ಕ್ರಿಶ್ಚಿಯನ್ ಧರ್ಮವನ್ನು ಪ್ರಚಾರ ಮಾಡಲು ತೆರಳಿದ್ದ ಭಾರತೀಯರ ಗುಂಪೊಂದು ಅವಮಾನಕರ ಪರಿಸ್ಥಿತಿಯನ್ನು ಎದುರಿಸಿದೆ. ನೇಪಾಳದಲ್ಲಿ ಅವರ ಮುಖಕ್ಕೆ ಮಸಿ ಬಳಿದು ದೌರ್ಜನ್ಯ ನಡೆಸಲಾಗಿದೆ. ಕನಿಷ್ಠ 50 ಜನರಿಗೆ ಈ ರೀತಿ ಮಾಡಿದ್ದು, ಅವರು ತೀವ್ರ ಅವಮಾನಕ್ಕೆ ಒಳಗಾಗಿದ್ದಾರೆ.
ನೇಪಾಳ ಪೊಲೀಸರ ಪ್ರಕಾರ ಧಾರ್ಮಿಕ ಮತಾಂತರದ ಉದ್ದೇಶದಿಂದ ಭಾರತೀಯರ ಗುಂಪು ನೇಪಾಳದ ಮಹೇಶ್‌ಪುರಕ್ಕೆ ಎರಡು ಬಸ್ಸುಗಳಲ್ಲಿ ಪ್ರಯಾಣ ಬೆಳೆಸಿತ್ತು. ಅವರೆಲ್ಲಾ ಕ್ರಿಶ್ಚಿಯನ್ ಮಿಷನರಿ ಗುಂಪುಗಳ ಸದಸ್ಯರಾಗಿದ್ದರು. ನೇಪಾಳದಲ್ಲಿ ಕ್ರಿಶ್ಚಿಯನ್ ಧರ್ಮವನ್ನು ಪ್ರಚಾರ ಮಾಡುವುದು ಅವರ ಗುರಿಯಾಗಿತ್ತು.
ಈ ಉದ್ದೇಶದಿಂದ ಅವರು ನೇಪಾಳಕ್ಕೆ ಪ್ರಯಾಣಿಸಿದ್ದರು. ಭಾರತದಿಂದ ನೇಪಾಳಕ್ಕೆ ಪ್ರಯಾಣಿಸಲು ವೀಸಾ ಅಗತ್ಯವಿಲ್ಲ ಮತ್ತು ಕನಿಷ್ಠ ನಿರ್ಬಂಧಗಳು ಇರುವುದರಿಂದ ಅವರು ಸುಲಭವಾಗಿ ಗಡಿ ದಾಟಿದ್ದರು. ಆದರೆ ಅವರು ಯೋಜಿಸಿದಂತೆ ಪರಿಸ್ಥಿತಿ ಎದುರಾಗಲಿಲ್ಲ. ಜನರನ್ನು ಮತಾಂತರಗೊಳಿಸಲು ಪ್ರಯತ್ನಿಸುವಾಗ ಅವರು ತೀವ್ರ ವಿರೋಧ ಎದುರಿಸಿದರು. ಸ್ಥಳೀಯ ನಿವಾಸಿಗಳು ಅವರ ಮುಖಕ್ಕೆ ಮಸಿ ಬಳಿದರು. ಪೊಲೀಸರು ಮಧ್ಯಪ್ರವೇಶಿಸಿ ಅವರನ್ನು ರಕ್ಷಿಸಿ ಭಾರತಕ್ಕೆ ಕಳುಹಿಸಿದ್ದಾರೆ.
Loading ...
