ದಾಂಪತ್ಯ ಜೀವನ ಅಂದ್ರೆ ಏಳೇಳು ಜನ್ಮಗಳ ಬಂಧ ಎಂದು ಹೇಳುತ್ತಾರೆ. ಆದರೆ ಮೂರು ವರ್ಷಗಳ ದಾಂಪತ್ಯ ಜೀವನದ ಬಳಿಕ ಅಮೆರಿಕ, ಉಠ್ಹಾದ ಟೈಲೀ ಹಾಗೂ ನಿಕ್ ವಾಟರ್ಸ್ ದಂಪತಿ ತಮ್ಮ ಸಂಬಂಧದ ಬಗ್ಗೆ ತಿಳಿದುಕೊಂಡ ಸತ್ಯದಿಂದಾಗಿ ಶಾಕ್ ಆಗಿದ್ದಾರೆ.
ಟಿಕ್ಟಾಕ್ನಲ್ಲಿ ಆಗಾಗ ವಿಡಿಯೋ ಶೇರ್ ಮಾಡುವ ಈ ದಂಪತಿ ಅಸಲಿಗೆ ಸೋದರ ಸಂಬಂಧಿಗಳು ಎಂದು ತಿಳಿದು ಬಂದಿದೆ. ಇವರಿಬ್ಬರ ಸಂಬಂಧದ ನಡುವಿನ ಈ ಟ್ವಿಸ್ಟ್ ಈ ದಂಪತಿಯ ಫಾಲೋವರ್ಸ್ಗೂ ಆಶ್ಚರ್ಯವನ್ನುಂಟು ಮಾಡಿದೆ.
ಇಬ್ಬರ ನಡುವಿನ ನಿಜವಾದ ಸಂಬಂಧದ ಬಗ್ಗೆ ತಿಳಿದ ಬಳಿಕ ದಾಂಪತ್ಯ ಜೀವನವನ್ನು ಕೊನೆಗೊಳಿಸುವ ನಿರ್ಧಾರ ತೆಗೆದುಕೊಳ್ಳದ ಈ ದಂಪತಿ ಜೋಡಿಯಾಗಿ ಮುಂದುವರಿಯಲು ನಿರ್ಧರಿಸಿದ್ದಾರೆ. ಟಿಕ್ಟಾಕ್ನಲ್ಲಿ ಸದಾ ಫನ್ನಿ ವಿಡಿಯೋಗಳನ್ನ ಈ ದಂಪತಿ ಶೇರ್ ಮಾಡುತ್ತಿರುತ್ತಾರೆ.
ತಾವು ಅಸಲಿಗೆ ಸೋದರ ಸಂಬಂಧಿಗಳು ಎಂದು ತಿಳಿದುಕೊಂಡ ಬಳಿಕ ಟಿಕ್ಟಾಕ್ನಲ್ಲಿ ಈ ದಂಪತಿ ಮಾಹಿತಿ ಹಂಚಿಕೊಂಡಿದ್ದಾರೆ. ಇದಾದ ಬಳಿಕ ಇನ್ನೊಂದು ವಿಡಿಯೋ ಪೋಸ್ಟ್ ಮಾಡಿದ ಟೈಲಿ ಹಾಗೂ ನಿಕ್ ವಾಟರ್ಸ್ ದಂಪತಿ ನಾವು ಸೋದರ ಸಂಬಂಧ ಹೊಂದಿದ್ದರೂ ಸಹ ನಮ್ಮ ದಾಂಪತ್ಯ ಜೀವನ ಕೊನೆಗಾಣಿಸೋ ನಿರ್ಧಾರಕ್ಕೆ ನಾವು ಬಂದಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.
ಆದರೆ ಈ ದಂಪತಿ ತಾವು ಯಾವ ರೀತಿಯಲ್ಲಿ ಸೋದರ ಸಂಬಂಧಿಗಳಾಗಬೇಕು ಅನ್ನೋದ್ರ ಬಗ್ಗೆ ಯಾವುದೇ ಮಾಹಿತಿ ಬಿಟ್ಟುಕೊಟ್ಟಿಲ್ಲ. ಟಿಕ್ಟಾಕ್ನಲ್ಲಿ ಟೈಲಿ ಹಾಗೂ ನಿಕ್ ತಮ್ಮ ಜೀವನದ ಈ ಟ್ವಿಸ್ಟ್ ಬಗ್ಗೆ ಮಾಹಿತಿ ಹಂಚಿಕೊಳ್ತಿದ್ದಂತೆ ಅನೇಕರು ಕಮೆಂಟ್ನಲ್ಲಿ ತಮ್ಮ ತಮ್ಮ ದಾಂಪತ್ಯ ಜೀವನದ ಟ್ವಿಸ್ಟ್ಗಳ ಬಗ್ಗೆಯೂ ಮಾಹಿತಿ ಶೇರ್ ಮಾಡಿದ್ದಾರೆ.
Loading ...