ವಾಸ್ತುಶಾಸ್ತ್ರದಲ್ಲಿ ನಿದ್ರೆಗೂ ಅನೇಕ ನಿಯಮಗಳಿವೆ. ಈ ಕ್ರಮಗಳನ್ನು ಅನುಸರಿಸಿದರೆ ಸಂಪತ್ತು ಮತ್ತು ಸಮೃದ್ಧಿಯನ್ನು ಆಕರ್ಷಸಬಹುದು. ಇದಕ್ಕಾಗಿ ಮಲಗುವ ಸಮಯದಲ್ಲಿ ಹಾಸಿಗೆಯ ಪಕ್ಕದಲ್ಲಿ ಕೆಲವು ವಿಶೇಷ ವಸ್ತುಗಳನ್ನು ಇರಿಸಬೇಕು. ಇದು ಅನೇಕ ಸಮಸ್ಯೆಗಳನ್ನು ನಿವಾರಿಸುತ್ತದೆ ಮತ್ತು ಆರ್ಥಿಕ ಲಾಭವನ್ನು ತರುತ್ತದೆ.
ಹಾಲು
ಪದೇ ಪದೇ ಹಣಕಾಸಿನ ಮುಗ್ಗಟ್ಟು ಅಥವಾ ಆರ್ಥಿಕ ನಷ್ಟವನ್ನು ಎದುರಿಸುತ್ತಿದ್ದರೆ ರಾತ್ರಿ ಹಾಸಿಗೆಯ ಪಕ್ಕದಲ್ಲಿ ಒಂದು ಲೋಟ ಹಾಲು ಇಟ್ಟುಕೊಂಡು ಮಲಗಿಕೊಳ್ಳಿ. ಮರುದಿನ ಆ ಹಾಲನ್ನು ಅಕೇಶಿಯಾ ಮರಕ್ಕೆ ಅರ್ಪಿಸಿ. 7 ಭಾನುವಾರಗಳ ಕಾಲ ಈ ರೀತಿ ಮಾಡಿದರೆ ಆರ್ಥಿಕ ಸಮಸ್ಯೆ ನಿವಾರಣೆಯಾಗುತ್ತದೆ.
ಚಾಕು
ರಾತ್ರಿ ಇದ್ದಕ್ಕಿದ್ದಂತೆ ನಿದ್ರೆಯಿಂದ ಎಚ್ಚರಗೊಂಡರೆ ಅಥವಾ ದುಃಸ್ವಪ್ನ ಕಂಡರೆ ಅದಕ್ಕೂ ಪರಿಹಾರವಿದೆ. ಕಬ್ಬಿಣದ ಚಾಕು ಅಥವಾ ಇನ್ನಾವುದೇ ಚೂಪಾದ ಕಬ್ಬಿಣದ ವಸ್ತುವನ್ನು ದಿಂಬಿನ ಕೆಳಗೆ ಇರಿಸಿಕೊಳ್ಳಿ. ಇದರಿಂದ ದುಃಸ್ವಪ್ನಗಳು ಬರುವುದಿಲ್ಲ. ನಿದ್ರೆಗೆ ತೊಂದರೆಯಾಗುವುದಿಲ್ಲ.
ಬೆಳ್ಳುಳ್ಳಿ
ಮನೆಯಲ್ಲಿ ನಕಾರಾತ್ಮಕತೆ ಇದ್ದರೆ ಅಥವಾ ನಕಾರಾತ್ಮಕ ಆಲೋಚನೆಗಳಿಂದ ತೊಂದರೆಗೀಡಾಗಿದ್ದರೆ ದಿಂಬಿನ ಕೆಳಗೆ ಬೆಳ್ಳುಳ್ಳಿಯನ್ನು ಇಟ್ಟುಕೊಂಡು ಮಲಗಬೇಕು. ಬೆಳ್ಳುಳ್ಳಿಯ ವಾಸನೆ ಹಿತವೆನಿಸದೇ ಇದ್ದರೆ ಅದನ್ನು ಜೇಬಿನಲ್ಲಿ ಇಟ್ಟುಕೊಂಡು ಮಲಗಬಹುದು. ಇದರಿಂದ ಚೆನ್ನಾಗಿ ನಿದ್ರೆ ಬರುತ್ತದೆ ಮತ್ತು ನಕಾರಾತ್ಮಕತೆ ದೂರವಾಗುತ್ತದೆ.
ನಾಣ್ಯ ಮತ್ತು ಉಪ್ಪು
ಅನಾರೋಗ್ಯದಿಂದ ಮುಕ್ತಿ ಪಡೆಯಲು ಪೂರ್ವ ದಿಕ್ಕಿಗೆ ತಲೆಯಿಟ್ಟು ಮಲಗಬೇಕು, ದಿಂಬಿನ ಕೆಳಗೆ ನಾಣ್ಯವನ್ನು ಇಟ್ಟುಕೊಳ್ಳಿ. ಮಲಗುವ ಕೋಣೆಯಲ್ಲಿ ಗಾಜಿನ ಬಟ್ಟಲಿನಲ್ಲಿ ಕಲ್ಲು ಉಪ್ಪನ್ನು ಸಹ ಇರಿಸಿ. ಪ್ರತಿ ವಾರ ಬಟ್ಟಲಿನಲ್ಲಿರುವ ಉಪ್ಪನ್ನು ಬದಲಾಯಿಸಿ.
ಹಸಿರು ಏಲಕ್ಕಿ
ಮಲಗುವಾಗ ದಿಂಬಿನ ಕೆಳಗೆ ಹಸಿರು ಏಲಕ್ಕಿ ಇಡುವುದು ಕೂಡ ತುಂಬಾ ಒಳ್ಳೆಯದು. ಇದು ಶುಭ ಫಲಿತಾಂಶಗಳನ್ನು ನೀಡುತ್ತದೆ. ಇದರಿಂದ ಆಳವಾದ ನಿದ್ರೆಯನ್ನು ಪಡೆಯಬಹುದು.
ಸೋಂಪು
ಜಾತಕದಲ್ಲಿ ರಾಹುದೋಷವಿದ್ದರೆ ರಾತ್ರಿ ದಿಂಬಿನ ಕೆಳಗೆ ಸೋಂಪು ಕಾಳುಗಳನ್ನು ಇಟ್ಟು ಮಲಗಿ. ಇದರಿಂದ ರಾಹುವಿನ ದುಷ್ಪರಿಣಾಮಗಳು ದೂರವಾಗುತ್ತವೆ. ದುಃಸ್ವಪ್ನಗಳು ಬರುವುದಿಲ್ಲ. ಮಾನಸಿಕ ಆರೋಗ್ಯ ಚೆನ್ನಾಗಿರುತ್ತದೆ.
Loading ...
