ಕೆಲಸದ ಸ್ಥಳದಲ್ಲಿನ ಕಲುಷಿತ ವಾತಾವರಣ ಮತ್ತು ಅತಿಯಾದ, ಓವರ್‌ಟೈಮ್‌ನಿಂದ ಬೇಸತ್ತ ಉದ್ಯೋಗಿಯೊಬ್ಬರು ಕೆಲಸಕ್ಕೆ ರಾಜೀನಾಮೆ ನೀಡಿದ್ದರು. ಆದರೆ, ನೋಟಿಸ್ ಅವಧಿಯಲ್ಲಿ ಕೆಲವು ರಜೆಗಳನ್ನು ತೆಗೆದುಕೊಂಡ ಕಾರಣ ಅವರನ್ನು ಕೆಲಸದಿಂದ ವಜಾ ಮಾಡಲಾಗಿದೆ ಮತ್ತು ರಿಲೀವಿಂಗ್ ಲೆಟರ್ ನೀಡಲು ಕಂಪೆನಿ ನಿರಾಕರಿಸಿದೆ. ಈ ವಿಷಯವನ್ನು ರೆಡ್ಡಿಟ್‌ನಲ್ಲಿ ಹಂಚಿಕೊಂಡಿರುವ ಉದ್ಯೋಗಿ, “ನೋಟಿಸ್ ಅವಧಿಯಲ್ಲಿ ನಾನು ಕೆಲವು ರಜೆಗಳನ್ನು ತೆಗೆದುಕೊಂಡ ನಂತರ, ನನ್ನನ್ನು ಕೆಲಸದಿಂದ ವಜಾ ಮಾಡಲು ಕಂಪೆನಿ ನಿರ್ಧರಿಸಿದೆ ಮತ್ತು ಯಾವುದೇ ರಿಲೀವಿಂಗ್ ಲೆಟರ್ ಇತ್ಯಾದಿಗಳನ್ನು ನೀಡುವುದಿಲ್ಲ ಎಂದು ಎಚ್‌ಆರ್ ತಿಳಿಸಿದರು” ಎಂದು ಹೇಳಿದ್ದಾರೆ.
ಈ ಉದ್ಯೋಗದಲ್ಲಿ ಅವರಿಗೆ ಶೇಕಡಾ 200ರಷ್ಟು ವೇತನ ಹೆಚ್ಚಳ ಸಿಕ್ಕಿತ್ತು. ಸರಿಯಾದ ದಾಖಲೆಗಳಿಲ್ಲದೆ, ಅವರ ಪ್ರಸ್ತುತ ಸಿಟಿಸಿ (CTC) ಗಮನಾರ್ಹವಾಗಿ ಕಡಿಮೆಯಾಗಿ ಕಾಣುತ್ತದೆ, ಇದು ಉದ್ಯೋಗ ಹುಡುಕುವಾಗ ತೊಂದರೆ ಉಂಟುಮಾಡುತ್ತದೆ. “ಅವರು ನನ್ನ ಹಿಂದಿನ ಸಂಬಳದ ಮೇಲೆ ನನಗೆ ಹೆಚ್ಚಳವನ್ನು ನೀಡಿದ್ದರು ಮತ್ತು ಶೇಕಡಾ 200 ರಷ್ಟು. ಇದು ಇಲ್ಲದೆ ನನ್ನ ಪ್ರಸ್ತುತ ಸಿಟಿಸಿ ಗಮನಾರ್ಹವಾಗಿ ಕಡಿಮೆಯಾಗುತ್ತದೆ ಮತ್ತು ಉದ್ಯೋಗ ಹುಡುಕುವಾಗ ನನಗೆ ತೊಂದರೆಯಾಗುತ್ತದೆ” ಎಂದು ಅವರು ಹೇಳಿಕೊಂಡಿದ್ದಾರೆ.
ಈ ಪೋಸ್ಟ್ ಗಮನ ಸೆಳೆದಿದ್ದು, ಅನೇಕ ಬಳಕೆದಾರರು ಸಲಹೆಗಳನ್ನು ನೀಡಿದ್ದಾರೆ ಮತ್ತು ಇದೇ ರೀತಿಯ ಅನುಭವಗಳನ್ನು ಹಂಚಿಕೊಂಡಿದ್ದಾರೆ.
Loading ...
