ಕೈಕೋಳದ ಸಮೇತ ಪೊಲೀಸ್‌ ಕಾರಿನಿಂದ ಎಸ್ಕೇಪ್ ಗೆ ಯತ್ನಿಸಿದ ಕೈದಿ; ನಾಟಕೀಯ ಘಟನೆಯ ವಿಡಿಯೋ ವೈರಲ್

ಕಳ್ಳರು, ಖದೀಮರು ಪೊಲೀಸರಿಗೆ ಚಳ್ಳೆಹಣ್ಣು ತಿನ್ಸೋದನ್ನ ನೋಡಿರ್ತಿರಾ. ಇದೆಲ್ಲ ಸಿನೆಮಾದಲ್ಲಿ ಮಾತ್ರ ಸಾಧ್ಯ ಆಗೋದು ಅಂತ ಅಂದ್ಕೊಳ್ಳಬೇಡಿ. ಸಿನೆಮಾಗಳಲ್ಲಿ ನಾವು ನೋಡೋ ಈ ರೀತಿಯ ಘಟನೆಗಳಲ್ಲಿ ವಾಸ್ತವದಲ್ಲಿ ನಡೆದಿರುವಂತಹ ಘಟನೆಗಳಾಗಿದೆ. ಈಗ ಅಮೆರಿಕಾದಲ್ಲೂ ಅಂತಹದ್ದೇ ಘಟನೆಯೊಂದು ಕ್ಯಾಮರಾ ಕಣ್ಣಿಗೆ ಬಿದ್ದಿದೆ.

20 ಸೆಕೆಂಡ್‌ನ ಈ ವಿಡಿಯೋನಲ್ಲಿ ಕಳ್ಳನೊಬ್ಬ ಪೊಲೀಸ್ ಕಾರ್ ಹೊರಗೆ ಬರುತ್ತಿರುವುದನ್ನ ಗಮನಿಸಬಹುದು. ಆತನ ಕೈಗೆ ಕೊಳ ಹಾಕಲಾಗಿದೆ. ಆದರೂ ಆತ ಕಾರ್ ಕಿಟಕಿಯಿಂದ ಹೊರಗೆ ಬರುವುದಕ್ಕೆ ಪ್ರಯತ್ನಿಸುತ್ತಾನೆ. ಆ ಸಮಯದಲ್ಲಿ ಆತನ ಅದೃಷ್ಟ ಕೈಕೊಟ್ಟಿತ್ತೊ ಏನೋ. ಆತ ಹರಸಾಹಸ ಪಟ್ಟು ಹೊರಗೆ ಬ೦ದರೂ ರಸ್ತೆ ಮೇಲೆ ನಡೆಯೋಕಾಗದೇ ಬಿದ್ದೇ ಬಿಟ್ಟಿದ್ದ. ಕೊನೆಗೆ ಪೊಲೀಸ್ ತನ್ನ ಕಾರು ನಿಲ್ಲಿಸಿ, ಆ ಕೈದಿಯನ್ನ ಕಾರಿನಲ್ಲಿ ತೂರಿ ಬಾಗಿಲು ಹಾಗೂ ಕಿಟಕಿಯನ್ನ ಲಾಕ್ ಮಾಡಿದ್ದಾನೆ.

ಇದನ್ನ ಅಲ್ಲೇ ಇದ್ದ ಇನ್ನೊಂದು ಕಾರ್‌ನಲ್ಲಿದ್ದ ಕ್ಯಾಮರಾ ರೆಕಾರ್ಡ್ ಮಾಡಿದೆ. ಕೈದಿ ಎಸ್ಕೆಪ್ ಮಾಡಲು ಮಾಡಿದ್ದ ಪ್ಲಾನ್ ಪ್ಲಾಪ್ ಆಗಿದೆ. ಅಷ್ಟಕ್ಕೂ ಈ ಘಟನೆ ನಡೆದಿರೋದು ಅಮೆರಿಕಾದ ಕಾಲಿಫೋರ್ನಿಯಾದಲ್ಲಿ, ನೆಟ್ಟಿಗರು ಈ ವಿಡಿಯೋ ನೋಡಿ ಪೊಲೀಸರ ಕಾರ್ಯಕ್ಷಮತೆ ಬಗ್ಗೆ ಪ್ರಶ್ನೆ ಮಾಡಿದ್ದಾರೆ. ಇನ್ನು ಕೆಲವರು ಈ ಘಟನೆಯನ್ನ ಲೇವಡಿ ಮಾಡಿದ್ದಾರೆ. ಓರ್ವ ವ್ಯಕ್ತಿಯಂತೂ ‘ರಜಾ ಸಮಯದಲ್ಲಿ ನನ್ನ ಬಾಸ್ ನನ್ನಿಂದ ಇದೇ ರೀತಿ ಕೆಲಸ ಮಾಡಿಸಿಕೊಳ್ತಾರೆ’ ಎಂದು ತಮಾಷೆ ಮಾಡಿ ತಮ್ಮ ದುಃಖ ಹೇಳಿಕೊಂಡಿದ್ದಾರೆ.

Share This Article

Latest News

ಬಸನಗೌಡ ಪಾಟೀಲ್ ಯತ್ನಾಳ್ ಉಚ್ಚಾಟನೆಯಿಂದ ಬಿಜೆಪಿಗೆ ಹಿನ್ನಡೆಯಾಗುತ್ತದಾ ?

View Results

Loading ... Loading ...

Most Read