ಮಾತನಾಡುವ ಎಲ್ಲವೂ ದ್ವೇಷದ ಭಾಷಣವಾಗುವುದಿಲ್ಲ: ಸುಪ್ರೀಂ ಕೋರ್ಟ್

ನವದೆಹಲಿ: ಮಾತನಾಡುವ ಎಲ್ಲವನ್ನೂ ದ್ವೇಷದ ಭಾಷಣ ಎಂದು ಹೇಳಲಾಗುವುದಿಲ್ಲ ಎಂದು ಸುಪ್ರೀಂ ಕೋರ್ಟ್ ಸೋಮವಾರ ಹೇಳಿದೆ.

ದ್ವೇಷ ಭಾಷಣಕ್ಕೆ ಸಂಬಂಧಿಸಿದ ಅರ್ಜಿಗಳ ವಿಚಾರಣೆ ಕೈಗೆತ್ತಿಕೊಂಡ ನ್ಯಾಯಮೂರ್ತಿಗಳಾದ ಕೆ.ಎಂ. ಜೋಸೆಫ್ ಮತ್ತು ಬಿ.ವಿ. ನಾಗರತ್ನ ಅವರ ಪೀಠ, ನಮಗೆ ದ್ವೇಷ ಎಂಬ ಸಾಮಾನ್ಯ ಶತ್ರುವಿದೆ, ಅದು ಒಂದೇ ವಿಷಯ, ನಿಮ್ಮ ಮನಸ್ಸಿನಿಂದ ದ್ವೇಷವನ್ನು ತೆಗೆದುಹಾಕಿ ಮತ್ತು ವ್ಯತ್ಯಾಸವನ್ನು ನೋಡಿ ಎಂದು ಹೇಳಿದೆ.

ಈ ತಿಂಗಳ ಆರಂಭದಲ್ಲಿ ಮುಂಬೈನಲ್ಲಿ ನಡೆದ ಸಕಲ್ ಹಿಂದೂ ಸಮಾಜ ರ್ಯಾಲಿಯಲ್ಲಿ ಮಾಡಿದ ದ್ವೇಷ ಭಾಷಣಗಳನ್ನು ಪ್ರಶ್ನಿಸಿ ಕೇರಳ ನಿವಾಸಿ ಶಾಹೀನ್ ಅಬ್ದುಲ್ಲಾ ಅವರು ಮಾಡಿದ ಮನವಿಗೆ, ಪೀಠವು ಅಲ್ಲಿ ಯಾವುದೇ ದ್ವೇಷದ ಭಾಷಣ ಮಾಡಿದ್ದರೆ ಎಂದು ಸಾಲಿಸಿಟರ್ ಜನರಲ್ ತುಷಾರ್ ಮೆಹ್ತಾ ಅವರನ್ನು ಕೇಳಿದ್ದು, ಇಲ್ಲ ಎಂಬ ುತ್ತರ ಬಂದಿದೆ.

ಈ ಕುರಿತು ಅರ್ಜಿದಾರರೊಬ್ಬರನ್ನು ಪ್ರತಿನಿಧಿಸಿದ ವಕೀಲ ಎಂ. ನಿಜಾಮುದ್ದೀನ್ ಪಾಷಾ ಅವರಿಗೆ ಪೀಠವು, ಐಪಿಸಿಯ ಸೆಕ್ಷನ್ 125 ಮತ್ತು ಇತರ ನಿಬಂಧನೆಗಳ ಅಡಿಯಲ್ಲಿ ಅರವಿಂದ್ ಕೇಜ್ರಿವಾಲ್(ದೆಹಲಿ ಮುಖ್ಯಮಂತ್ರಿ) ವಿರುದ್ಧದ ವಿಚಾರಣೆಗೆ ಎರಡು ದಿನಗಳ ಹಿಂದೆ ನಾವು ತಡೆ ನೀಡಿದ್ದೇವೆ. ಕಾನೂನುಗಳ ಎಲ್ಲವೂ ದ್ವೇಷದ ಮಾತು ಎಂದು ಹೇಳಲಾಗುವುದಿಲ್ಲ. ಆದ್ದರಿಂದ, ಈ ಸೆಕ್ಷನ್ ಎಂದರೆ ಈ ನ್ಯಾಯಾಲಯವು ವ್ಯಾಖ್ಯಾನಿಸಿರುವ(ಏನು) ವಿಷಯದಲ್ಲಿ ಮಾತ್ರ ನಾವು ಜಾಗರೂಕರಾಗಿರಬೇಕು ಎಂದು ಪೀಠವು ವಕೀಲರಿಗೆ ತಿಳಿಸಿತು.

ನಿರ್ದಿಷ್ಟ ಹೇಳಿಕೆಗಳನ್ನು ದ್ವೇಷದ ಭಾಷಣವಾಗಿ ನೀಡಲು ಕೆಲವು ನಿಂದನೆಗಳು ಇರಬೇಕಾಗುತ್ತದೆ ಎಂದು ನ್ಯಾಯಾಲಯ ಹೇಳಿದೆ. ಮಾರ್ಚ್ 21 ಕ್ಕೆ ವಿಚಾರಣೆ ಮುಂದೂಡಿತು.