ರಾತ್ರಿ ಓದುವುದು ವಿದ್ಯಾರ್ಥಿಗಳಿಗೆ ಅನುಕೂಲಕರವೇ ? ʼಪರೀಕ್ಷೆʼ ಗೂ ಮುನ್ನ ತಿಳಿಯಲೇಬೇಕು ಈ ಸಂಗತಿ….!

ಪರೀಕ್ಷೆ ಹತ್ತಿರ ಬಂದಾಗ ರಾತ್ರಿಯಿಡೀ ಕುಳಿತು ಓದುವ ವಿದ್ಯಾರ್ಥಿಗಳಿದ್ದಾರೆ. ರಾತ್ರಿ ಅಧ್ಯಯನ ಮಾಡುವುದು ಪ್ರಯೋಜನಕಾರಿ. ಆದರೆ ನಿಮ್ಮ ನಿದ್ರೆಯ ಅಗತ್ಯಗಳನ್ನು ತಿಳಿದುಕೊಂಡು, ಸುತ್ತಮುತ್ತಲಿನ ವಾತಾವರಣಕ್ಕೆ ಅನುಗುಣವಾಗಿ ಅದನ್ನು ಹೊಂದಿಸಿಕೊಳ್ಳಬೇಕು. ಕೆಲವೊಂದು ಸಲಹೆಗಳನ್ನು ಅನುಸರಿಸಿದರೆ ರಾತ್ರಿಯಲ್ಲಿ ಓದುವುದರಿಂದ ಹೆಚ್ಚಿನ ಪ್ರಯೋಜನಗಳನ್ನು ಪಡೆಯಬಹುದು.

ಏಕಾಗ್ರತೆಯನ್ನು ಸುಧಾರಿಸುತ್ತದೆ: ರಾತ್ರಿ ಓದುವುದು ನಮ್ಮ ಆಲೋಚನೆಗಳು ಮತ್ತು ಭಾವನೆಗಳನ್ನು ಶಾಂತಗೊಳಿಸಲು ಸಹಾಯ ಮಾಡುತ್ತದೆ. ಆದ್ದರಿಂದ ಅಧ್ಯಯನದ ಮೇಲೆ ಹೆಚ್ಚು ಗಮನ ಹರಿಸಬಹುದು.

ಜ್ಞಾಪಕ ಶಕ್ತಿಯನ್ನು ಸುಧಾರಿಸುತ್ತದೆ: ರಾತ್ರಿಯಲ್ಲಿ ಓದುವಿಕೆ ನಿದ್ರೆಯನ್ನು ಉತ್ತೇಜಿಸುವ ಮತ್ತು ಸ್ಮರಣೆಯನ್ನು ಸುಧಾರಿಸುವ ಹಾರ್ಮೋನ್ ಮೆಲಟೋನಿನ್ ಸ್ರವಿಸುವಿಕೆಯನ್ನು ಹೆಚ್ಚಿಸುತ್ತದೆ.

ಸೃಜನಶೀಲತೆಯನ್ನು ಹೆಚ್ಚಿಸುವುದು: ರಾತ್ರಿ ಶಾಂತ ವಾತಾವರಣದಲ್ಲಿ  ಓದುವುದರಿಂದ ನಮಗೆ ಹೊಸ ಆಲೋಚನೆಗಳು ಬರುತ್ತವೆ. ಅವುಗಳನ್ನು ಕಾರ್ಯರೂಪಕ್ಕೆ ತರುವುದು ಸುಲಭವಾಗುತ್ತದೆ.

ಒತ್ತಡ ಕಡಿಮೆಯಾಗುತ್ತದೆ : ರಾತ್ರಿ ಓದುವ ಮೂಲಕ ನಾವು ದಿನದ ಚಿಂತೆ ಮತ್ತು ಒತ್ತಡದಿಂದ ಮನಸ್ಸನ್ನು ನಿರಾಳಗೊಳಿಸಿಕೊಳ್ಳಬಹುದು.

ರಾತ್ರಿ ಓದುವಾಗ ಪಾಲಿಸಬೇಕಾದ ನಿಯಮ

ನಾವು ಆರೋಗ್ಯವಾಗಿರಲು ಕನಿಷ್ಠ 7-8 ಗಂಟೆಗಳ ನಿದ್ದೆ ಅವಶ್ಯಕ. ನಿದ್ದೆಗೆ ತೊಂದರೆಯಾಗದಂತೆ ಓದುವ ಸಮಯವನ್ನು ನಿಗದಿಪಡಿಸಿಕೊಳ್ಳಿ.

ಸುತ್ತಮುತ್ತಲಿನ ಪರಿಸರಕ್ಕೆ ಅನುಗುಣವಾಗಿ ಯಾರೂ ತೊಂದರೆ ಮಾಡದಂತಹ ಶಾಂತ ಮತ್ತು ಆರಾಮದಾಯಕ ಸ್ಥಳದಲ್ಲಿ ಓದಿ.

ರಾತ್ರಿ ಓದುವ ಸಂದರ್ಭದಲ್ಲಿ ಕಣ್ಣುಗಳು ಒತ್ತಡಕ್ಕೆ ಒಳಗಾಗದಂತೆ ನೋಡಿಕೊಳ್ಳಬೇಕು. ಸರಿಯಾದ ಬೆಳಕಿನಲ್ಲೇ ಕುಳಿತು ಓದಬೇಕು. ಓದಿನ ನಡುವೆಯೇ ಪ್ರತಿ 20-30 ನಿಮಿಷಗಳಿಗೊಮ್ಮೆ ಎದ್ದು, ಕಣ್ಣುಗಳು ಮತ್ತು ಕುತ್ತಿಗೆಗೆ ಕೊಂಚ ವಿಶ್ರಾಂತಿ ನೀಡುವುದು ಅವಶ್ಯಕ.

ರಾತ್ರಿ ಓದುವುದರಿಂದಾಗುವ ಅನಾನುಕೂಲಗಳು

ರಾತ್ರಿ ಓದುವುದು ನಮ್ಮ ನಿದ್ರೆಯನ್ನು ವಿಳಂಬಗೊಳಿಸುತ್ತದೆ, ಇದು ಆಯಾಸ ಮತ್ತು ತಲೆನೋವಿಗೆ ಕಾರಣವಾಗಬಹುದು.

ರಾತ್ರಿ ಓದುವುದರಿಂದ ಕಣ್ಣುಗಳಿಗೆ ಒತ್ತಡ ಉಂಟಾಗಬಹುದು. ಇದು ದೃಷ್ಟಿದೋಷಕ್ಕೂ ಕಾರಣವಾಗುತ್ತದೆ. ರಾತ್ರಿಯಲ್ಲಿ ಓದುವುದು ನಮ್ಮನ್ನು ನೈಜ ಪ್ರಪಂಚದಿಂದ ಪ್ರತ್ಯೇಕಿಸುವಂತೆ ಮಾಡುತ್ತದೆ. ಇದು ಖಿನ್ನತೆಯ ಅಪಾಯವನ್ನು ಹೆಚ್ಚಿಸುತ್ತದೆ.