ಹಮಾಸ್ ವಿರುದ್ಧ ʼಐರನ್ ಬೀಮ್ʼ ಬಳಸುತ್ತಿದೆಯೇ ಇಸ್ರೇಲ್ ? ಇಲ್ಲಿದೆ ಈ ಕ್ಷಿಪಣಿ ಕುರಿತ ಮಾಹಿತಿ

ಇಸ್ರೇಲ್ ತನ್ನ ಹೊಸ ಲೇಸರ್ ಆಧಾರಿತ ಐರನ್ ಮ್ಯಾನ್ ಕ್ಷಿಪಣಿ ರಕ್ಷಣಾ ವ್ಯವಸ್ಥೆಯನ್ನು ಹಮಾಸ್ ಉಗ್ರಗಾಮಿಗಳೊಂದಿಗಿನ ಯುದ್ಧದಲ್ಲಿ ಪರೀಕ್ಷಿಸುತ್ತಿದೆ ಎನ್ನಲಾಗಿದೆ.

ಗಾಜಾದಲ್ಲಿ ಇಸ್ರೇಲ್ ಮತ್ತು ಹಮಾಸ್ ಭಯೋತ್ಪಾದಕರ ನಡುವೆ ವಾಯುದಾಳಿಗಳ ಮಧ್ಯೆ, ಹಮಾಸ್ ಮೇಲೆ ಸಂಪೂರ್ಣ ದಾಳಿ ನಡೆಸಲು ಇಸ್ರೇಲಿ ರಕ್ಷಣಾ ಪಡೆಗಳು ತಮ್ಮ ಐರನ್ ಬೀಮ್ ಕ್ಷಿಪಣಿಗಳನ್ನು ಪರೀಕ್ಷಿಸುತ್ತಿವೆ ಎಂದು ಹೇಳಲಾಗುವ ಹಲವಾರು ವಿಡಿಯೋಗಳು ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿವೆ.

ಕಳೆದ ವರ್ಷ ಜುಲೈನಲ್ಲಿ ಇಸ್ರೇಲ್ ತನ್ನ ಲೇಸರ್ ಕ್ಷಿಪಣಿ ರಕ್ಷಣಾ ಪರೀಕ್ಷೆಯನ್ನು ನಡೆಸಿತ್ತು. ಪರೀಕ್ಷೆಯ ಸಮಯದಲ್ಲಿ, ಐರನ್ ಬೀಮ್ ಮಾರ್ಟರ್‌ಗಳು, ರಾಕೆಟ್‌ಗಳು ಮತ್ತು ಟ್ಯಾಂಕ್ ವಿರೋಧಿ ಕ್ಷಿಪಣಿಗಳನ್ನು ಪ್ರತಿಬಂಧಿಸಿತು ಎಂದು ರಕ್ಷಣಾ ಸಚಿವ ಬೆನ್ನಿ ಗ್ಯಾಂಟ್ಜ್ ಆ ವೇಳೆ ಹೇಳಿದ್ದರು.

ಇಸ್ರೇಲಿ-ನಿರ್ಮಿತ ಲೇಸರ್ ವ್ಯವಸ್ಥೆಯನ್ನು ದುಬಾರಿ ಐರನ್ ಡೋಮ್‌ನಂತಹ ವೈಮಾನಿಕ ರಕ್ಷಣಾ ವ್ಯವಸ್ಥೆಗಳ ಸರಣಿಗೆ ಪೂರಕವಾಗಿ ವಿನ್ಯಾಸಗೊಳಿಸಲಾಗಿದೆ. ಗಾಜಾದಲ್ಲಿ ಹಮಾಸ್ ಮತ್ತು ಹೆಜ್ಬೊಲ್ಲಾದೊಂದಿಗಿನ ಅದರ ಪ್ರಸ್ತುತ ಹೋರಾಟದಲ್ಲಿ ಬಳಸಲಾಗುತ್ತಿದೆ ಎಂದು ವರದಿಯಾಗಿದೆ.

ಕ್ಷಿಪಣಿ ಸಂಗ್ರಹದಲ್ಲಿ ಕಡಿಮೆಯಿದೆ ಎಂಬ ಆತಂಕದ ನಡುವೆ ಇಸ್ರೇಲ್, ಹಮಾಸ್ ವಿರುದ್ಧ ತನ್ನ ಶಸ್ತ್ರಾಗಾರದ ಭಾಗವಾಗಿ ಐರನ್ ಬೀಮ್‌ಗಳನ್ನು ಬಳಸಿದೆ ಎನ್ನಲಾಗಿದೆ. ಹಮಾಸ್ ಉಗ್ರಗಾಮಿಗಳು ಇಸ್ರೇಲ್ ಮೇಲೆ ಮಿಲಿಟರಿ ದಾಳಿಯನ್ನು ಪ್ರಾರಂಭಿಸಿದಾಗಿನಿಂದ, ದೇಶವು ತನ್ನ ನಗರಗಳನ್ನು ಸುರಕ್ಷಿತವಾಗಿಡಲು ಐರನ್ ಡೋಮ್ ರಕ್ಷಣಾ ಕಾರ್ಯವಿಧಾನದ ಮೇಲೆ ಹೆಚ್ಚು ಅವಲಂಬಿತವಾಗಿದೆ.

ಇಸ್ರೇಲ್‌ನ ಐರನ್ ಬೀಮ್ ಮಿಸೈಲ್‌ಗಳ ಬಗ್ಗೆ ತಿಳಿದುಕೊಳ್ಳಬೇಕಾದದ್ದು ಏನು ?

– ಐರನ್ ಬೀಮ್, 100kW ವರ್ಗದ ಹೈ ಎನರ್ಜಿ ಲೇಸರ್ ವೆಪನ್ ಸಿಸ್ಟಮ್. ರಾಕೆಟ್‌ಗಳು, ಆರ್ಟಿಲರಿ, ಮೋರ್ಟಾರ್‌ಗಳು ಮತ್ತು ಯುಎವಿ ಗಳನ್ನು ಒಳಗೊಂಡಿದ್ದು, ಇದನ್ನು ಕೆಲವು ನೂರು ಮೀಟರ್‌ಗಳಿಂದ ಹಲವಾರು ಕಿಲೋಮೀಟರ್‌ಗಳವರೆಗೆ ಪ್ರತಿಬಂಧಿಸಲು ವಿನ್ಯಾಸಗೊಳಿಸಲಾಗಿದೆ. ಇದು ತನ್ನ ವರ್ಗದಲ್ಲಿ ಮೊದಲ ಕಾರ್ಯಾಚರಣಾ ವ್ಯವಸ್ಥೆಯಾಗುವ ನಿರೀಕ್ಷೆಯಿದೆ.

– ರಾಫೆಲ್ ಅಡ್ವಾನ್ಸ್ಡ್ ಡಿಫೆನ್ಸ್ ಸಿಸ್ಟಮ್ಸ್ ನಿರ್ಮಿಸಿದ, ಐರನ್ ಬೀಮ್ ಶಕ್ತಿ ಶಸ್ತ್ರಾಸ್ತ್ರ ವಾಯು-ರಕ್ಷಣಾ ವ್ಯವಸ್ಥೆಯಾಗಿದೆ. ಇದನ್ನು ಮೊದಲ ಬಾರಿಗೆ 2014ರಲ್ಲಿ ಅನಾವರಣಗೊಳಿಸಲಾಯಿತು. ಹಮಾಸ್ ವಿರುದ್ಧದ ಪ್ರಸ್ತುತ ಬಿಕ್ಕಟ್ಟಿನಲ್ಲಿ ಇಸ್ರೇಲ್ ಬಳಸಿದೆ ಎಂದು ಹೇಳಲಾಗುತ್ತಿದೆ. ಹೀಗಾಗಿ ಇದೇ ಮೊದಲ ಬಾರಿಗೆ ಸೇವೆಗೆ ಪ್ರವೇಶಿಸಿದೆ.

– ಐರನ್ ಬೀಮ್ ಅನ್ನು ಐರನ್ ಡೋಮ್ ಕ್ಷಿಪಣಿ ರಕ್ಷಣಾ ವ್ಯವಸ್ಥೆಯೊಂದಿಗೆ ಕೆಲಸ ಮಾಡಲು ಅಗ್ಗದ ಮತ್ತು ಹೆಚ್ಚು ಹೊಂದಿಕೊಳ್ಳುವ ಪರ್ಯಾಯವೆಂದು ಪರಿಗಣಿಸಲಾಗಿದೆ.

– ಐರನ್ ಬೀಮ್ ಚಿಕ್ಕದಾದ ಮತ್ತು ಹಗುರವಾದ ಕ್ಷಿಪಣಿ ವ್ಯವಸ್ಥೆಯನ್ನು ಹೊಂದಿದ್ದರೂ, ಅದು ಚಲಿಸಲು ಮತ್ತು ಮರೆಮಾಡಲು ಸುಲಭವಾಗಿಸುತ್ತದೆ.

– ಸೂಕ್ತವಾದ ಪರಿಸ್ಥಿತಿಗಳಲ್ಲಿಯೂ ಸಹ, ಗುರಿಯನ್ನು ಹೊಡೆಯುವ ಮೊದಲು ಲೇಸರ್ ತನ್ನ ಸಂಭಾವ್ಯ ಶಕ್ತಿಯ ಶೇ. 30 ರಿಂದ 40 ರಷ್ಟನ್ನು ವಾತಾವರಣದ ತೇವಾಂಶಕ್ಕೆ ಕಳೆದುಕೊಳ್ಳುತ್ತದೆ.

https://twitter.com/Neurographx/status/1713649867782799601?ref_src=twsrc%5Etfw%7Ctwcamp%5Etweetembed%7Ctwterm%5E17136

Share This Article

Latest News

ಬಸನಗೌಡ ಪಾಟೀಲ್ ಯತ್ನಾಳ್ ಉಚ್ಚಾಟನೆಯಿಂದ ಬಿಜೆಪಿಗೆ ಹಿನ್ನಡೆಯಾಗುತ್ತದಾ ?

View Results

Loading ... Loading ...

Most Read