ನೀವೇ ಸ್ವತಃ ತಯಾರಿಸಬಹುದು ಪರಿಸರ ಸ್ನೇಹಿ ಗಣಪ: ಇಲ್ಲಿದೆ ಸಿಂಪಲ್​ ಟಿಪ್ಸ್​

ಮಣ್ಣಿನಿಂದ ನೀವು ಸುಲಭವಾಗಿ ಗಣೇಶನ ಮೂರ್ತಿಯನ್ನು ಮನೆಯಲ್ಲಿಯೇ ತಯಾರಿಸಬಹುದು. ಇದಕ್ಕೆ ಬೇಕಾದ ಜೇಡಿಮಣ್ಣನ್ನು ನೀವು ಕುಂಬಾರರಿಂದ ಖರೀದಿ ಮಾಡಬಹುದು.

ನಿಮಗೆ ಗಣಪತಿ ಮೂರ್ತಿಗೆ ಸರಿಯಾಗಿ ಶೇಪ್​ ಕೊಡಲು ಬರುವುದಿಲ್ಲ ಎಂದರೂ ಚಿಂತೆ ಬೇಡ. ಅಂಗಡಿಗಳಲ್ಲಿ ಗಣೇಶನ ಅಚ್ಚುಗಳು ಸಹ ಲಭ್ಯವಿದೆ. ಇದರೊಳಗೆ ಮಣ್ಣನ್ನು ಹಾಕಿ ಪರಿಸರ ಸ್ನೇಹಿ ಗಣಪನನ್ನು ನೀವೇ ತಯಾರಿಸಬಹುದು.

ಹಳೆಯ ನ್ಯೂಸ್​ ಪೇಪರ್​ನಿಂದಲೂ ನೀವು ಗಣೇಶನ ಮೂರ್ತಿ ತಯಾರಿಸಬಹುದು. ಇದಕ್ಕಾಗಿ ನೀವು ಮಾಡಬೇಕಾಗಿದ್ದು ಇಷ್ಟೇ. ಹಳೆಯ ನ್ಯೂಸ್ ಪೇಪರ್​ಗಳನ್ನು ನೀರಿನಲ್ಲಿ ಒಂದು ದಿನ ಅದ್ದಿಡಿ. ಬಳಿಕ ಈ ಪೇಪರ್​ ಮುದ್ದೆಯನ್ನು ಫೆವಿಕೋಲ್​ ಸಹಾಯದಿಂದ ಗಣೇಶನ ಮೂರ್ತಿ ತಯಾರಿಸಬಹುದು. ಇದಕ್ಕಾಗಿ ನೀವು ಯುಟ್ಯೂಬ್​ಗಳಲ್ಲಿ ಗೈಡ್​ ವಿಡಿಯೋಗಳನ್ನೂ ನೋಡಬಹುದಾಗಿದೆ.

ನೀವು ತಯಾರಿಸುವ ಗಣಪನ ಮೂರ್ತಿಗೆ ಬೇಕಾದ ಮಣ್ಣನ್ನು ರೆಡಿ ಮಾಡಿಕೊಳ್ಳುವಾಗ ಅದರೊಳಗೆ ಧಾನ್ಯಗಳನ್ನು ಮಿಕ್ಸ್​ ಮಾಡಿ. ಇದರಿಂದ ನೀವು ಗಣಪನ ಮೂರ್ತಿಯನ್ನು ಮುಳುಗಿಸಿದ ಬಳಿಕ ಆ ಧಾನ್ಯಗಳು ನೀರಿನೊಳಗೆ ಸೇರಿ ಹೊಸ ಗಿಡ ಚಿಗುರಲಿದೆ.

ಮಾರ್ಕೆಟ್​ಗಳಲ್ಲಿ ಸಿಗುವ ಕಲರ್ ಕಲರ್​ ಬಣ್ಣದ ಮುದ್ದೆಗಳನ್ನ ಬಳಕೆ ಮಾಡಿಕೊಂಡೂ ಸಹ ನೀವು ಚಂದ ಚಂದದ ಕಲರ್​ಫುಲ್​ ಗಣಪನನ್ನು ಮಾಡಬಹುದಾಗಿದೆ.