ಸುದೀರ್ಘ 75 ದಿನಗಳಲ್ಲಿ 180 ರ್ಯಾಲಿ, ರೋಡ್ ಶೋಗಳು: ಲೋಕಸಭೆ ಚುನಾವಣೆಯಲ್ಲಿ ಹೀಗಿತ್ತು ಪ್ರಧಾನಿ ಮೋದಿ ಮ್ಯಾರಥಾನ್ ಪ್ರಚಾರ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಜೂನ್ 1 ರವರೆಗೆ ಹಗಲು ರಾತ್ರಿ ಧ್ಯಾನಕ್ಕಾಗಿ ಮೇ 30 ರ ಸಂಜೆ ತಮಿಳುನಾಡಿನ ಕನ್ಯಾಕುಮಾರಿಗೆ ಬಂದಿಳಿಯುತ್ತಿದ್ದಂತೆ, ಕಳೆದ ಮಾರ್ಚ್‌ನಲ್ಲಿ ಕನ್ಯಾಕುಮಾರಿಯಿಂದ ಲೋಕಸಭೆ ಚುನಾವಣೆಗಾಗಿ ಮ್ಯಾರಥಾನ್ ಪ್ರಚಾರ ಪ್ರಾರಂಭಿಸಿದ ನಂತರ ಅವರು ಪೂರ್ಣ ಸುತ್ತು ಹಾಕಿದಂತಾಗಿದೆ.

ಪ್ರಧಾನಿ ಅವರು ಈ ಚುನಾವಣಾ ಋತುವಿನಲ್ಲಿ ಅವರ ರ್ಯಾಲಿಗಳು ಮತ್ತು ರೋಡ್ ಶೋಗಳನ್ನು ಒಳಗೊಂಡಂತೆ 180 ಚುನಾವಣಾ ಪ್ರಚಾರ ಕಾರ್ಯಕ್ರಮಗಳನ್ನು ಮಾಡಿದ್ದಾರೆ. ಅವರು ವಾಸ್ತವವಾಗಿ ಪ್ರಚಾರ ಮಾಡಿದ 57 ದಿನಗಳನ್ನು ಗಮನಿಸಿದರೆ, ಮೋದಿ ದಿನಕ್ಕೆ ಮೂರು ಕಾರ್ಯಕ್ರಮಗಳ ದರದಲ್ಲಿ ಈ 180 ಕಾರ್ಯಕ್ರಮಗಳನ್ನು ಪೂರ್ಣಗೊಳಿಸಿದ್ದಾರೆ. 3 ದಿನ ಒಂದೇ ದಿನದಲ್ಲಿ ಐದು ಕಾರ್ಯಕ್ರಮಗಳನ್ನು ಮಾಡಿದ್ದಾರೆ. 22 ದಿನಗಳಲ್ಲಿ ಅವರು ಪ್ರತಿದಿನ ನಾಲ್ಕು ಕಾರ್ಯಕ್ರಮಗಳಲ್ಲಿ ಭಾಗವಹಿಸಿ ಪ್ರಚಾರ ನಡೆಸಿದ್ದಾರೆ. ದೇಶದ ಪ್ರತಿಯೊಂದು ಭಾಗದಲ್ಲಿಯೂ ಮ್ಯಾರಥಾನ್ ಅಭಿಯಾನ ನಡೆದಿದೆ.

ಮೇ ತಿಂಗಳಲ್ಲಿ 96 ಕಾರ್ಯಕ್ರಮ: 4 ರಾಜ್ಯಗಳೇ ಕೇಂದ್ರ ಬಿಂದು

ನಾಲ್ಕು ರಾಜ್ಯಗಳು ಪ್ರಧಾನಿ ಮೋದಿಯವರ ಪ್ರಚಾರದ ದೊಡ್ಡ ಕೇಂದ್ರ ಬಿಂದುವಾಗಿದ್ದು, ಈ ಎರಡೂವರೆ ತಿಂಗಳಲ್ಲಿ ಅವರ ಅರ್ಧದಷ್ಟು ಸಾರ್ವಜನಿಕ ಕಾರ್ಯಕ್ರಮಗಳಿಗೆ ಸಾಕ್ಷಿಯಾಗಿವೆ. ಉತ್ತರ ಪ್ರದೇಶದಲ್ಲಿ(31) ತಮ್ಮ ಗರಿಷ್ಠ ಚುನಾವಣಾ ಕಾರ್ಯಕ್ರಮಗಳಲ್ಲಿ ಮೋದಿ ಪಾಲ್ಗೊಂಡಿದ್ದಾರೆ. ಈ ರಾಜ್ಯವು 80 ಸಂಸದರನ್ನು ಲೋಕಸಭೆಗೆ ಕಳುಹಿಸುತ್ತದೆ. 2019ರಲ್ಲಿ ಯುಪಿಯಲ್ಲಿ ಎನ್‌ಡಿಎ 64 ಸ್ಥಾನಗಳನ್ನು ಗೆದ್ದಿತ್ತು. ಈ ಬಾರಿ ಬಿಜೆಪಿ ಉತ್ತರಪ್ರದೇಶದಲ್ಲಿ ತನ್ನ ಸ್ಥಾನಗಳನ್ನು ಹೆಚ್ಚಿಸುವ ಗುರಿ ಹೊಂದಿದೆ.

ಪ್ರಧಾನಮಂತ್ರಿಯವರು 20 ಚುನಾವಣಾ ಘಟನೆಗಳನ್ನು ಮಾಡಿದ ಮತ್ತೊಂದು ದೊಡ್ಡ ರಾಜ್ಯವೆಂದರೆ ಬಿಹಾರ. ನಂತರ ಮಹಾರಾಷ್ಟ್ರದಲ್ಲಿ 19 ಮತ್ತು ಪಶ್ಚಿಮ ಬಂಗಾಳದಲ್ಲಿ 18 ಸಮಾವೇಶ ಪ್ರಚಾರ ಸಭೆಗಳಲ್ಲಿ ಭಾಗವಹಿಸಿದ್ದಾರೆ.

ದಕ್ಷಿಣ ಭಾರತದಲ್ಲಿ 35 ರ್ಯಾಲಿಗಳು

ಪ್ರಧಾನಿ ಮೋದಿ ಅವರು ಈ ಬಾರಿ ದಕ್ಷಿಣ ಭಾರತದಲ್ಲಿ ಗೆಲುವಿಗಾಗಿ ದೊಡ್ಡ ಪ್ರಯತ್ನ ನಡೆಸಿದ್ದಾರೆ. ಕರ್ನಾಟಕ ಮತ್ತು ತೆಲಂಗಾಣದಲ್ಲಿ ತಲಾ 11 ಕಾರ್ಯಕ್ರಮಗಳು ಮತ್ತು ತಮಿಳುನಾಡಿನಲ್ಲಿ 7 ಕಾರ್ಯಕ್ರಮಗಳು ಸೇರಿದಂತೆ ಐದು ದಕ್ಷಿಣದ ರಾಜ್ಯಗಳಲ್ಲಿ 35 ಚುನಾವಣಾ ಕಾರ್ಯಕ್ರಮಗಳನ್ನು ಪ್ರಧಾನಮಂತ್ರಿ ಮಾಡಿದ್ದಾರೆ.

ಒಡಿಶಾದಲ್ಲಿ ಪ್ರಧಾನಿ ಮೋದಿ 10 ಚುನಾವಣಾ ಕಾರ್ಯಕ್ರಮಗಳನ್ನು ನಡೆಸಿದರು. ಒಡಿಶಾದ ಪುರಿಯಲ್ಲಿ ಪ್ರಧಾನಿ ದೊಡ್ಡ ರೋಡ್ ಶೋ ನಡೆಸಿದರು. ಮಧ್ಯಪ್ರದೇಶದಲ್ಲಿ ಪ್ರಧಾನಿಯವರು 10 ಚುನಾವಣಾ ಸಭೆ ನಡೆಸಿದ್ದಾರೆ. ಜಾರ್ಖಂಡ್‌ ನಲ್ಲಿ 7, ರಾಜಸ್ಥಾನ ಮತ್ತು ಛತ್ತೀಸ್‌ಗಢದಲ್ಲಿ ಕ್ರಮವಾಗಿ 5 ಮತ್ತು 4 ಚುನಾವಣಾ ಸಭೆ ನಡೆಸಲಾಗಿದೆ.

ಪ್ರಧಾನಿಯವರ ತವರು ರಾಜ್ಯವಾದ ಗುಜರಾತ್‌ನಲ್ಲಿ ಪ್ರಧಾನಮಂತ್ರಿಯವರು 5 ಪ್ರಚಾರ ಕಾರ್ಯಕ್ರಮಗಳನ್ನು ಮಾಡಿದರು. ಪ್ರಮುಖ ರಾಜ್ಯ ಪಂಜಾಬ್‌ ನಲ್ಲಿ 4 ಪ್ರಚಾರ ಸಭೆ ನಡೆಸಿದ್ದಾರೆ. ಮೇ 30 ರಂದು ಹೋಶಿಯಾರ್‌ಪುರದಲ್ಲಿ ಅವರ ಕೊನೆಯ ರ್ಯಾಲಿಯನ್ನು ಒಳಗೊಂಡಂತೆ ಹರಿಯಾಣವು ಮೂರು ರ್ಯಾಲಿ ನಡೆಸಿದ್ದಾರೆ.

ದೆಹಲಿ, ಹಿಮಾಚಲ ಪ್ರದೇಶ ಮತ್ತು ಉತ್ತರಾಖಂಡದಲ್ಲಿ ಪ್ರಧಾನಮಂತ್ರಿಯವರು ತಲಾ 2ಡು ರ್ಯಾಲಿಗಳನ್ನು ನಡೆಸಿದ್ದು, ಈಶಾನ್ಯ ರಾಜ್ಯಗಳಲ್ಲಿ ಎರಡು, ಜಮ್ಮು ಮತ್ತು ಕಾಶ್ಮೀರದಲ್ಲಿ ಒಂದು ರ್ಯಾಲಿಯಲ್ಲಿ ಭಾಗವಹಿಸಿದ್ದಾರೆ.