ಹೆಚ್ಚುತ್ತಿರುವ ದೇಹ ತೂಕ ಕಡಿಮೆ ಮಾಡಿಕೊಳ್ಳಲು ಅನೇಕರು ಜಿಮ್, ಡಯೆಟ್ ಎಂದೆಲ್ಲಾ ಮೊರೆ ಹೋಗುತ್ತಾರೆ. ಆದರೆ ಎಲ್ಲರಿಗೂ ಜಿಮ್ ಗೆ ಹೋಗಿ ಮೈ ದಂಡಿಸುವುದಕ್ಕೆ ಆಗುವುದಿಲ್ಲ. ಅಂತವರು ಮನೆಯಲ್ಲಿಯೇ ಸುಲಭವಾಗಿ ತಮ್ಮ ದೇಹ ತೂಕ ಇಳಿಸಿಕೊಳ್ಳಬಹುದು. ಸ್ಕಿಪಿಂಗ್ ಮಾಡುವುದರ ಮೂಲಕ ತೂಕ ಇಳಿಕೆಯಾಗುತ್ತದೆ ಜತೆಗೆ ಕಾಲುಗಳ ಸ್ನಾಯುಗಳಿಗೂ ಸರಿಯಾದ ರೀತಿಯಲ್ಲಿ ಬಲ ಸಿಗುತ್ತದೆ.
ಸ್ಕಿಪಿಂಗ್ ಮಾಡುವುದರಿಂದ ಎಷ್ಟೆಲ್ಲಾ ಲಾಭವಿದೆ ಎಂಬುದಕ್ಕೆ ಇಲ್ಲಿದೆ ನೋಡಿ ಒಂದಷ್ಟು ಮಾಹಿತಿ.
ಸ್ಕಿಪಿಂಗ್ ಇದು ಒಳ್ಳೆಯ ಕಾರ್ಡಿಯೋ ವ್ಯಾಯಾಮ. ಹೃದಯವನ್ನು ಆರೋಗ್ಯವಾಗಿರಿಸಿಕೊಳ್ಳಲು ಇದು ಸಹಾಯ ಮಾಡುತ್ತದೆ. ಇದು ದೇಹದಲ್ಲಿ ಶಕ್ತಿಯನ್ನು ಹೆಚ್ಚಿಸುತ್ತದೆ. ಉಸಿರಾಟದ ತೊಂದರೆಯನ್ನು ಕೂಡ ಕಡಿಮೆ ಮಾಡುತ್ತದೆ.
ದಿನಾ ಸ್ಕಿಪಿಂಗ್ ಮಾಡುವುದರಿಂದ ನಿಮ್ಮ ಕಾಲುಗಳ ಸ್ನಾಯುಗಳಲ್ಲಿ ಬಲ ಹೆಚ್ಚಾಗುತ್ತದೆ. ಹಾಗೇ ರಕ್ತ ಸಂಚಾರ ಸುಗುಮವಾಗುತ್ತದೆ.
ಇನ್ನು ತೂಕ ಇಳಿಕೆ ಮಾಡುವವರಿಗೂ ಇದು ಒಳ್ಳೆಯ ವ್ಯಾಯಾಮವಾಗಿದೆ. ದಿನಾ ಅರ್ಧ ಗಂಟೆ ಸ್ಕಿಪಿಂಗ್ ಮಾಡಿದರೆ 300 ಕ್ಯಾಲೋರಿಯನ್ನು ನೀವು ಬರ್ನ್ ಮಾಡಬಹುದು.
ದಿನಾ 15 ನಿಮಿಷಗಳ ಕಾಲ ಸ್ಕಿಪಿಂಗ್ ಮಾಡುವುದರಿಂದ ನಿಮ್ಮ ತ್ವಚೆಯ ಆರೋಗ್ಯವು ನಳನಳಿಸುತ್ತದೆ. ರಕ್ತ ಸಂಚಾರ ಚೆನ್ನಾಗಿ ಆಗುತ್ತದೆ. ದೇಹದಲ್ಲಿನ ಟಾಕ್ಸಿನ್ ಅನ್ನು ಇದು ಹೊರ ಹಾಕುತ್ತದೆ. ಮುಖದಲ್ಲಿ ಕಾಂತಿ ಹೆಚ್ಚುತ್ತದೆ.
ಇಡೀ ದೇಹವನ್ನು ದಂಡಿಸಲು ಸ್ಕಿಪಿಂಗ್ ಒಂದು ಒಳ್ಳೆಯ ವ್ಯಾಯಾಮ. ಇನ್ನು ವ್ಯಾಯಾಮ ಮಾಡುವುದಕ್ಕೆ ಸಮಯವಿಲ್ಲ ಎನ್ನುವವರು ಕೂಡ ದಿನಾ ಇದನ್ನು ಮಾಡಬಹುದು. ಮಾಡುವುದಕ್ಕೆ ಸುಲಭ, ಜತೆಗೆ ದೇಹದ ಆರೋಗ್ಯಕ್ಕೆ ಸಾಕಷ್ಟು ಲಾಭಕಾರಿ ಈ ಸ್ಕಿಪಿಂಗ್.
Loading ...
