ಪಾಸ್ಪೋರ್ಟ್ -‌ ವೀಸಾದೊಂದಿಗೆ ವಿದೇಶಿ ಪ್ರವಾಸಕ್ಕೆ ಸಜ್ಜಾಯ್ತು ಬೀದಿ ನಾಯಿ: ಇಲ್ಲಿದೆ ಇಂಟ್ರಸ್ಟಿಂಗ್​ ಸ್ಟೋರಿ

ಉತ್ತರ ಪ್ರದೇಶದ ವಾರಣಾಸಿಯ ಹೆಣ್ಣು ಬೀದಿ ನಾಯಿಯೊಂದು ನೆದರ್​​ಲ್ಯಾಂಡ್​ನ ತನ್ನ ಹೊಸ ಮಾಲೀಕರೊಂದಿಗೆ ವೀಸಾ ಹಾಗೂ ಪಾಸ್​ಪೋರ್ಟ್​ ಸಹಿತ ಪ್ರವಾಸಕ್ಕೆ ಹೊರಟಿದೆ.‌

ಈ ವಿಚಾರವಾಗಿ ಮಾತನಾಡಿದ ವಿದೇಶಿಗ ಮಹಿಳೆ ಆಮ್​ಸ್ಟಾರ್​ಡ್ಯಾಮ್​ ಮೆರಲ್​ ಎಂಬವರು ಹೆಣ್ಣು ಶ್ವಾನ ಜಯಾ ಪಾಲನೆಯ ಜವಾಬ್ದಾರಿಯನ್ನು ನಾವು ವಹಿಸಿಕೊಂಡಿದ್ದೇವೆ. ನಾವು ಯಾವಾಗಲೂ ಮನೆಗೆ ಒಂದು ಸಾಕು ಪ್ರಾಣಿ ತರಬೇಕು ಅಂತಾ ಪ್ಲಾನ್​ ಮಾಡುತ್ತಿದ್ದೆವು. ಈ ಬಾರಿ ವಾರಣಾಸಿಗೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಈ ಶ್ವಾನ ನಮ್ಮ ಗಮನ ಸೆಳೆಯಿತು ಅಂತಾ ಹೇಳಿದ್ದಾರೆ.

ಹೊಸ ಹೊಸ ನಗರಗಳನ್ನು ಅನ್ವೇಷಿಸಬೇಕು ಅಂತಾ ನಾನು ವಾರಣಾಸಿಗೆ ಪ್ರವಾಸಕ್ಕೆ ಬಂದಿದ್ದೆ. ನಾನು ಸುಮ್ಮನೇ ಸುತ್ತಾಡುತ್ತಿದ್ದ ಸಂದರ್ಭದಲ್ಲಿ ಜಯಾ ನಮ್ಮ ಬಳಿ ಬಂದಳು. ಆಕೆಯ ಗುಣ ನನಗೆ ಇಷ್ಟವಾಯ್ತು. ಈ ಶ್ವಾನ ನಮ್ಮನ್ನೇ ಹಿಂಬಾಲಿಸಲು ಆರಂಭಿಸಿತು. ಮತ್ತೊಂದು ದಿನ ಆಕೆ ಮತ್ತೊಂದು ಬೀದಿ ನಾಯಿಯ ದಾಳಿಗೆ ಒಳಗಾಗಿದ್ದಳು ಎಂದು ಬಾಂಟೆನ್ಬೆಲ್​ ಹೇಳಿದ್ದಾರೆ.

ಜಯಾರನ್ನು ಇತರರ ಸಹಾಯದಿಂದ ನಾವು ರಕ್ಷಣೆ ಮಾಡಿದೆವು. ಕಾವಲುಗಾರರೆಲ್ಲ ಸೇರಿ ಆಕೆಯನ್ನು ಉಳಿಸಿದರು. ನಾವು ಮೊದಲು ಆಕೆಯನ್ನು ದತ್ತು ತೆಗೆದುಕೊಳ್ಳುವ ಬಗ್ಗೆ ಯಾವುದೇ ಯೋಚನೆ ಮಾಡಿರಲಿಲ್ಲ. ಆದರೆ ಈ ಘಟನೆ ಬಳಿಕ ನಾನು ಅಕೆಯನ್ನು ಸುರಕ್ಷಿತ ಸ್ಥಾನದಲ್ಲಿ ಇರಿಸಲು ಬಯಸಿದೆ ಎಂದು ಹೇಳಿದ್ದಾರೆ.

ನನ್ನ ಪ್ರೀತಿಯ ಶ್ವಾನ ಜಯಾಗೆ ವೀಸಾ ಹಾಗೂ ಪಾಸ್​ಪೋರ್ಟ್ ವ್ಯವಸ್ಥೆ ಆಗಬೇಕಾಗಿದ್ದರಿಂದ ನಾನು ಭಾರತದಲ್ಲಿ ಅರು ತಿಂಗಳವರೆಗೆ ಇರಬೇಕಾಗಿ ಬಂತು. ಇಷ್ಟು ದಿನಗಳ ಪ್ರಯತ್ನದ ಬಳಿಕ ನಾನು ಕೊನೆಗೂ ಆಕೆಯನ್ನು ನನ್ನೊಂದಿಗೆ ಕರೆದುಕೊಂಡು ಹೋಗುವಲ್ಲಿ ಯಶಸ್ವಿಯಾಗಿದ್ದೇನೆ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.