ಅಬ್ ಕಿ ಬಾರ್ 400 ಪಾರ್ ಎಂದು ದೊಡ್ಡ ವಿಶ್ವಾಸ ಹೊಂದಿದ್ದರೂ ಬಿಜೆಪಿ ಈ ಬಾರಿ ಮಿತ್ರಪಕ್ಷಗಳೊಂದಿಗೆ 300 ಗಡಿ ದಾಟಲೂ ಕೂಡ ಕಷ್ಟಪಟ್ಟಿದೆ. ಫಲಿತಾಂಶದ ದಿನ ಇಂಡಿ ಮೈತ್ರಿಕೂಟ ಸರ್ಕಾರ ರಚಿಸುವ ಆರಂಭದ ಹುಮ್ಮಸ್ಸು ಕಂಡುಬಂದರೂ ಮತ್ತೊಮ್ಮೆ ನರೇಂದ್ರ ಮೋದಿ ಪ್ರಧಾನಿಯಾಗಿದ್ದಾರೆ.
ನರೇಂದ್ರ ಮೋದಿ ಮತ್ತೆ ಅಧಿಕಾರಕ್ಕೆ ಬಂದಿದ್ದು ಏಕೆ ? ಎನ್‌ಡಿಎ ಬಹುಮತ ಸಾಧಿಸಲು ಕಾರಣವೇನು ? ಬಿಜೆಪಿ ಏಕೆ ಸಮಗ್ರ ಸೋಲನ್ನು ಎದುರಿಸಲಿಲ್ಲ ? ಎಂಬ ಬಗ್ಗೆ ಸಾಕಷ್ಟು ಪ್ರಶ್ನೆಗಳಿವೆ. ಆದರೆ ಈ ಪ್ರಶ್ನೆಗಳೇ ಸುಳ್ಳು ಎಂಬ ನಿರೂಪಣೆಗಳಾಗುತ್ತವೆ. ಇದನ್ನು 2004 ರಲ್ಲಿ ಅಂದಿನ ಪ್ರಧಾನಿಯಾಗಿದ್ದ ಅಟಲ್ ಬಿಹಾರಿ ವಾಜಪೇಯಿಯವರು ಮತ್ತೊಮ್ಮೆ ಪ್ರಧಾನಿಯಾಗುವ ಕನಸು ಕಮರಿಹೋಗಿದ್ದರ ಜೊತೆ ಹೋಲಿಕೆ ಮಾಡಿ ನೋಡಬಹುದು.
ಹಿಂದಿನಿಂದಲೂ ಒಂದು ಪ್ರಾಶಸ್ತ್ಯವಿದ್ದು ಅದನ್ನು 2004 ರ ಚುನಾವಣೆಯೊಂದಿಗೆ ಹೋಲಿಕೆ ಮಾಡಿದಾಗ ಅಟಲ್ ಬಿಹಾರಿ ವಾಜಪೇಯಿ ನೇತೃತ್ವದ ಎನ್‌ಡಿಎ ಸರ್ಕಾರದ ಯಶಸ್ವಿ ಐದು ವರ್ಷಗಳ ಅವಧಿಯ ಮುಕ್ತಾಯವಾಗಿತ್ತು ಎಂಬುದನ್ನು ನೆನಪಿಸಿಕೊಳ್ಳಬೇಕಾಗುತ್ತದೆ. ‘ಇಂಡಿಯಾ ಶೈನಿಂಗ್’ ಘೋಷಣೆಯ ಮೇಲೆ ಸವಾರಿ ಮಾಡಿದ ಬಿಜೆಪಿ 2009 ರಲ್ಲಿ ಮತ್ತೆ ಅಧಿಕಾರಕ್ಕೆ ಬರುತ್ತದೆ ಎಂದು ವ್ಯಾಪಕವಾಗಿ ನಿರೀಕ್ಷಿಸಲಾಗಿತ್ತು. ಎಲ್ಲಾ ಚುನಾವಣಾ ಪೂರ್ವ ಸಮೀಕ್ಷೆಗಳು ಮತ್ತು ಎಕ್ಸಿಟ್ ಪೋಲ್‌ಗಳು ಆಡಳಿತಾರೂಢ ಒಕ್ಕೂಟಕ್ಕೆ ಸ್ಪಷ್ಟ ಬಹುಮತವನ್ನು ಮುನ್ಸೂಚಿಸಿದವು. ಆದರೂ ಫಲಿತಾಂಶಗಳು ಎಲ್ಲಾ ನಿರೀಕ್ಷೆಗಳನ್ನು ಸುಳ್ಳಾಗಿಸಿತು ಮತ್ತು ಎಲ್ಲರನ್ನು ದಿಗ್ಭ್ರಮೆಗೊಳಿಸಿತು.
2004 ರಲ್ಲಿ ಲೋಕನೀತಿ-ಸಿಎಸ್‌ಡಿಎಸ್ ನಡೆಸಿದ ಮತದಾನದ ನಂತರದ ಸಮೀಕ್ಷೆಯಲ್ಲಿ ಲೋಕನೀತಿ ಸಮೀಕ್ಷೆಯು ಕೇಳಿದ ಅದೇ ಪ್ರಶ್ನೆಗಳನ್ನು 2024 ರಲ್ಲೂ ಕೇಳಿದ್ದು ಅದನ್ನು ಬಹಿರಂಗಪಡಿಸಲಾಗಿದೆ.
2024 ರಲ್ಲಿ ಮೋದಿಯವರ ಜನಪ್ರಿಯತೆಯ ರೇಟಿಂಗ್‌ಗಳು 2004 ರಲ್ಲಿ ವಾಜಪೇಯಿಯವರಿಗಿಂತ ಹೆಚ್ಚು ಭಿನ್ನವಾಗಿಲ್ಲ. ಜನರು ತಮ್ಮ ಆಯ್ಕೆಯನ್ನು ಪ್ರಧಾನಿಗೆ ಹೆಸರಿಸಲು ಕೇಳಿದಾಗ, 38 ಶೇಕಡಾ ಜನರು ವಾಜಪೇಯಿ ಎಂದು ಹೆಸರಿಸಿದ್ದಾರೆ, ಈ ವರ್ಷ ಮೋದಿಯವರಿಗೆ ಶೇಕಡಾ 41 ರಷ್ಟು ಮತ ಸಿಕ್ಕಿದೆ. 2004 ರಲ್ಲಿ ಪ್ರತಿಸ್ಪರ್ಧಿ ಸೋನಿಯಾ ಗಾಂಧಿ 26 ಶೇಕಡಾ, ಈ ವರ್ಷ ರಾಹುಲ್ ಗಾಂಧಿ ಶೇ. 27 ರಷ್ಟು ಮತ ಪಡೆದಿದ್ದಾರೆ. ವಾಜಪೇಯಿ ಸರ್ಕಾರದೊಂದಿಗಿನ ಜನರ ತೃಪ್ತಿ ಮೋದಿ ಸರ್ಕಾರಕ್ಕಿಂತ ಹೆಚ್ಚಿದೆ. 2004 ರಲ್ಲಿ ಆಡಳಿತದ ಬಗ್ಗೆ ತೃಪ್ತಿ ಶೇಕಡಾ 29 ರಷ್ಟಿದ್ದರೆ, 2024 ರಲ್ಲಿ ಶೇಕಡಾ 23 ರಷ್ಟಿತ್ತು. ಪ್ರಸ್ತುತ ಸರ್ಕಾರಕ್ಕೆ ಮತ್ತೊಂದು ಅವಕಾಶ ನೀಡಬೇಕೇ ಎಂಬ ನಿರ್ಣಾಯಕ ಪ್ರಶ್ನೆಯಲ್ಲಿ ಮೋದಿಯವರ ಸರ್ಕಾರಕ್ಕೆ ಹೌದೆಂದು 46 ಬೇಡವೆಂದು 39 ಪ್ರತಿಶತ ಮಂದಿ ಅಭಿಪ್ರಾಯ ತಿಳಿಸಿದ್ದಾರೆ. ವಾಜಪೇಯಿಯವರಿಗೆ ಹೌದು ಎಂದು 48 ಬೇಡವೆಂದು ಶೇಕಡಾ 30 ಪ್ರತಿಶತದಷ್ಟು ಒಲವು ಬಂದಿದೆ.
ಆದರೂ 2004ರ ಚುನಾವಣೆಯಲ್ಲಿ ವಾಜಪೇಯಿ ಹೀನಾಯವಾಗಿ ಸೋತಿದ್ದರು. ಎಕ್ಸಿಟ್ ಪೋಲ್‌ಗಳು ಎನ್‌ಡಿಎಗೆ 230 ರಿಂದ 275 ಸ್ಥಾನ ಸಿಗುತ್ತದೆಂದು ಭವಿಷ್ಯ ನುಡಿದಿದ್ದವು. ಆದ್ರೆ ಮೈತ್ರಿಯು 181 ಮತ ಪಡೆದು ಸೋತಿತು. ಬಿಜೆಪಿಯು ಅತಂತ್ರವಾಗಿ ಯುಪಿಎ ಸರ್ಕಾರ ರಚನೆಯಾಯಿತು.
2024ರಲ್ಲಿ ಅದು ಏಕೆ ಆಗಲಿಲ್ಲ? ಎಂಬ ಪ್ರಶ್ನೆಗೆ ಉತ್ತಮ ಉತ್ತರವೆಂದರೆ 2024 ರಲ್ಲಿ NDA ಯ ಪ್ರಾರಂಭದ ಹಂತವು 2004 ರಲ್ಲಿದ್ದಕ್ಕಿಂತ ಹೆಚ್ಚಾಗಿದೆ. ಆಗ 1999 ರ ಚುನಾವಣೆಯಲ್ಲಿ ಬಿಜೆಪಿ ಕೇವಲ 182 ಸ್ಥಾನಗಳನ್ನು ಗೆದ್ದುಕೊಂಡು ವಾಜಪೇಯಿ ಅವರ ನೇತೃತ್ವದಲ್ಲಿ ಎನ್ ಡಿಎ 23 ಪಕ್ಷಗಳ ಒಂದು ಹೊಸ ಒಕ್ಕೂಟವಾಗಿತ್ತು. ಚುನಾವಣಾ ಹಿನ್ನಡೆಯಲ್ಲಿ ಬಿಜೆಪಿ 44 ಸ್ಥಾನ ಕಳೆದುಕೊಂಡಿತು. ಆದರೆ 2019 ರಲ್ಲಿ 303 ಸೀಟ್ ಪಡೆದಿದ್ದ ಮೋದಿ ನೇತೃತ್ವದ ಬಿಜೆಪಿ 240 ಕ್ಕೆ ಇಳಿದಿದ್ದು ತುಂಬಾ ಭಿನ್ನವಾಗಿಲ್ಲ.
ಅದೇ ಸಮಯದಲ್ಲಿ ಚುನಾವಣಾ ಫಲಿತಾಂಶವು ಗಣನೀಯವಾಗಿ ವಿಭಿನ್ನವಾಗಿರಬಹುದೇ? 2024ರಲ್ಲಿ ಬಿಜೆಪಿಯನ್ನು ಅಧಿಕಾರದಿಂದ ಕೆಳಗಿಳಿಸಬಹುದೇ? ಎಂಬ ಪ್ರಶ್ನೆಯನ್ನು ಸಹ ಕೇಳಲಾಗಿತ್ತು. ಕೋಷ್ಟಕ 2 ಮತ್ತು ಕೋಷ್ಟಕ 3 ರಲ್ಲಿ ಪ್ರಸ್ತುತಪಡಿಸಲಾದ ಸನ್ನಿವೇಶಗಳು ವಿವಿಧ ಸಾಧ್ಯತೆಗಳನ್ನು ನೀಡುತ್ತವೆ.
ಮತ್ತೊಂದು ಸ್ಪಷ್ಟ ಉತ್ತರವೆಂದರೆ ಬಿಜೆಪಿಯು ನಿತೀಶ್ ಕುಮಾರ್ (ಜೆಡಿಯು) ಮತ್ತು ಜಯಂತ್ ಚೌಧರಿ (ಆರ್‌ಎಲ್‌ಡಿ) ಅವರೊಂದಿಗೆ ಏಕೆ ಮೈತ್ರಿ ಮಾಡಿಕೊಂಡಿದೆ, ಚಂದ್ರಬಾಬು ನಾಯ್ಡು (ಟಿಡಿಪಿ) ಜೊತೆ ಕೈಜೋಡಿಸಲು ಯು-ಟರ್ನ್ ಮಾಡಿದ್ದು ಏಕೆ ಮತ್ತು ಬಿಹಾರ ಮತ್ತು ಮಹಾರಾಷ್ಟ್ರದಲ್ಲಿ ಮೈತ್ರಿ ಬಯಸಿದ್ದೇಕೆ ಎಂಬುದಕ್ಕೆ ಸ್ಪಷ್ಟ ಉತ್ತರ ಸಿಕ್ಕಿದೆ. ಈ ನಿರ್ಧಾರದಿಂದ ಮಿತ್ರಪಕ್ಷಗಳು ಎನ್‌ಡಿಎಗೆ ಸಂಖ್ಯಾಬಲವನ್ನು ಹೆಚ್ಚಿಸಿದ್ದಲ್ಲದೆ, ಆಂಧ್ರಪ್ರದೇಶ, ಬಿಹಾರ, ಮಹಾರಾಷ್ಟ್ರ ಮತ್ತು ಉತ್ತರ ಪ್ರದೇಶದಲ್ಲಿ ಕನಿಷ್ಠ 10 ಹೆಚ್ಚುವರಿ ಸ್ಥಾನಗಳನ್ನು ಆಯ್ಕೆ ಮಾಡಲು ಬಿಜೆಪಿಗೆ ಸಹಾಯ ಮಾಡಿದೆ.
Loading ...