ರಷ್ಯಾದ ಸೋಶಿಯಲ್ ಮೀಡಿಯಾ ಇನ್ಫ್ಲುಯನ್ಸರ್ ಯುವತಿಯೊಬ್ಬರು ತಾನು ಮದುವೆಯಾಗಲು ‘ಭಾರತೀಯ ವರ ಬೇಕಾಗಿದ್ದಾನೆ’ ಎಂಬ ಪೋಸ್ಟರನ್ನು ತನ್ನ ಕೈಯಲ್ಲಿಡಿದು ಮಾಲ್ ಮುಂದೆ ನಿಂತಿರುವ ವಿಡಿಯೋವನ್ನು ಹಂಚಿಕೊಂಡಿದ್ದು, ಇದಕ್ಕೆ ಕಮೆಂಟ್ ಗಳ ಸುರಿಮಳೆಯೇ ಹರಿದು ಬಂದಿದೆ.
ರಷ್ಯಾದ ಮಾಸ್ಕೋ ನಿವಾಸಿ ದಿನಾರಾ ಎಂಬ ಈ ಯುವತಿ ಸೀರೆ ಧರಿಸಿ ಮಾಲ್ ಒಂದರ ಮುಂದೆ ನಿಲ್ಲಿಸಲಾಗಿದ್ದ ಪುರುಷರ ಪ್ರತಿಕೃತಿ ನಡುವೆ ನಿಂತು ಭಾರತೀಯ ವರ ಬೇಕಾಗಿದ್ದಾನೆ ಎಂಬ ಪೋಸ್ಟರ್ ಹಿಡಿದುಕೊಂಡಿದ್ದಾರೆ. ಇದರ ವಿಡಿಯೋವನ್ನು ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಆಕೆ ಶೇರ್ ಮಾಡಿದ್ದಾರೆ.
ಈ ಪೋಸ್ಟ್ ಭಾರಿ ವೈರಲ್ ಆಗಿದ್ದು, ಈ ವಿಡಿಯೋಗೆ ಕಮೆಂಟ್ ಮಾಡುತ್ತಿರುವ ಅನೇಕರು ನಾನು ಮದುವೆಯಾಗಲು ಸಿದ್ದ ಎಂದು ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಈ ಯುವತಿಗೆ ನಿಜವಾಗಲೂ ಭಾರತೀಯ ಯುವಕನ ಜೊತೆ ಮದುವೆಯಾಗುವ ಇಚ್ಛೆ ಇದೆಯೇ ಅಥವಾ ತನ್ನ ಪೋಸ್ಟ್ ಗೆ ಹೆಚ್ಚಿನ ರೀಚ್ ಪಡೆಯಲು ಈ ರೀತಿ ಮಾಡಿದ್ದಾಳೋ ಎಂಬುದು ತಿಳಿದು ಬಂದಿಲ್ಲ.
Loading ...
