ಬಾಲಿವುಡ್‌ನ ಸೂಪರ್‌ಹಿಟ್ ಚಿತ್ರ ʼಕಭಿ ಖುಷಿ ಕಭಿ ಗಂʼ ಚಿತ್ರ ಬಿಡುಗಡೆಯಾಗಿ 22 ವರ್ಷಗಳೇ ಕಳೆದಿದ್ದರೂ ಸಹ ಇಂದಿಗೂ ಹಿಂದಿ ಚಿತ್ರ ಪ್ರಿಯರು ಈ ಚಿತ್ರ ವೀಕ್ಷಿಸಲು ಇಷ್ಟ ಪಡುತ್ತಾರೆ. ಕರಣ್‌ ಜೋಹರ್‌ ನಿರ್ದೇಶನದ ಈ ಚಿತ್ರದಲ್ಲಿ ಡಿಲೀಟ್ ಮಾಡಲಾದವು ಎನ್ನಲಾದ ಎರಡು ದೃಶ್ಯಗಳು ಆನ್ಲೈನ್‌ನಲ್ಲಿ ಭಾರೀ ವೈರಲ್ ಆಗಿವೆ.
ಚಿತ್ರದ ನಾಯಕ ರಾಹುಲ್ ರಾಯ್ಚಂದ್ (ಶಾರುಖ್ ಖಾನ್) ತನ್ನ ತಂದೆ ಯಶ್ವರ್ಧನ್ ರಾಯ್ಚಂದ್ (ಅಮಿತಾಭ್ ಬಚ್ಚನ್) ಹೇಳಿದಂತೆ ಅಂಜಲಿ ಶರ್ಮಾಳನ್ನು (ಕಾಜೋಲ್‌) ವಿವಾಹವಾಗದೇ ಲಂಡನ್‌ಗೆ ತೆರಳುತ್ತಾನೆ.
ಈ ವೇಳೆಯಲ್ಲಿ ನಾಯಕ ಲಂಡನ್‌ನಲ್ಲಿ ದುಡಿಯಲು ಆರಂಭಿಸಿ ಆಗರ್ಭ ಶ್ರೀಮಂತನಾಗಿ ಅಲ್ಲೊಂದು ಮನೆ ಖರೀದಿ ಮಾಡುವವರೆಗೂ ಟೈಮ್‌ಲ್ಯಾಪ್ಸ್‌ ವಿಡಿಯೋವೊಂದನ್ನು ಇಡಲೆಂದು ಉದ್ದೇಶಿಸಿಸಲಾಗಿತ್ತು. ಆದರೆ ಈ ವಿಡಿಯೋವನ್ನು ಚಿತ್ರದಲ್ಲಿ ಹಾಕಿಲ್ಲ.
ಇದಲ್ಲದೇ ಅಂಜಲಿ ಗರ್ಭಿಣಿಯಾದ ಬಳಿಕ ಹಾಗೂ ರಾಹುಲ್, ಅಂಜಲಿ, ಯಶ್ವರ್ಧನ್ ಹಾಗೂ ಜಯಾ ಬಚ್ಚನ್ ಒಟ್ಟಿಗೇ ನೃತ್ಯ ಮಾಡುತ್ತಿರುವ ಕನಸಿನ ಸನ್ನಿವೇಶದ ವಿಡಿಯೋವನ್ನು ಸಹ ಚಿತ್ರದಲ್ಲಿ ಹಾಕಿಲ್ಲ.
ಚಿತ್ರದಲ್ಲಿ ಈ ದೃಶ್ಯಗಳನ್ನು ಹಾಕಿದ್ದರೆ ಇನ್ನೂ ಚಂದ ಇರುತ್ತಿತ್ತು ಎಂದು ನೆಟ್ಟಿಗರು ಕಾಮೆಂಟ್ ಹಾಕಿದ್ದು, ಈ ಮೂಲಕ ಶಾರುಖ್‌ರ ಈ ಚಿತ್ರ 22 ವರ್ಷಗಳ ಬಳಿಕ ಮತ್ತೊಮ್ಮೆ ಸುದ್ದಿ ಮಾಡುತ್ತಿದೆ.
Loading ...