಿರುಗಿದೆ. ಸೀನ ಬಡಿಗೆಯಿಂದ ಮಗನ ತಲೆ ಮೇಲೆ ಹೊಡೆದಿದ್ದು, ತೀವ್ರ ರಕ್ತಸ್ರಾವದಿಂದ ಶಿವರಾಮ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ. ಆರೋಪಿ ಸೀನನನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ. ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.