ವಾಷಿಂಗ್ಟನ್: ಅಮೆರಿಕದಲ್ಲಿ ಮತ್ತೊಬ್ಬ ಭಾರತೀಯನನ್ನು ಬರ್ಬರವಾಗಿ ಕೊಲೆ ಮಾಡಲಾಗಿದೆ. ಚಂದ್ರಮೌಳಿ ನಾಗಮಲ್ಲಯ್ಯ(50) ಅವರನ್ನು ಕೊಲೆ ಮಾಡಲಾಗಿದೆ.
ಪತ್ನಿ, ಮಗನ ಮುಂದೆ ಚಂದ್ರಮೌಳಿಯ ತಲೆ ಕಡಿದು ಹತ್ಯೆ ಮಾಡಲಾಗಿದೆ. ಆರೋಪಿ ಮಾರ್ಟಿನೆಜ್ ಎಂಬಾತ ವಿಕೃತಿ ಮೆರೆದಿದ್ದು, ಚಂದ್ರಮೌಳಿಯ ತಲೆ ಕಡಿದು ತಲೆಯನ್ನು ಕಾಲಿನಿಂದ ಒದ್ದಿದ್ದಾನೆ. ಆರೋಪಿ ಮಾರ್ಟಿನೆಜ್ ನನ್ನು ಡಲ್ಲಾಸ್ ಪೊಲೀಸರು ಬಂಧಿಸಿದ್ದಾರೆ.
ಅಮೆರಿಕದ ಮೋಟೆಲ್‌ನಲ್ಲಿ ನಡೆದ ವಾಗ್ವಾದದ ನಂತರ ಭಾರತೀಯ ಮೂಲದ ವ್ಯಕ್ತಿಯ ಮೇಲೆ ಹಲ್ಲೆ ನಡೆಸಿ, ಮಚ್ಚಿನಿಂದ ಶಿರಚ್ಛೇದ ಮಾಡಲಾಗಿದೆ. ಸೆಪ್ಟೆಂಬರ್ 10 ರಂದು ಡಲ್ಲಾಸ್ ಮೋಟೆಲ್‌ನಲ್ಲಿ ನಡೆದ ಆಘಾತಕಾರಿ ದಾಳಿಯಲ್ಲಿ ಭಾರತೀಯ ಮೂಲದ ವ್ಯಕ್ತಿಯೊಬ್ಬ ಕ್ರೂರವಾಗಿ ಕೊಲ್ಲಲ್ಪಟ್ಟರು ಎಂದು ಪೊಲೀಸರು ತಿಳಿಸಿದ್ದಾರೆ. ಹಿಂಸಾತ್ಮಕ ವಿವಾದದಲ್ಲಿ ಬಲಿಪಶುವನ್ನು 50 ವರ್ಷದ ಚಂದ್ರಮೌಳಿ ನಾಗಮಲ್ಲಯ್ಯ ಎಂದು ಗುರುತಿಸಲಾಗಿದ್ದು, ಅವರ ಪತ್ನಿ ಮತ್ತು ಮಗನ ಮುಂದೆಯೇ ಶಿರಚ್ಛೇದ ಮಾಡಲಾಗಿದೆ.
ಟೆಕ್ಸಾಸ್‌ನ ಟೆನಿಸನ್ ಗಾಲ್ಫ್ ಕೋರ್ಸ್ ಬಳಿ ಇಂಟರ್‌ಸ್ಟೇಟ್ 30 ರ ದೂರದಲ್ಲಿರುವ ಡೌನ್‌ಟೌನ್ ಸೂಟ್ಸ್ ಮೋಟೆಲ್‌ನಲ್ಲಿ ಈ ದಾಳಿ ನಡೆದಿದೆ.
ಡಲ್ಲಾಸ್ ಪೊಲೀಸರು ಯೋರ್ಡಾನಿಸ್ ಕೋಬೋಸ್-ಮಾರ್ಟಿನೆಜ್‌ನನ್ನು ಕೊಲೆಯ ಶಂಕಿತ ಎಂದು ಹೆಸರಿಸಿದ್ದಾರೆ. ಆತನನ್ನು ಬಂಧಿಸಿ ಮರಣದಂಡನೆ ಆರೋಪ ಹೊರಿಸಲಾಗಿದೆ.
Loading ...
