ತಮ್ಮನ ಪ್ರಾಣ ಕಾಪಾಡಿದ ಮೂರು ವರ್ಷದ ಬಾಲಕ: ವಿಡಿಯೋ ವೈರಲ್​

ಚಿಕ್ಕ ಬಾಲಕನೊಬ್ಬ ತನ್ನ ತಮ್ಮನ ರಕ್ಷಣೆಗೆ ಬರುತ್ತಿರುವ ವಿಡಿಯೋ ಒಂದು ವೈರಲ್​ ಆಗಿದೆ. ಪುಟಾಣಿ ಕಂದನ ಪ್ರಾಣ ಉಳಿಸಿದ್ದಾನೆ ಈ ಪುಟಾಣಿ ಅಣ್ಣ. ಅಣ್ಣ ತನ್ನ ತಮ್ಮನ ಬಾಯಿಯಲ್ಲಿ ಏನೋ ವಸ್ತು ಇರುವುದನ್ನು ನೋಡಿದ್ದಾನೆ. ಅದನ್ನು ನುಂಗಲು ಮಗು ಪ್ರಯತ್ನಿಸುತ್ತಿತ್ತು. ಹೀಗಾದರೆ ಅದು ಮಾರಣಾಂತಿಕವಾಗಬಹುದು ಎಂದು ಗ್ರಹಿಸಿದ ಈ ಅಣ್ಣ ಅಪಾಯವನ್ನು ಗ್ರಹಿಸಿ ಬಾಯಿಂದ ವಸ್ತುವನ್ನು ಹೊರತೆಗೆದಿದ್ದಾನೆ.

ಇದರ ವಿಡಿಯೋ ವೈರಲ್​ ಆಗಿದೆ. ಕ್ರಿಸ್ ಇವಾನ್ಸ್ ಅವರ ಟ್ವಿಟರ್ ಹ್ಯಾಂಡಲ್‌ನಲ್ಲಿ ವೀಡಿಯೊವನ್ನು ಹಂಚಿಕೊಳ್ಳಲಾಗಿದೆ. ಇದು 2 ದಶಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಹೊಂದಿದೆ.

ಈಗ ವೈರಲ್ ಆಗಿರುವ ವೀಡಿಯೊದಲ್ಲಿ, ಮೂರು ವರ್ಷದ ಬಾಲಕ ತನ್ನ ತಾಯಿ ಮತ್ತು ಅಣ್ಣನ ಸಮ್ಮುಖದಲ್ಲಿ ತನ್ನ ತಮ್ಮನ ಜೊತೆ ಆಡುವುದನ್ನು ನೋಡಬಹುದು. ಇಬ್ಬರೂ ತಮಾಷೆ ಮಾಡಿಕೊಳ್ಳುತ್ತಿದ್ದರು. ಈ ಸಂದರ್ಭದಲ್ಲಿ ಇದ್ದಕ್ಕಿದ್ದಂತೆ ತನ್ನ ಸಹೋದರನ ಬಾಯಿಯಲ್ಲಿ ಏನೋ ವಸ್ತು ಇರುವುದನ್ನು ಅಣ್ಣ ಗಮನಿಸಿದ್ದಾನೆ. ಒಂದು ಕ್ಷಣವೂ ವ್ಯರ್ಥ ಮಾಡದೆ ಆತನನ್ನು ಹಿಡಿದು ಬಾಯಿ ತೆರೆದು ವಸ್ತುವನ್ನು ಹೊರತೆಗೆದನು. ಅವರ ಸಮಯೋಚಿತ ಕ್ರಮವು ಹಲವಾರು ಟ್ವಿಟರ್ ಬಳಕೆದಾರರಿಂದ ಮೆಚ್ಚುಗೆಯನ್ನು ಗಳಿಸಿದೆ.