ಇದೇ ಮೊಟ್ಟ ಮೊದಲ ಬಾರಿಗೆ ಇಂಡಿಯನ್ ಕೌನ್ಸಿಲ್ ಅಫ್ ಮೆಡಿಕಲ್ ರಿಸರ್ಚ್ ಪುರುಷರಿಗಾಗಿ ಗರ್ಭನಿರೋಧಕವನ್ನು ಯಶಸ್ವಿಯಾಗಿ ಪರೀಕ್ಷಿಸಿದೆ. ಈ ಗರ್ಭನಿರೋಧಕವು ದೀರ್ಘಾವಧಿಯ ಸಂತಾನಹೀನತೆಯನ್ನು ನೀಡುತ್ತದೆ ಎಂದು ಐಸಿಎಂಆರ್ ಹೇಳಿದೆ.
ಐಸಿಎಂಆರ್ ಈ ಗರ್ಭನಿರೋಧಕವನ್ನು 303 ಆರೋಗ್ಯವಂತ ಪುರುಷರ ಮೇಲೆ ಪರೀಕ್ಷಿಸಿ ಅಧ್ಯಯನ ನಡೆಸಲು ಬರೋಬ್ಬರಿ 7 ವರ್ಷವನ್ನು ತೆಗೆದುಕೊಂಡಿದೆ. ಹಾರ್ಮೋನ್ ಅಲ್ಲದ ಈ ಚುಚ್ಚುಮದ್ದು ಪುರುಷರಲ್ಲಿ ಗರ್ಭನಿರೋಧಕದಂತೆ ವರ್ತಿಸಲಿದ್ದು ಸುರಕ್ಷಿತ ಹಾಗೂ ಪರಿಣಾಮಕಾರಿಯಾಗಿದೆ ಎನ್ನುವುದು ಅಧ್ಯಯನದಲ್ಲಿ ತಿಳಿದು ಬಂದಿದೆ.
ಅಂತಾರಾಷ್ಟ್ರೀಯ ಜರ್ನಲ್ ಆಂಡ್ರೋಲಜಿಯಲ್ಲಿ ಈ ಅಧ್ಯಯನದ ಸಂಶೋಧನೆಗಳು ಪ್ರಕಟವಾಗಿದೆ. 25 ರಿಂದ 40 ವರ್ಷ ವಯಸ್ಸಿನೊಳಗಿನ 303 ಆರೋಗ್ಯವಂತ ಹಾಗೂ ಲೈಂಗಿಕವಾಗಿ ಸಕ್ರಿಯರಾಗಿದ್ದ ವಿವಾಹಿತ ಪುರುಷರ ಮೇಲೆ ಈ ಚುಚ್ಚುಮದ್ದನ್ನು ಪರೀಕ್ಷೆ ಮಾಡಲಾಗಿತ್ತು.
ಈ ಅಧ್ಯಯನದ ಪ್ರಕಾರ, ಈ ಚುಚ್ಚುಮದ್ದು ಗರ್ಭಧಾರಣೆಯ ತಡೆಗಟ್ಟುವಿಕೆಯನ್ನು 99.02 ಪ್ರತಿಶತ ಕಡಿಮೆ ಮಾಡಿದೆ. ಹಾಗೂ ಯಾವುದೇ ಅಡ್ಡಪರಿಣಾಮಗಳು ಸಹ ಕಂಡು ಬಂದಿಲ್ಲ ಎಂದು ತಿಳಿದು ಬಂದಿದೆ.
Loading ...
