ನಾಗರಹಾವಿಗಿಂತಲೂ ಅಪಾಯಕಾರಿ ಈ ಜೀವಿ ; ವಿಶ್ವದ ಅತ್ಯಂತ ವಿಷಕಾರಿ ಪ್ರಾಣಿ……!

ವಿಶ್ವದ ಅತ್ಯಂತ ಅಪಾಯಕಾರಿ ಪ್ರಾಣಿ ಹಾವುಗಳಲ್ಲ, ಬದಲಿಗೆ ಕೋನಸ್ ಜಿಯಾಗ್ರಾಫಿಕಸ್ (Conus geographus) ಎಂಬ ಬಸವನ ಹುಳು. ! ಹೌದು, ಇದು ನಂಬಲು ಕಷ್ಟವಾದರೂ ಸತ್ಯ. ಕೋನಸ್ ಜಿಯಾಗ್ರಾಫಿಕಸ್ ಎಂಬ ಹೆಸರಿನ ಈ ಬಸವನ ಹುಳು ಸಾಗರದ ಆಳದಲ್ಲಿ ವಾಸಿಸುತ್ತದೆ ಮತ್ತು ಇದರ ಒಂದು ಹನಿ ವಿಷ ಮನುಷ್ಯನನ್ನು ಕೆಲವೇ ನಿಮಿಷಗಳಲ್ಲಿ ಕೊಲ್ಲುವ ಸಾಮರ್ಥ್ಯ ಹೊಂದಿದೆ.

ಕಿಂಗ್‌ ಕೋಬ್ರಾ ಹಾವಿಗಿಂತಲೂ ಅಪಾಯಕಾರಿ ಎಂದು ಪರಿಗಣಿಸಲ್ಪಟ್ಟ ಈ ಬಸವನ ಹುಳು, ಚೇಳಿನ ವಿಷಕ್ಕಿಂತಲೂ ಹತ್ತು ಪಟ್ಟು ಹೆಚ್ಚು ಶಕ್ತಿಶಾಲಿಯಾಗಿದೆ. ಹಿಂದೂ-ಪೆಸಿಫಿಕ್ ಸಾಗರದ ಬಂಡೆಗಳ ಮೇಲೆ ಕಂಡುಬರುವ ಈ ಜೀವಿಯು, ಇಲ್ಲಿಯವರೆಗೆ 30 ಕ್ಕೂ ಹೆಚ್ಚು ಜನರ ಸಾವಿಗೆ ಕಾರಣವಾಗಿದೆ.

ವಿಜ್ಞಾನಿಗಳು ಇದರ ವಿಷಕ್ಕೆ ಇನ್ನೂ ಪ್ರತಿವಿಷವನ್ನು ಕಂಡುಹಿಡಿಯಲು ಸಾಧ್ಯವಾಗಿಲ್ಲ. ಈ ಬಸವನ ಹುಳುವಿನ ವಿಷಕ್ಕೆ ಯಾವುದೇ ವ್ಯಕ್ತಿ ಆಕಸ್ಮಿಕವಾಗಿ ತುತ್ತಾದರೆ, ಬದುಕುಳಿಯುವ ಸಾಧ್ಯತೆ ತೀರಾ ಕಡಿಮೆ. ಆರೋಗ್ಯವಂತ ಮನುಷ್ಯನನ್ನು ಸಹ ಒಂದರಿಂದ ಐದು ಗಂಟೆಗಳಲ್ಲಿ ಕೊಲ್ಲುವ ಸಾಮರ್ಥ್ಯ ಇದರ ವಿಷಕ್ಕಿದೆ.

ಆದ್ದರಿಂದ, ಸಾಗರದ ಆಳದಲ್ಲಿ ಡೈವಿಂಗ್ ಮಾಡುವಾಗ ಅಥವಾ ಈ ಬಸವನ ಹುಳು ಕಂಡುಬರುವ ಪ್ರದೇಶಗಳಲ್ಲಿ ಎಚ್ಚರಿಕೆ ವಹಿಸುವುದು ಅತ್ಯಗತ್ಯ. ಈ ಪ್ರಾಣಿಯ ಬಗ್ಗೆ ಅರಿವು ಮೂಡಿಸುವುದು ಮತ್ತು ಜನರನ್ನು ಸುರಕ್ಷಿತವಾಗಿರಿಸುವುದು ಬಹಳ ಮುಖ್ಯವಾಗಿದೆ.