ಬೆಚ್ಚಿಬೀಳಿಸುವಂತಿದೆ ಈ ಮಂಕಿ ಕ್ಯಾಪ್ ಬೆಲೆ….!

ಈ ಬಾರಿ ಚಳಿ ತುಸು ಜಾಸ್ತಿಯೇ ಇದೆ. ಈ ಹಿನ್ನೆಲೆಯಲ್ಲಿ ಸ್ವೆಟರ್​, ಕ್ಯಾಪ್​ ಹಾಗೂ ಬೆಚ್ಚಗಿನ ಬಟ್ಟೆಗಳ ವ್ಯಾಪಾರ ಭರ್ಜರಿಯಾಗಿ ಸಾಗುತ್ತದೆ. ಇಂಥದ್ದರಲ್ಲಿ ಮಂಕಿ ಕ್ಯಾಪ್​ಗೂ ಬೇಡಿಕೆ ಹೆಚ್ಚಿದೆ. ಆದರೆ ಇಲ್ಲೊಂದು ಮಂಕಿ ಕ್ಯಾಪ್​ ಮಾತ್ರ ಜನರನ್ನು ಬೆಚ್ಚಿ ಬೀಳಿಸಿದೆ.

ಟ್ವಿಟರ್​ನಲ್ಲಿ ವೈರಲ್​ ಆಗಿರುವ ಒಂದು ಮಂಕಿ ಕ್ಯಾಪ್​ ಬೆಲೆ ನೋಡಿ ನೆಟ್ಟಿಗರು ಹೌಹಾರಿದ್ದಾರೆ. ಏಕೆಂದರೆ ಇದರ ಬೆಲೆ 31,990 ರೂ. ಡೊಲ್ಸ್ & ಗಬ್ಬಾನಾ ಖಾಕಿ ಸ್ಕೀ ಮಾಸ್ಕ್ ಕ್ಯಾಪ್‌ನ ಉತ್ಪನ್ನದ ಬೆಲೆಯನ್ನು ತೋರಿಸುವ ಚಿತ್ರವು ವೈರಲ್ ಆಗಿದೆ. ಇದರ ಮೂಲ ಬೆಲೆ 40 ಸಾವಿರ ರೂಪಾಯಿ, ರಿಯಾಯಿತಿ ಬಳಿಕ 31,990 ರೂಪಾಯಿ ಎಂದು ತೋರಿಸಲಾಗಿದೆ. ಮಂಕಿ ಕ್ಯಾಪ್​ ಜೊತೆ ಮಾಸ್ಕ್​ ಕೂಡ ಇದರಲ್ಲಿ ಸೇರಿದೆ.

ಇದು 50 ರೂಪಾಯಿಗಿಂತ ಹೆಚ್ಚಿಗೆ ಬೆಲೆ ಬಾಳುವುದಿಲ್ಲ ಎಂದು ಹಲವರು ಹೇಳಿದ್ದರೆ, ಈ ಬೆಲೆ ನೋಡಿ ಥರಹೇವಾರಿ ಕಮೆಂಟ್ಸ್​ಗಳು ಬರುತ್ತಿವೆ.