“ದಿ ಲಿವರ್ ಡಾಕ್” ಎಂದೇ ಕರೆಯಲ್ಪಡುವ ಡಾ ಅಬೆ ಫಿಲಿಪ್ ಹಂಚಿಕೊಂಡ ಇತ್ತೀಚಿನ ಚಿತ್ರವೊಂದು ಸಾಮಾಜಿಕ ಮಾಧ್ಯಮ ಬಳಕೆದಾರರನ್ನು ದಿಗ್ಭ್ರಮೆಗೊಳಿಸಿದೆ. ಜೊತೆಗೆ ಮಧ್ಯಮ ಪ್ರಮಾಣದಲ್ಲಿಯೂ ಸಹ ಆಲ್ಕೊಹಾಲ್ ಸೇವನೆಯ ಅಪಾಯಗಳ ಕುರಿತು ದೊಡ್ಡ ಮಟ್ಟದ ಚರ್ಚೆಯನ್ನು ಹುಟ್ಟುಹಾಕಿದೆ.
ಡಾ ಫಿಲಿಪ್ ಎರಡು ಗಮನಾರ್ಹ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ: ಒಂದು ವಾರಕ್ಕೊಮ್ಮೆ ಮದ್ಯಪಾನ ಮಾಡಿದ ವ್ಯಕ್ತಿಯ ಯಕೃತ್ತನ್ನು ತೋರಿಸುತ್ತದೆ ಮತ್ತು ಇನ್ನೊಂದು ಅವನ ಹೆಂಡತಿಯ ಆರೋಗ್ಯಕರ ಯಕೃತ್ತನ್ನು ತೋರಿಸುತ್ತದೆ. ವಾರಾಂತ್ಯದಲ್ಲಿ ಆಲ್ಕೋಹಾಲ್ ಸೇವಿಸಿದ ವ್ಯಕ್ತಿಯ ಯಕೃತ್ತಿನಲ್ಲಿ ತೀವ್ರತರನಾದ ಹಾನಿಯನ್ನು ಗುರುತಿಸಲಾಗಿದೆ, ಆದರೆ ಮದ್ಯಪಾನ ಮಾಡಿದ ಅವನ ಪತ್ನಿಯ ಯಕೃತ್ತು ಗುಲಾಬಿ ಬಣ್ಣದಲ್ಲಿ ಮತ್ತು ಆರೋಗ್ಯಕರವಾಗಿ ಕಾಣಿಸಿಕೊಂಡಿದೆ.
ಎರಡು ಯಕೃತ್ತುಗಳ ನಡುವಿನ ಸಂಪೂರ್ಣ ವ್ಯತ್ಯಾಸ ವೈದ್ಯರು ಮತ್ತು ಸಾರ್ವಜನಿಕರನ್ನು ಸಮಾನವಾಗಿ ಶಾಕ್‌ ಆಗಿಸಿದೆ. ಆಲ್ಕೊಹಾಲ್ಯುಕ್ತ ವ್ಯಕ್ತಿಯ ಯಕೃತ್ತು ತೀವ್ರವಾಗಿ ಹಾನಿಗೊಳಗಾದಂತೆ ತೋರುತ್ತಿದ್ದು, ಆಲ್ಕೋಹಾಲ್ ಸೇವನೆಯ ಸಂಭವನೀಯ ಅಪಾಯಗಳ ಕುರಿತು ಸಾರ್ವಜನಿಕರಿಗೆ ಎಚ್ಚರಿಕೆ ನೀಡಲು ಡಾ ಫಿಲಿಪ್ ಅವರನ್ನು ಪ್ರೇರೇಪಿಸಿದೆ. ಸಣ್ಣ ಪ್ರಮಾಣದಲ್ಲಿ ವಾರಕ್ಕೊಮ್ಮೆ ಕುಡಿಯುವುದೂ ಕೂಡ ಯಕೃತ್ತಿನ ಆರೋಗ್ಯದ ಮೇಲೆ ತೀವ್ರ ಪರಿಣಾಮ ಬೀರುತ್ತದೆ ಎಂಬ ಅಂಶವನ್ನು ಅವರು ಒತ್ತಿ ಹೇಳಿದ್ದಾರೆ.
32 ವರ್ಷ ವಯಸ್ಸಿನ ಈ ವ್ಯಕ್ತಿಯ ಯಕೃತ್ತು (ಲಿವರ್) ಹಾನಿಗೊಳಗಾಗಿದ್ದ ಕಾರಣ ಆತನ ಪತ್ನಿ ಯಕೃತ್ತಿನ ಒಂದು ಭಾಗವನ್ನು ದಾನ ಮಾಡಿದ್ದಳು. ಈ ಕುರಿತು ಪೋಸ್ಟ್‌ ಹಾಕಿರುವ ಡಾ. ಫಿಲಿಪ್ “ಕೇವಲ 32 ವರ್ಷ ವಯಸ್ಸಿನ, ‘ವಾರಾಂತ್ಯದಲ್ಲಿ ಮಾತ್ರ’ ಮದ್ಯಪಾನ ಮಾಡುವ ವ್ಯಕ್ತಿಯ ಯಕೃತ್ತಿನ ಒಳಭಾಗವನ್ನು ಮತ್ತು ಅವನು ಸ್ವೀಕರಿಸಿದ ಅವನ ಹೆಂಡತಿಯ ಆರೋಗ್ಯಕರ ಯಕೃತ್ತನ್ನು ತೋರಿಸಲು ಬಯಸಿದ್ದೇನೆ, ಅದು ಅವರ ಪುಟ್ಟ ಮಗಳು ಬೆಳೆಯುವುದನ್ನು ನೋಡಲು ಅವನಿಗೆ ಬದುಕಲು ಸಹಾಯ ಮಾಡುತ್ತದೆ” ಎಂದು ಬರೆದಿದ್ದಾರೆ.
ಸಾಂದರ್ಭಿಕವಾಗಿ ಮದ್ಯಪಾನವು ಗಂಭೀರವಾದ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುವುದಿಲ್ಲ ಎಂದು ಹಲವರು ಭಾವಿಸಬಹುದಾದರೂ, ಅಪರೂಪದ ಆಲ್ಕೊಹಾಲ್ ಸೇವನೆಯು ಸಹ ಯಕೃತ್ತಿನ ಆರೋಗ್ಯದ ಮೇಲೆ ದೀರ್ಘಾವಧಿಯ ಪರಿಣಾಮಗಳನ್ನು ಉಂಟುಮಾಡಬಹುದು ಎಂದು ತಜ್ಞರು ಹೇಳುತ್ತಾರೆ. ಕಡಿಮೆ ಪ್ರಮಾಣದಲ್ಲಿ ಮದ್ಯ ಸೇವಿಸಿದರೂ ಅದು ಯಕೃತ್ತಿಗೆ ವಿಷಕಾರಿ ಎಂದು ಹೇಳಲಾಗಿದೆ.
ವೈದ್ಯರ ಪ್ರಕಾರ, ನಿರಂತರವಾದ ಆಲ್ಕೊಹಾಲ್ ಸೇವನೆಯು ಹಾನಿಕಾರಕವಾಗಿದೆ, ಇದು ಯಕೃತ್ತಿನ ಕ್ರಿಯೆಯ ತ್ವರಿತ ಕ್ಷೀಣತೆಗೆ ಕಾರಣವಾಗುತ್ತದೆ. ಆದಾಗ್ಯೂ, ಹಾನಿಯು ಸೇವಿಸುವ ಆಲ್ಕೋಹಾಲ್ ಪ್ರಮಾಣವನ್ನು ಮಾತ್ರ ಅವಲಂಬಿಸಿರುವುದಿಲ್ಲ. ಆನುವಂಶಿಕ ಪ್ರವೃತ್ತಿ, ಆಹಾರ ಮತ್ತು ಜೀವನಶೈಲಿಯ ಅಂಶಗಳು – ಧೂಮಪಾನ ಅಥವಾ ಅನಾರೋಗ್ಯಕರ ಆಹಾರ ಕೂಡಾ ಅಪಾಯಗಳನ್ನು ಇನ್ನಷ್ಟು ವರ್ಧಿಸಬಹುದಾಗಿದೆ.
View this post on Instagram
Loading ...
