ರಾಜಿ ಸಂಧಾನಕ್ಕೆ ಸಮಾಜ ಸೇವಕಿ ಮೊರೆ ಹೋದ ಪತ್ನಿಗೆ ಬಿಗ್ ಶಾಕ್: ದಂಪತಿ ಕಲಹ ಬಿಡಿಸಲು ಬಂದ ಮಹಿಳೆಯೇ ಮದುವೆಯಾದಳು

ಬೆಳಗಾವಿ: ದಂಪತಿ ಕಲಹ ಬಿಡಿಸಲು ಬಂದ ಸಮಾಜ ಸೇವಕಿ ಸಂಧಾನ ನಡೆಸುವ ಬದಲು ತಾನೇ ಮದುವೆಯಾದ ಘಟನೆ ಬೆಳಗಾವಿಯಲ್ಲಿ ನಡೆದಿದೆ.

ವಿಚ್ಛೇದನ ಕೊಡದೆ ಮರು ಮದುವೆಯಾದ ಗಂಡನ ವಿರುದ್ಧ ಪತ್ನಿ ದೂರು ನೀಡಿದ್ದಾರೆ. ಸರ್ಕಾರಿ ಉದ್ಯೋಗಿಯಾಗಿರುವ ಪತಿ ಮತ್ತು ಅವರ ಪತ್ನಿ ಮದುವೆಯಾಗಿ 23 ವರ್ಷವಾಗಿದ್ದು, ಇಬ್ಬರು ಪುತ್ರರಿದ್ದಾರೆ. ಆಗಾಗ ಸಂಸಾರದಲ್ಲಿ ಕಲಹ ನಡೆಯುತ್ತಿತ್ತು.

ಇದಕ್ಕಾಗಿ ಪತ್ನಿ ಬೆಳಗಾವಿಯ ಸಮಾಜ ಸೇವಕಿಯೊಬ್ಬರ ಮೊರೆ ಹೋಗಿದ್ದಾರೆ. ರಾಜಿ ಸಂಧಾನ ಮಾಡಲು ಬಂದ ಸಮಾಜ ಸೇವಕಿ ಮಹಿಳೆಯ ಪತಿಯನ್ನೇ ಮದುವೆಯಾಗಿದ್ದಾರೆ. ಮದುವೆಯಾಗುವ ಮೊದಲು ವಿಚ್ಛೇದನ ನೀಡಿಲ್ಲ. ಅನುಮತಿ ಕೂಡ ಪಡೆದಿಲ್ಲ ಎಂದು ಆರೋಪಿಸಿ ನೊಂದ ಪತ್ನಿ ಬೆಳಗಾವಿ ಮಹಿಳಾ ಪೋಲಿಸ್ ಠಾಣೆಗೆ ದೂರು ನೀಡಿದ್ದಾರೆ.