ಮಹಾರಾಷ್ಟ್ರದಲ್ಲಿ ಕೋವಿಡ್-19 ಗೆ ವ್ಯಕ್ತಿ ಬಲಿ: ಜುಲೈ ತಿಂಗಳಲ್ಲಿ ಮೊದಲ ಸಾವು

ಮುಂಬೈ: ಮಹಾರಾಷ್ಟ್ರದಲ್ಲಿ ಕೋವಿಡ್-19 ಸಾವಿನ ಬಗ್ಗೆ ವರದಿಯಾಗಿದೆ. ಈ ಸಾವು ಇತ್ತೀಚೆಗೆ ಸಂಭವಿಸಿಲ್ಲ. ಕೋವಿಡ್-19ನಿಂದ ವ್ಯಕ್ತಿಯೊಬ್ಬರು ಜುಲೈ ತಿಂಗಳಲ್ಲಿ ಮೃತಪಟ್ಟಿದ್ದಾರೆ. ಆದರೆ, ಅಧಿಕೃತ ದಾಖಲೆಗಳಲ್ಲಿ ಈ ಸಾವಿನ ಸೇರ್ಪಡೆ ಈ ಬುಧವಾರವಷ್ಟೇ ನಡೆದಿದೆ.

ಕೊರೋನಾದಿಂದ ಮೃತರಾದವರು 75 ವರ್ಷದ ವ್ಯಕ್ತಿಯಾಗಿದ್ದು, ಲಿವರ್ ಕಾರ್ಸಿನೋಮಾದಿಂದ ಬಳಲುತ್ತಿದ್ದರು ಎಂದು ಬಿಎಂಸಿಯ ಕಾರ್ಯನಿರ್ವಾಹಕ ಆರೋಗ್ಯ ಅಧಿಕಾರಿ ಡಾ. ದಕ್ಷಾ ಶಾ ತಿಳಿಸಿದ್ದಾರೆ.

ಆ ವ್ಯಕ್ತಿ ಕೋವಿಡ್ -19 ಸೋಂಕಿಗೆ ಒಳಗಾಗಿದ್ದರೂ, ಅವನ ಸಾವಿಗೆ ಸೋಂಕು ಪ್ರಾಥಮಿಕ ಕಾರಣವಲ್ಲ ಎಂದು ಅವರು ಹೇಳಿದರು. ಜೂನ್ ಮತ್ತು ಜುಲೈನಲ್ಲಿ, ಬುಧವಾರ ವರದಿಯಾದ ಒಂದು ಜುಲೈ ತಿಂಗಳಲ್ಲಿ ಆದ ವ್ಯಕ್ತಿಯೊಬ್ಬರ ಸಾವನ್ನು ಹೊರತುಪಡಿಸಿ, ನಗರದಲ್ಲಿ ಯಾವುದೇ ಕೋವಿಡ್ ಸಂಬಂಧಿತ ಸಾವು-ನೋವುಗಳು ಸಂಭವಿಸಿಲ್ಲ.

ಮಹಾರಾಷ್ಟ್ರ ರಾಜ್ಯದಲ್ಲಿ ಕೋವಿಡ್ ಪ್ರಕರಣಗಳು ಬಹಳ ವಿರಳವಾಗಿದೆ ಎಂದು ವೈದ್ಯರು ಹೇಳಿದ್ದಾರೆ. ಆದರೂ ಪರೀಕ್ಷೆಯು ತೀವ್ರವಾಗಿ ಕುಸಿದಿದೆ. ರಾಜ್ಯದಲ್ಲಿ ಬುಧವಾರ 14 ಹೊಸ ಕೋವಿಡ್ ಪ್ರಕರಣಗಳು ವರದಿಯಾಗಿವೆ.