‘ಮಂಡ್ಯಹೈದ’ ಚಿತ್ರದ ವಿಡಿಯೋ ಹಾಡು ರಿಲೀಸ್

ವಿ ಶ್ರೀಕಾಂತ್ ನಿರ್ದೇಶನದ ‘ಮಂಡ್ಯಹೈದ’ ಚಿತ್ರದ ”ನೀನೇನೆ ಈ ಜೀವ” ಎಂಬ ಮೆಲೋಡಿ ಹಾಡನ್ನು ಜಾಂಕರ್ ಮ್ಯೂಸಿಕ್ ಯೂಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆ ಮಾಡಲಾಗಿದೆ. ವಿಜೇತ್ ಈ ಹಾಡಿಗೆ ಧ್ವನಿಯಾಗಿದ್ದು, ಸುರೇಂದ್ರನಾಥ್  ಸಂಗೀತ ಸಂಯೋಜನೆ ನೀಡಿದ್ದಾರೆ. ರವಿ ತಪಸ್ವಿ ಅವರ ಸಾಹಿತ್ಯವಿದೆ.

ಈ ಚಿತ್ರವನ್ನು ತೇಜಸ್ ಕ್ರಿಯೇಶನ್ ಬ್ಯಾನರ್ ನಲ್ಲಿ ಎಸ್ ಚಂದ್ರಶೇಖರ್ ನಿರ್ಮಾಣ ಮಾಡಿದ್ದು, ಅಭಯ್ ಚಂದ್ರು ಮತ್ತು ಭೂಮಿಕಾ ಭೂಮೇಶ್ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಪವನ್ ಬಿಕೆ ಸಂಕಲನ, ಮನು ಗೌಡ ಛಾಯಾಗ್ರಹಣವಿದೆ, ಕ್ಯಾಪ್ಟನ್ ಕಿಶೋರ್ ನೃತ್ಯ ನಿರ್ದೇಶನ, ರವಿವರ್ಮ ಮತ್ತು ಥ್ರಿಲ್ಲರ್ ಮಂಜು ಸಾಹಸ ನಿರ್ದೇಶನವಿದೆ.