ಮಗಳ ನಿಶ್ಚಿತಾರ್ಥದಲ್ಲಿ ಪುಷ್ಪ-2 ಹಾಡಿಗೆ ಕುಣಿದು ಕುಪ್ಪಳಿಸಿದ ಮಾಜಿ ಸಿಎಂ’ಅರವಿಂದ್ ಕೇಜ್ರಿವಾಲ್’ ದಂಪತಿ |WATCH VIDEO

ದೆಹಲಿ: ದೆಹಲಿ ಮಾಜಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರ ಪುತ್ರಿ ಹರ್ಷಿತಾ ಅವರ ನಿಶ್ಚಿತಾರ್ಥ ಸಮಾರಂಭವು ಏಪ್ರಿಲ್ 17ರ ಗುರುವಾರ ರಾತ್ರಿ ದೆಹಲಿಯ ಶಾಂಗ್ರಿ-ಲಾ ಹೋಟೆಲ್‌ನಲ್ಲಿ ನಡೆಯಿತು. ಹರ್ಷಿತಾ ಮತ್ತು ಸಂಭವ ಜೈನ್ ದಂಪತಿಗಳು 2025ರ ಏಪ್ರಿಲ್ 18ರಂದು ವಿವಾಹವಾಗಲಿದ್ದು, ಮದುವೆಯ ಸಮಾರಂಭವು ದೆಹಲಿಯ ಕಪೂರ್ತಲಾ ಹೌಸ್‌ನಲ್ಲಿ ನಡೆಯಲಿದೆ.

ಈ ಖಾಸಗಿ ನಿಶ್ಚಿತಾರ್ಥ ಸಮಾರಂಭದ ವಿಶೇಷ ವಿಡಿಯೋಗಳು ನ್ಯೂಸ್ 24ಗೆ ಲಭ್ಯವಾಗಿದ್ದು, ಇದರಲ್ಲಿ ಕೇಜ್ರಿವಾಲ್ ಅವರು ತಮ್ಮ ಪತ್ನಿಯೊಂದಿಗೆ ಜನಪ್ರಿಯ ಪುಷ್ಪ 2 ಸಿನಿಮಾದ ‘ಅಂಗಾರೋನ್ ಕೆ ಅಂಬರ್ ಸಾ’ ಹಾಡಿಗೆ ಹೆಜ್ಜೆ ಹಾಕುತ್ತಿರುವುದು ಕಂಡುಬಂದಿದೆ. ಮತ್ತೊಂದು ವಿಡಿಯೋದಲ್ಲಿ ಪಂಜಾಬ್ ಮುಖ್ಯಮಂತ್ರಿ ಭಗವಂತ್ ಮಾನ್ ಅವರು ತಮ್ಮ ಪತ್ನಿಯೊಂದಿಗೆ ನೃತ್ಯ ಮಾಡುತ್ತಿರುವುದು ಕಂಡುಬಂದಿದೆ.

ಹರ್ಷಿತಾ ಅವರು ಇತ್ತೀಚೆಗೆ ಆಪ್ತ ಕುಟುಂಬಸ್ಥರು ಮತ್ತು ಸ್ನೇಹಿತರ ಸಮ್ಮುಖದಲ್ಲಿ ಸಂಭವ ಜೈನ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡರು. ನಿಶ್ಚಿತಾರ್ಥ ಮತ್ತು ಸಂಗೀತ ಸಮಾರಂಭಗಳು ಖಾಸಗಿಯಾಗಿ ನಡೆದವು. ಸಂಭವ ಜೈನ್ ಅವರು ಖಾಸಗಿ ಕಂಪನಿಯೊಂದರಲ್ಲಿ ಪ್ರಾಜೆಕ್ಟ್ ಮ್ಯಾನೇಜ್‌ಮೆಂಟ್ ಕನ್ಸಲ್ಟೆಂಟ್ ಆಗಿ ಕೆಲಸ ಮಾಡುತ್ತಿದ್ದಾರೆ.