Viral Video: 14 ವರ್ಷಗಳ ಬಳಿಕ ಭಾರತಕ್ಕೆ ಮರಳಿ ಜೀವನಾನುಭವ ಹಂಚಿಕೊಂಡ ಮಹಿಳೆ

ಅಮೆರಿಕಾದಲ್ಲಿ 14 ವರ್ಷಗಳ ಕಾಲವಿದ್ದ ಮಹಿಳೆಯೊಬ್ಬರು ಇದೀಗ ಭಾರತದಲ್ಲಿ ನೆಲೆಸಲು ತೀರ್ಮಾನಿಸಿದ್ದು, ಇಲ್ಲಿನ ತಮ್ಮ ಜೀವನಾನುಭವವನ್ನು ವಿಡಿಯೋ ಮೂಲಕ ಹಂಚಿಕೊಂಡಿದ್ದಾರೆ. ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.

ಅದಿತಿ ದ್ವಿವೇದಿ ಎಂಬ ಮಹಿಳೆ ಭಾರತಕ್ಕೆ ತೆರಳಿದ ಅನುಭವವನ್ನು ಹಂಚಿಕೊಂಡಿದ್ದು, ಭಾರತದಲ್ಲಿ ನೆಲೆಸುವ ಮೂಲಕ ಡಾಲರ್‌ ಶಕ್ತಿಯನ್ನು ಹೇಗೆ ಅನುಭವಿಸಬಹುದು ಎಂದು ಪ್ರಸ್ತಾಪಿಸಿದ್ದಾರೆ.

“US ನಿಂದ ಭಾರತದ 2 ನೇ ಹಂತದ ನಗರಕ್ಕೆ ಸ್ಥಳಾಂತರಗೊಳ್ಳುತ್ತಿದ್ದೇನೆ. ಮಹಾರಾಷ್ಟ್ರದ ನಾಗ್ಪುರದಲ್ಲಿ ಜೀವನ ಹೇಗಿದೆ ಎಂಬುದನ್ನು ಪರಿಶೀಲಿಸಿ” ಎಂದು ಅವರು ವೀಡಿಯೊದಲ್ಲಿ ಬರೆದುಕೊಂಡಿದ್ದಾರೆ.

ಅದಿತಿ, ನಾಗ್ಪುರದಲ್ಲಿನ ತಮ್ಮ ಜೀವನವನ್ನು ವಿವರಿಸುವ ರೀಲ್ ಅನ್ನು ರೆಕಾರ್ಡ್ ಮಾಡಿದ್ದು, ಅಭಿವೃದ್ಧಿ ಹೊಂದಿದ ದೇಶದಿಂದ ಬರುವ ವ್ಯಕ್ತಿಯು ಆರ್ಥಿಕ ಅನುಕೂಲಗಳಿಂದಾಗಿ ಭಾರತದಲ್ಲಿ ಉತ್ತಮ ಜೀವನಶೈಲಿಯನ್ನು ಹೇಗೆ ಆನಂದಿಸುತ್ತಾನೆ ಎಂಬುದನ್ನು ವಿವರಿಸಿದ್ದಾರೆ.