ಯುವಜನತೆ ಇತ್ತೀಚಿಗೆ ಸಾರ್ವಜನಿಕವಾಗಿ ನೃತ್ಯ ಮಾಡೋದು ಸಾಮಾನ್ಯವಾಗಿಬಿಟ್ಟಿದೆ. ಅದೇ ರೀತಿ ಕೊಲ್ಕತ್ತಾದಲ್ಲಿ ಯುವತಿಯೊಬ್ಬಳು ಸಾರ್ವಜನಿಕವಾಗಿ ಕುಣಿದಿದ್ದು ಇದಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ರಯೀಸ್ ಚಿತ್ರದ ʼಲೈಲಾ ಮೇ ಲೈಲಾʼ ಹಾಡಿನ ಹುಕ್ ಸ್ಟೆಪ್‌ಗಳನ್ನು ಯುವತಿಯೊಬ್ಬರು ಹಾಕಿದ್ದಾರೆ. ಈ ವೈರಲ್ ಡ್ಯಾನ್ಸ್ ವೀಡಿಯೋದಲ್ಲಿ ಕೋಲ್ಕತ್ತಾದ ಹುಡುಗಿ ತನ್ನ ಲವಲವಿಕೆಯ ನೃತ್ಯವನ್ನು ಜನನಿಬಿಡ ಮಾರುಕಟ್ಟೆಯಲ್ಲಿ ಪ್ರದರ್ಶಿಸಿದ್ದಾಳೆ. ಆಕೆಯ ನೃತ್ಯ ಕೋಲ್ಕತ್ತಾದ ಮುಖ್ಯ ಮಾರುಕಟ್ಟೆಯ ಮುಂದೆ ನೆರೆದಿದ್ದ ಪ್ರೇಕ್ಷಕರನ್ನು ಆಕರ್ಷಿಸಿತು.
ಸಹೇಲಿ ರುದ್ರ ಅವರು ತಮ್ಮ ಈ ನೃತ್ಯದ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಡ್ಯಾನ್ಸ್ ವಿಡಿಯೋ ಕೆಲವೇ ಸಮಯದಲ್ಲಿ ವೈರಲ್ ಆಗಿದ್ದು, ತಕ್ಷಣ ಗಮನ ಸೆಳೆಯಿತು. ಅನೇಕ ಬಳಕೆದಾರರು ಆಕೆಯ ಶಕ್ತಿಯುತ ನೃತ್ಯವನ್ನು ಶ್ಲಾಘಿಸಿದರೆ, ಇತರರು ಮಿಶ್ರ ಪ್ರತಿಕ್ರಿಯೆ ನೀಡಿದ್ದಾರೆ.
Loading ...
