ಗೂಗಲ್ ತನ್ನ ಮೆಸೇಜ್ ಆ್ಯಪ್‌ನಲ್ಲಿ ಹೊಸ ಫೀಚರ್ ಒಂದನ್ನು ತರಲು ಕಾರ್ಯ ನಿರ್ವಹಿಸುತ್ತಿದೆ. ಈ ಫೀಚರ್‌ನಿಂದ ಬಳಕೆದಾರರು ವಾಟ್ಸಾಪ್ ವಿಡಿಯೋ ಕರೆಗಳನ್ನು ನೇರವಾಗಿ ಗೂಗಲ್ ಮೆಸೇಜ್ ಆ್ಯಪ್‌ನಿಂದಲೇ ಮಾಡಬಹುದಾಗಿದೆ. ಇದರಿಂದ ಬೇರೆ ಆ್ಯಪ್‌ಗಳಿಗೆ ಹೋಗುವ ತೊಂದರೆ ತಪ್ಪಲಿದೆ.
ಈಗಾಗಲೇ ಗೂಗಲ್ ಮೆಸೇಜ್‌ನಲ್ಲಿ ಗೂಗಲ್ ಮೀಟ್ ಮೂಲಕ ವಿಡಿಯೋ ಕರೆ ಮಾಡುವ ಸೌಲಭ್ಯವಿದೆ. ಆದರೆ ಗೂಗಲ್ ಮೀಟ್ ಇಲ್ಲದಿದ್ದರೆ, ಆ್ಯಪ್ ಡೌನ್‌ಲೋಡ್ ಮಾಡಲು ಸೂಚಿಸುತ್ತದೆ. ಹೊಸ ಫೀಚರ್‌ನಿಂದ ಈ ತೊಂದರೆ ಇರುವುದಿಲ್ಲ.
ಈ ಫೀಚರ್ ಸದ್ಯಕ್ಕೆ ಗುಂಪಿನ ವಿಡಿಯೋ ಕರೆಗಳಿಗೆ ಲಭ್ಯವಿಲ್ಲ. ಅಲ್ಲದೆ, ನಿಮ್ಮ ಕಾಂಟ್ಯಾಕ್ಟ್‌ನಲ್ಲಿರುವ ವ್ಯಕ್ತಿಯಲ್ಲಿ ವಾಟ್ಸಾಪ್ ಇಲ್ಲದಿದ್ದರೆ, ಈ ಫೀಚರ್ ಕಾಣಿಸುವುದಿಲ್ಲ.
ಗೂಗಲ್ ಇನ್ನೂ ಈ ಫೀಚರ್ ಅನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿಲ್ಲ. ಆದರೂ, ಇದು ಸಾರ್ವಜನಿಕರಿಗೆ ಲಭ್ಯವಾದರೆ, ಗೂಗಲ್ ಮೆಸೇಜ್ ಬಳಸುವವರಿಗೆ ಅನುಕೂಲವಾಗಲಿದೆ.
Loading ...
