ಪುರಾತನ ಗೋಡೆ ಉರುಳಿಸಿ ಚಿತ್ರೀಕರಣ; ವಿಡಿಯೋ ವೈರಲ್ ಆಗ್ತಿದ್ದಂತೆ ಸಂಕಷ್ಟಕ್ಕೆ ಸಿಲುಕಿದ ಪ್ರವಾಸಿಗ…!

ರೀಲ್ಸ್ ಗಾಗಿ ಪ್ರವಾಸಿಗನೊಬ್ಬ ಪುರಾತನ ಗೋಡೆಯೊಂದನ್ನು ಧ್ವಂಸ ಮಾಡಿದ್ದು ಪೊಲೀಸರು ಕ್ರಮ ಕೈಗೊಳ್ಳಲು ಮುಂದಾಗಿದ್ದಾರೆ. ರಾಜಸ್ಥಾನದ ಕುಲಧಾರ ಗ್ರಾಮದಲ್ಲಿ ಪುರಾತನ ಗೋಡೆಯೊಂದನ್ನು ಧ್ವಂಸ ಮಾಡಿರುವ ವಿಡಿಯೋ ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿದೆ.

ಪ್ರವಾಸಿ ಎಂದು ಹೇಳಲಾದ ವ್ಯಕ್ತಿಯೊಬ್ಬ ತನ್ನ ಕಾಲಿನಿಂದ ಗೋಡೆಯ ಒಂದು ಭಾಗವನ್ನು ಉರುಳಿಸಿ ಕ್ಯಾಮರಾದಲ್ಲಿ ಘಟನೆಯನ್ನು ಚಿತ್ರೀಕರಿಸುವುದನ್ನು ತೋರಿಸುತ್ತದೆ. ಪಾರಂಪರಿಕ ತಾಣದ ಐತಿಹಾಸಿಕ ಗೋಡೆಯನ್ನು ಕ್ಷುಲ್ಲಕವಾಗಿ ಹಾನಿಗೊಳಿಸಿದ್ದು ವಿಡಿಯೋ ಚಿತ್ರೀಕರಣ ವೇಳೆ ವ್ಯಕ್ತಿ ತನ್ನ ಸ್ನೇಹಿತರೊಬ್ಬರೊಂದಿಗೆ ನಗುತ್ತಿದ್ದು ಯಾವುದೇ ವಿಷಾದವಿಲ್ಲದೆ ಸ್ಥಳದಿಂದ ದೂರ ಹೋಗುತ್ತಾನೆ.

ಈ ಕ್ಲಿಪ್ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟಿಜನ್‌ಗಳು ಈ ವಿಷಯವನ್ನು ಪರಿಶೀಲಿಸುವಂತೆ ತಿಳಿಸಿದ್ದಾರೆ. ಅಷ್ಟೇ ಅಲ್ಲದೇ ಜೈಸಲ್ಮೇರ್‌ನಲ್ಲಿರುವ ಪುರಾತತ್ತ್ವ ಶಾಸ್ತ್ರದ ಸ್ಥಳವಾಗಿರುವ ಗ್ರಾಮದಲ್ಲಿ ಹಾನಿಯನ್ನುಂಟು ಮಾಡಿದ್ದಕ್ಕಾಗಿ ಪ್ರವಾಸಿಗರ ವಿರುದ್ಧ ಅಗತ್ಯ ಕ್ರಮ ಕೈಗೊಳ್ಳುವಂತೆ ಪೊಲೀಸ್ ಅಧಿಕಾರಿಗಳಿಗೆ ಟ್ಯಾಗ್ ಮಾಡಿದ್ದಾರೆ.

ವ್ಯಕ್ತಿಯ ಸ್ವೀಕಾರಾರ್ಹವಲ್ಲದ ಕೃತ್ಯಕ್ಕಾಗಿ ದೂರು ದಾಖಲಿಸುವಂತೆ ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. ಜೈಸಲ್ಮೇರ್ ಎಸ್‌ಪಿ, ಜೈಸಲ್ಮೇರ್ ಅಭಿವೃದ್ಧಿ ಸಮಿತಿಗೆ ಪ್ರಕರಣದ ಬಗ್ಗೆ ಗಮನ ಹರಿಸಿ ಕೃತ್ಯದಲ್ಲಿ ಭಾಗಿಯಾಗಿರುವ ವ್ಯಕ್ತಿಗಳನ್ನು ಕಂಡುಹಿಡಿಯಲು ಕೇಳಿಕೊಂಡಿದ್ದಾರೆ ಎಂದು ವರದಿಯಾಗಿದೆ.

ಜೈಸಲ್ಮೇರ್‌ನಲ್ಲಿನ ಈ ಗ್ರಾಮವು ಶತಮಾನಗಳ ಹಿಂದಿನ ಇತಿಹಾಸವನ್ನು ಹೊಂದಿದೆ ಎಂದು ಹೇಳಲಾಗುತ್ತದೆ. ಅಲ್ಲಿ ಪಲಿವಾಲ್ ಬ್ರಾಹ್ಮಣ ಸಮುದಾಯದ ಹಲವಾರು ಜನರು ವಾಸಿಸುತ್ತಿದ್ದರು. ಆದಾಗ್ಯೂ ಜೈಸಲ್ಮೇರ್ ನಗರದಿಂದ ಸುಮಾರು 16 ಕಿ.ಮೀ ದೂರದಲ್ಲಿರುವ ಈ ಪ್ರದೇಶದಲ್ಲಿ ಇಂದು ಜನರು ವಾಸವಾಗಿಲ್ಲ. ರಾಜ್ಯ ಪ್ರವಾಸೋದ್ಯಮವು ಕುಲಧಾರವನ್ನು ರಾಜ್ಯ ಪುರಾತತ್ವ ಇಲಾಖೆಯ ಅಡಿಯಲ್ಲಿ ಸಂರಕ್ಷಿತ ಸ್ಮಾರಕವೆಂದು ಉಲ್ಲೇಖಿಸಿದ್ದು ಇದು ಜನಪ್ರಿಯ ಪ್ರವಾಸಿ ತಾಣವಾಗಿದೆ.

ಒಂದು ಕಾಲದಲ್ಲಿ ಈ ಗ್ರಾಮವು ಅನೇಕ ಕುಟುಂಬಗಳಿಗೆ ನೆಲೆಯಾಗಿತ್ತು, ಈಗ ಈ ಪ್ರದೇಶಕ್ಕೆ ಭೇಟಿ ನೀಡಿದಾಗ ಕುಲಧಾರದ ಅವಶೇಷಗಳನ್ನು ಮಾತ್ರ ನೋಡಬಹುದು.

https://twitter.com/dharmendra9226/status/1742518918470930900?ref_src=twsrc%5Etfw%7Ctwcamp%5Etweetembed%7Ctwterm%5E1742518918470930900%7Ctwgr%5E97d54b8ff39d0fc04ccdc63a961dc4a621958645%7Ctwcon%5Es1_&ref_url=https%3A%2F%2Fwww.freepressjournal.in%2Fviral%2Fkuldhara-viral-video-reckless-tourist-films-reel-while-damaging-historic-wall-at-rajasthans-heritage-site