ಬೆಂಗಳೂರು : ನೀವೆಲ್ಲೇ ಹೋದ್ರೂ ನಿಮ್ಮ ಪಕ್ಕದಲ್ಲಿ ನೆರಳು ಹಿಂಬಾಲಿಸುತ್ತದೆ ಅಲ್ಲವೇ? ಆಗಸ್ಟ್ 18 ರ ಇಂದು ನಡೆಯಲಿರುವ ಆಸಕ್ತಿದಾಯಕ ವಿದ್ಯಮಾನದಲ್ಲಿ ನಿಮ್ಮ ನೆರಳು ನಿಕಟವಾಗಿ ಕಣ್ಮರೆಯಾಗುತ್ತದೆ. ಈ ಖಗೋಳ ಘಟನೆಯನ್ನು ಶೂನ್ಯ ನೆರಳು ದಿನ ಎಂದು ಕರೆಯಲಾಗುತ್ತದೆ. ಅಲ್ಲದೆ, ಶುಕ್ರವಾರದ ಘಟನೆಗೆ ಪ್ರತಿ ನಗರ ಅಥವಾ ಇಡೀ ಜಗತ್ತು ಸಾಕ್ಷಿಯಾಗುವುದಿಲ್ಲ. ಆದರೆ, ಬೆಂಗಳೂರು ಇದಕ್ಕೆ ಎರಡನೇ ಬಾರಿಗೆ ಸಾಕ್ಷಿಯಾಗಲಿದೆ.
ಶೂನ್ಯ ನೆರಳು ದಿನ ಎಂದರೇನು ?
ಶೂನ್ಯ ನೆರಳಿನ ದಿನದಂದು ಸೂರ್ಯ ನೇರವಾಗಿ ನಮ್ಮ ತಲೆಯ ಮೇಲೆ ಇರುತ್ತಾನೆ. ಈ ಸಮಯದಲ್ಲಿ ಭೂಮಿಯ ಮೇಲ್ಮೈಯಲ್ಲಿ ಯಾವುದೇ ನೆರಳು ಕಾಣಿಸದು. ಸೂರ್ಯನು ಆಕಾಶದಲ್ಲಿ ತನ್ನ ಅತ್ಯಧಿಕ ಎತ್ತರಕ್ಕೆ ತಲುಪುವಾಗ ಮತ್ತು ನಮ್ಮ ಮೇಲೆ ನೇರವಾಗಿ ಇರುವಾಗ ಈ ವಿದ್ಯಮಾನ ಸಂಭವಿಸುತ್ತದೆ. ದಕ್ಷಿಣಾಯನ ಹಾಗೂ ಉತ್ತರಾಯಣದಲ್ಲಿ ತಲಾ 1 ಬಾರಿ ಶೂನ್ಯ ನೆರಳಿನ ದಿನ ಬರುತ್ತದೆ.
ಇದು ಯಾವಾಗ ಸಂಭವಿಸುತ್ತದೆ ?
ಇಂದು, ಈ ಖಗೋಳ ವಿಸ್ಮಯವನ್ನು ಕಣ್ತುಂಬಿಕೊಳ್ಳಲು ಮಧ್ಯಾಹ್ನದ ಸಮಯದಲ್ಲಿ ಆಚೆ ಬನ್ನಿ. ಇದನ್ನು ಸೆರೆಹಿಡಿಯಲು ಮತ್ತು ವೀಕ್ಷಿಸಲು ನಿಖರವಾದ ಸಮಯ ಮಧ್ಯಾಹ್ನ 12.17 ಎಂದು ಹೇಳಲಾಗುತ್ತಿದೆ.
ಹಾಗಂತ ಬೆಂಗಳೂರಿನಲ್ಲಿ ಇದೇ ಮೊದಲ ಬಾರಿ ಶೂನ್ಯ ನೆರಳಿನ ದಿನ ಸಂಭವಿಸುತ್ತಿರುವುದ್ದಲ್ಲ. ಈ ವರ್ಷದ ಆರಂಭದಲ್ಲಿ ಏಪ್ರಿಲ್‌ನಲ್ಲಿ ಬೆಂಗಳೂರು ಶೂನ್ಯ ನೆರಳು ದಿನವನ್ನು ಆಚರಿಸಿತು. ಆಗಸ್ಟ್ 3 ರಂದು, ಹೈದರಾಬಾದ್ ನಲ್ಲಿ ಈ ವಿಸ್ಮಯ ಸಂಭವಿಸಿದೆ. ಮಧ್ಯಾಹ್ನ 12.23ರ ಸುಮಾರಿಗೆ ಸೂರ್ಯನು ನಿಖರವಾಗಿ ಮೇಲಿರುವಾಗ, ನೆರಳುಗಳು ನೆಲದ ಮೇಲೆ ಬೀಳಲಿಲ್ಲ.
https://twitter.com/shivomarts/status/1650932215151460352?ref_src=twsrc%5Etfw%7Ctwcamp%5Etweetembed%7Ctwterm%5E1650932215151460352%7Ctwgr%5Ed17c251cc7ebb541104f9cd953249f7ca2d9ef33%7Ctwcon%5Es1_&ref_url=https%3A%2F%2Fwww.freepressjournal.in%2Fviral%2Fwhat-and-when-is-zero-shadow-day-this-indian-city-is-witnessing-the-astro-event-for-second-time-in-2023
https://twitter.com/FaizBaig/status/1655833983522058241?ref_src=twsrc%5Etfw%7Ctwcamp%5Etweetembed%7Ctwterm%5E1655833983522058241%7Ctwgr%5Ed17c251cc7ebb541104f9cd953249f7ca2d9ef33%7Ctwcon%5Es1_&ref_url=https%3A%2F%2Fwww.freepressjournal.in%2Fviral%2Fwhat-and-when-is-zero-shadow-day-this-indian-city-is-witnessing-the-astro-event-for-second-time-in-2023
Loading ...
