ಭಗವಾನ್ ಶಿವನಿಗೆ ನಮ್ಮ ರಕ್ಷಣೆಯ ಅಗತ್ಯವಿಲ್ಲ ಎಂದು ಯಮುನಾ ನದಿ ಪ್ರವಾಹ ಪ್ರದೇಶದಲ್ಲಿರುವ ಅನಧಿಕೃತ ಶಿವ ದೇವಾಲಯವನ್ನು ಕೆಡವಲು ಅನುಮತಿ ನೀಡುವ ಸಂದರ್ಭದಲ್ಲಿ ದೆಹಲಿ ಹೈಕೋರ್ಟ್ ಅಭಿಪ್ರಾಯಪಟ್ಟಿದೆ.
ಶಿವನ ರಕ್ಷಣೆ ಮತ್ತು ಆಶೀರ್ವಾದ ಬಯಸುವ ನಾವು ಯಮುನಾ ನದಿಪಾತ್ರ ಮತ್ತು ಪ್ರವಾಹ ಪ್ರದೇಶದ ಅತಿಕ್ರಮಣ ಮತ್ತು ಅಕ್ರಮ ನಿರ್ಮಾಣಗಳನ್ನು ತೆರವುಗೊಳಿಸಿದರೆ ಶಿವನು ಸಂತೋಷವಾಗಿರುತ್ತಾನೆ ಎಂದು ನ್ಯಾಯಮೂರ್ತಿ ಧರ್ಮೇಶ್ ಶರ್ಮಾ ಹೇಳಿದರು.
ದೇವಸ್ಥಾನದಲ್ಲಿ ಪ್ರತಿದಿನ ಪ್ರಾರ್ಥನೆಗಳನ್ನು ಸಲ್ಲಿಸಲಾಗುತ್ತದೆ ಮತ್ತು ಅದಕ್ಕಾಗಿಯೇ ಕೆಲವು ಹಬ್ಬದ ಸಂದರ್ಭಗಳಲ್ಲಿ ವಿಶೇಷ ಕಾರ್ಯಕ್ರಮಗಳಿವೆ ಎಂಬ ಅಂಶವು ಸಾರ್ವಜನಿಕ ಮಹತ್ವದ ಸ್ಥಳವಾಗಿ ದೇವಸ್ಥಾನವನ್ನು ಪರಿವರ್ತಿಸುವುದಿಲ್ಲ ಎಂದು ನ್ಯಾಯಮೂರ್ತಿ ಹೇಳಿದರು.
ಗೀತಾ ಕಾಲೋನಿಯಲ್ಲಿರುವ ತಾಜ್ ಎನ್‌ಕ್ಲೇವ್ ಬಳಿ ಇರುವ ಪ್ರಾಚೀನ ಶಿವ ದೇವಾಲಯವನ್ನು ತೆರವು ಮಾಡಲು ದೆಹಲಿ ಅಭಿವೃದ್ಧಿ ಪ್ರಾಧಿಕಾರ (ಡಿಡಿಎ) ಹೊರಡಿಸಿದ ಆದೇಶವನ್ನು ಪ್ರಶ್ನಿಸಿ ಪ್ರಾಚೀನ್ ಶಿವ ಮಂದಿರ ಅವಮ್ ಅಖಾಡ ಸಮಿತಿ ಸಲ್ಲಿಸಿದ್ದ ಅರ್ಜಿಯನ್ನು ವಜಾಗೊಳಿಸುವ ಸಂದರ್ಭದಲ್ಲಿ ನ್ಯಾಯಾಲಯ ಈ ಹೇಳಿಕೆ ನೀಡಿದೆ.
ಪ್ರಕರಣವನ್ನು ಪರಿಗಣಿಸಿದ ನ್ಯಾಯಾಲಯವು, ದೇವಸ್ಥಾನವು ಸಾರ್ವಜನಿಕರಿಗೆ ಸಮರ್ಪಿತವಾದ ಮತ್ತು ಅರ್ಜಿದಾರರ ಸಮಾಜದಿಂದ ನಿರ್ವಹಿಸಲ್ಪಡುವ ಖಾಸಗಿ ದೇವಸ್ಥಾನವಲ್ಲ ಎಂದು ತೋರಿಸಲು ಯಾವುದೇ ದಾಖಲೆಗಳಿಲ್ಲ ಎಂದಿತು.
“ಮೇಲಿನ ಅಂಶವನ್ನು ಗಮನದಲ್ಲಿಟ್ಟುಕೊಂಡು ಪ್ರಸ್ತುತ ರಿಟ್ ಅರ್ಜಿಯನ್ನು ವಜಾಗೊಳಿಸಲಾಗಿದೆ. ಆದರೆ, ದೇವಾಲಯದಲ್ಲಿರುವ ವಿಗ್ರಹಗಳು ಮತ್ತು ಇತರ ಧಾರ್ಮಿಕ ವಸ್ತುಗಳನ್ನು ತೆಗೆದುಹಾಕಲು ಮತ್ತು ಅದನ್ನು ಬೇರೆ ಯಾವುದಾದರೂ ದೇವಾಲಯದಲ್ಲಿ ಇರಿಸಲು ಅರ್ಜಿದಾರರ ಸಮಾಜಕ್ಕೆ 15 ದಿನಗಳ ಕಾಲಾವಕಾಶ ನೀಡಲಾಗುತ್ತದೆ. ಅವರು ಹಾಗೆ ಮಾಡಲು ವಿಫಲರಾದರೆ ವಿಗ್ರಹಗಳನ್ನು ಬೇರೆ ಯಾವುದಾದರೂ ದೇವಸ್ಥಾನದಲ್ಲಿ ಇರಿಸಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳಲು ಪ್ರತಿವಾದಿ ಡಿಡಿಎಗೆ ನಿರ್ದೇಶಿಸಲಾಗಿದೆ ಅಥವಾ ಯಾವುದೇ ಸಲಹೆಗಳಿಗಾಗಿ ಅವರು ಸಂಪರ್ಕಿಸಿದರೆ ಧಾರ್ಮಿಕ ಸಮಿತಿಯು ನಿರ್ದೇಶಿಸಬಹುದು”ಎಂದು ನ್ಯಾಯಾಲಯ ಹೇಳಿದೆ.
ಅನಧಿಕೃತ ನಿರ್ಮಾಣವನ್ನು ಕೆಡವಲು ಡಿಡಿಎಗೆ ಸ್ವಾತಂತ್ರ್ಯವಿರುತ್ತದೆ. ಅರ್ಜಿದಾರರ ಸಮಾಜ ಮತ್ತು ಅದರ ಸದಸ್ಯರು ಕೆಡವುವ ಪ್ರಕ್ರಿಯೆಯಲ್ಲಿ ಯಾವುದೇ ಅಡ್ಡಿ ಅಥವಾ ಅಡೆತಡೆಗಳನ್ನು ಉಂಟುಮಾಡಬಾರದೆಂದು ನ್ಯಾಯಾಲಯ ಹೇಳಿದೆ.
ಕಾನೂನು ಮತ್ತು ಸುವ್ಯವಸ್ಥೆಯನ್ನು ಕಾಪಾಡುವ ಸಲುವಾಗಿ ಸ್ಥಳೀಯ ಪೊಲೀಸರು ಮತ್ತು ಆಡಳಿತವು ಈ ಪ್ರಕ್ರಿಯೆಯಲ್ಲಿ ಸಂಪೂರ್ಣ ಸಹಾಯ ನೀಡಲು ತಿಳಿಸಲಾಗಿದೆ.
Loading ...
