ಮುಂಬೈನಲ್ಲಿನ ಫಿಲ್ಮ್ ಸಿಟಿಯಲ್ಲಿ ಶೀಘ್ರದಲ್ಲೇ ರೈಲ್ವೆ ನಿಲ್ದಾಣದ ಪ್ರತಿಕೃತಿ ನಿರ್ಮಾಣವಾಗಲಿದೆ. ಸಿನಿಮಾ ನಿರ್ಮಾಣದ ವೇಳೆ ರೈಲ್ವೆ ನಿಲ್ದಾಣದಲ್ಲಿ ಚಿತ್ರೀಕರಣವಿದ್ದರೆ ಸಾಕಷ್ಟು ಸವಾಲುಗಳನ್ನು ಎದುರಿಸಬೇಕಾಗುತ್ತದೆ. ಇದರಿಂದ ಪ್ರಯಾಣಿಕರಿಗೆ, ಸಾರ್ವಜನಿಕರಿಗೆ ಕಿರಿಕಿರಿ, ತೊಂದರೆಯುಂಟಾದರೆ ಶೂಟಿಂಗ್ ಗೆ ರೈಲ್ವೆ ಇಲಾಖೆಯಿಂದ ಅನುಮತಿ ಸೇರಿದಂತೆ ಸಾಕಷ್ಟು ಕೆಲಸಗಳು ಸಿನಿ ತಂಡಕ್ಕೆ ಸವಾಲೊಡ್ಡುತ್ತವೆ. ಹೀಗಾಗಿ ಇಂತಹ ಕೆಲಸಗಳನ್ನು ಸುಲಭಗೊಳಿಸಲು ಫಿಲ್ಮ್ ಸಿಟಿ ಎಂದು ಜನಪ್ರಿಯವಾಗಿರುವ ದಾದಾಸಾಹೇಬ್ ಫಾಲ್ಕೆ ಚಿತ್ರನಗರಿ ಈಗ ರೈಲ್ವೆ ನಿಲ್ದಾಣದ ಪ್ರತಿಕೃತಿಯನ್ನು ಹೊಂದಲಿದೆ.
“ಇದರಿಂದ ಚಲನಚಿತ್ರ ನಿರ್ಮಾಪಕರಿಗೆ ಸುಲಭವಾಗುತ್ತದೆ. ಫಿಲ್ಮ್ ಸಿಟಿಯೊಳಗೆ ರೈಲು ನಿಲ್ದಾಣದ ಪ್ರತಿಕೃತಿಯನ್ನು ಮಾಡಲು ನಾವು ನಿರ್ಧರಿಸಿದ್ದೇವೆ ”ಎಂದು ಮುಂಬೈನ ಗೋರೆಗಾಂವ್‌ನಲ್ಲಿರುವ ಫಿಲ್ಮ್ ಸಿಟಿಯನ್ನು ನಡೆಸುತ್ತಿರುವ ಮಹಾರಾಷ್ಟ್ರ ಚಲನಚಿತ್ರ, ರಾಜ್ಯ ಮತ್ತು ಸಾಂಸ್ಕೃತಿಕ ಅಭಿವೃದ್ಧಿ ನಿಗಮ ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕ ಅವಿನಾಶ್ ಢಕಾನೆ ಹೇಳಿದರು.
ಗೋರೆಗಾಂವ್‌ನಲ್ಲಿ 521 ಎಕರೆ ವಿಸ್ತೀರ್ಣ ಪ್ರದೇಶದಲ್ಲಿ ಹರಡಿರುವ ಫಿಲ್ಮ್ ಸಿಟಿಯ ಆಧುನೀಕರಣದ ಯೋಜನೆ ಕೂಡ ಚಾಲನೆಯಲ್ಲಿದೆ. ಫಿಲ್ಮ್ ಸಿಟಿಯನ್ನು 1977 ರಲ್ಲಿ ನಿಯೋಜಿಸಲಾಯಿತು.
Loading ...