‘ಸಾಲಿ ಆದಿ ಘರ್​ವಾಲಿ’ ಪದಗುಚ್ಛಕ್ಕೆ ಟ್ವಿಟರ್​ನಲ್ಲಿ ಭಾರಿ ಆಕ್ರೋಶ

‘ಸಾಲಿ ಆದಿ ಘರ್​ವಾಲಿ’ ಇದು ನೀವು ಹಲವಾರು ಬಾರಿ ಕೇಳಿರಬೇಕು. ಇದರ ಅರ್ಥ ನಾದಿನಿ (ಪತ್ನಿಯ ತಂಗಿ) ಎಂದರೆ ಅರ್ಧ ಹೆಂಡತಿ ಎಂದು. ಈ ಹಾಸ್ಯವನ್ನು ಮದುವೆಯ ಸಮಯದಲ್ಲಿ ಅನೇಕ ಬಾರಿ ಮುನ್ನೆಲೆಗೆ ತರಲಾಗುತ್ತದೆ. ಈಗ, ಟ್ವಿಟ್ಟರ್ ಬಳಕೆದಾರರಾದ ರಿತುಪರ್ಣ ಚಟರ್ಜಿ ಅವರು ಈ ಪದಗುಚ್ಛದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿ ಟ್ವೀಟ್​ ಮಾಡಿದ್ದಾರೆ.

ಇದು ಪುರುಷರು ಮಾಡಿರುವ ಪದಗುಚ್ಛ. ಇದನ್ನು ಯಾವ ಮಹಿಳೆಯೂ ಒಪ್ಪಬಾರದು. ಪುರುಷರು ತಮ್ಮ ಏಕಪತ್ನಿತ್ವವನ್ನು ಮೀರಿ ತಮ್ಮ ರೆಕ್ಕೆಗಳನ್ನು ಹರಿಬಿಡಲು ಇಂಥದ್ದೊಂದು ಅಸಂಬದ್ದ ಪದಗುಚ್ಛ ಶುರು ಮಾಡಿದ್ದಾರೆ ಎಂದು ಟ್ವಿಟರ್​ ಬಳಕೆದಾರರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಟ್ವೀಟ್ ತಕ್ಷಣವೇ ವೈರಲ್ ಆಗಿದೆ. ಇದು ಒಟ್ಟು ಎರಡು ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಗಳಿಸಿದೆ. ಹಲವಾರು ಮಂದಿ ಈ ಟ್ವೀಟ್​ ಸರಿಯಾಗಿದೆ. ಈ ಪದಗುಚ್ಛವನ್ನು ನಿರ್ಮೂಲನ ಮಾಡಬೇಕು ಎಂದಿದ್ದಾರೆ. ಇಂಥ ಪದಗುಚ್ಛಗಳು ಹೆಂಡತಿಯೊಂದಿಗಿನ ಸಂಬಂಧದ ಮೇಲೆ ಪರಿಣಾಮ ಬೀರುತ್ತಿದೆ, ಇದು ಅಸಹ್ಯಕರವಾದದ್ದು, ಅಶ್ಲೀಲತೆಯ ಪ್ರತೀಕ ಎಂದು ಹಲವರು ಕಿಡಿ ಕಾರಿದ್ದಾರೆ.