ವೈವಾಹಿಕ ಜೀವನದಲ್ಲಿ ದೈಹಿಕ ಸಂಬಂಧಗಳಿಂದ ವಂಚಿತರಾಗಿದ್ದೀರಾ…..? ಸಂಗಾತಿಗೆ ಮನವರಿಕೆ ಮಾಡಲು ಈ ಟಿಪ್ಸ್‌ ಬಳಸಿ….!

ಸಂಗಾತಿಗಳ ಮಧ್ಯೆ ಲೈಂಗಿಕ ಸಂಬಂಧಕ್ಕೆ ಬಹಳ ಮಹತ್ವವಿದೆ. ವಿವಾಹಿತರಾಗಿರಲಿ ಅಥವಾ ದೀರ್ಘಾವಧಿಯ ಸಂಬಂಧದಲ್ಲಿದ್ದರೆ ಎಷ್ಟು ಲೈಂಗಿಕತೆಯನ್ನು ಹೊಂದಿರಬೇಕು ಎಂಬ ಗೊಂದಲ ಸಹಜ. ಲೈಂಗಿಕತೆ ಇಲ್ಲದೆ ಸಂತೋಷದ ಸಂಬಂಧವನ್ನು ಹೊಂದಬಹುದೇ ಎಂಬುದು ಅನೇಕರ ಪ್ರಶ್ನೆ. ಮಾಹಿತಿಯ ಪ್ರಕಾರ ಕೇವಲ 27 ಪ್ರತಿಶತದಷ್ಟು ಬ್ರಿಟಿಷ್ ಜನಸಂಖ್ಯೆಯು ವಾರದಲ್ಲಿ ಒಮ್ಮೆ ದೈಹಿಕ ಸಂಬಂಧವನ್ನು ಹೊಂದುತ್ತಾರೆ. ಸಮೀಕ್ಷೆಯಲ್ಲಿ ಕೇಳಲಾದ ಕಾಲು ಭಾಗದಷ್ಟು (29 ಪ್ರತಿಶತ) ಜನರು ತಮ್ಮ ಸಂಬಂಧ ‘ಸೆಕ್ಸ್‌ಲೆಸ್’ ಎಂದು ಹೇಳಿದ್ದಾರೆ.

20ರ ದಶಕದ ಅಂತ್ಯದಲ್ಲಿರುವ ಜನರು ಇತರ ಯಾವುದೇ ವಯೋಮಾನದವರಿಗಿಂತ ನಿಯಮಿತ ಲೈಂಗಿಕತೆಯನ್ನು ಹೊಂದುವ ಸಾಧ್ಯತೆ ಹೆಚ್ಚು. 25 ರಿಂದ 29 ವರ್ಷ ವಯಸ್ಸಿನವರಲ್ಲಿ 43 ಪ್ರತಿಶತದಷ್ಟು ಜನರು ವಾರದಲ್ಲಿ ಒಮ್ಮೆ ಲೈಂಗಿಕತೆಯನ್ನು ಹೊಂದಿರುತ್ತಾರೆ.

ಲೈಂಗಿಕತೆಯು ಯಾವಾಗಲೂ ‘ಯಶಸ್ಸಿಗೆ’ ಸಮನಾಗಿರುವುದಿಲ್ಲ ಮತ್ತು ಅದರ ಕೊರತೆಯು ಸಂಬಂಧಕ್ಕೆ ಕುತ್ತಾಗಲಾರದು ಎನ್ನುತ್ತಾರೆ ತಜ್ಞರು. ಲೈಂಗಿಕತೆಯು ಅನಿವಾರ್ಯವಲ್ಲ, ಲೈಂಗಿಕತೆಯ ಪ್ರಾಮುಖ್ಯತೆಯು ಸಂಬಂಧದ ಉದ್ದೇಶವನ್ನು ಅವಲಂಬಿಸಿರುತ್ತದೆ.

ದೈಹಿಕ ಸಂಬಂಧ ಎಷ್ಟು ಮುಖ್ಯ?

ಹೆಚ್ಚಿನ ಪ್ರಣಯ ಸಂಬಂಧಗಳಲ್ಲಿ ಲೈಂಗಿಕತೆಗೆ ಹೆಚ್ಚು ಒತ್ತು ನೀಡಲಾಗುತ್ತದೆ. ಆದರೆ ಮದುವೆಗಳು ಯಶಸ್ವಿಯಾಗಲು ಲೈಂಗಿಕತೆಯ ಅಗತ್ಯವಿಲ್ಲ ಎನ್ನುವುದು ತಜ್ಞರ ಅಭಿಪ್ರಾಯ. ಸಂಗಾತಿಗಳಲ್ಲಿ ಇಬ್ಬರೂ ಲೈಂಗಿಕತೆಯನ್ನು ಬಯಸದಿದ್ದರೆ ಸಂಬಂಧಕ್ಕೆ ಸಮಸ್ಯೆಯಾಗುವುದಿಲ್ಲ. ಆದರೆ ಲೈಂಗಿಕತೆ ಸಂಬಂಧಕ್ಕೆ ಎಷ್ಟು ಮುಖ್ಯ ಎಂಬುದನ್ನು ಅವರೇ ನಿರ್ಧರಿಸಬಹುದು.

ದೈಹಿಕ ಸಂಬಂಧ ಸುಧಾರರಣೆ ಸಂಭಾಷಣೆಯ ಪ್ರಾಮುಖ್ಯತೆ

ದೈಹಿಕ ಸಂಬಂಧಗಳನ್ನು ಸುಧಾರಿಸಲು ಸಂಭಾಷಣೆ ಬಹಳ ಮುಖ್ಯ. ವೈವಾಹಿಕ ಜೀವನದಲ್ಲಿ ದೈಹಿಕ ಸಂಬಂಧಗಳಿಂದ ವಂಚಿತರಾಗಿದ್ದರೆ, ಈ ಬಗ್ಗೆ ಸಂಗಾತಿಯೊಂದಿಗೆ ಮಾತನಾಡಿ. ನಿಮ್ಮ ಅಭಿಪ್ರಾಯಗಳನ್ನು ಅವರಿಗೆ ತಿಳಿಸಿ.

ಶಾಂತ ಮತ್ತು ಸಭ್ಯ: ಸಂಗಾತಿಯೊಂದಿಗೆ ದೈಹಿಕ ಸಂಬಂಧಗಳ ಬಗ್ಗೆ ಮಾತನಾಡುವಾಗ, ಶಾಂತವಾಗಿ ಮತ್ತು ಸಭ್ಯರಾಗಿರಿ. ಕೋಪ ಅಥವಾ ಕಿರಿಕಿರಿಯನ್ನು ತೋರಿಸಬೇಡಿ.

ಸ್ಪಷ್ಟ ಮತ್ತು ಸಂಕ್ಷಿಪ್ತತೆ : ದೈಹಿಕ ಸಂಪರ್ಕದ ಅಗತ್ಯವೆನಿಸಿದಲ್ಲಿ ಅದರ ಬಗ್ಗೆ ಸಂಗಾತಿಗೆ ವಿವರಿಸಿ. ನಿಮ್ಮ ಆಲೋಚನೆಗಳನ್ನು ಸ್ಪಷ್ಟವಾಗಿ ಮತ್ತು ಸಂಕ್ಷಿಪ್ತವಾಗಿ ವ್ಯಕ್ತಪಡಿಸಿ.

ಸಂಗಾತಿಯ ಭಾವನೆಗಳನ್ನು ಪರಿಗಣಿಸಿ: ದೈಹಿಕ ಸಂಬಂಧ ಹೊಂದುವ ವಿಷಯದಲ್ಲಿ ಸಂಗಾತಿಯ ಭಾವನೆಗಳನ್ನು ಸಹ ಪರಿಗಣಿಸಿ. ನೀವು ಅವರನ್ನು ದೂಷಿಸುತ್ತಿದ್ದೀರಿ ಎಂಬ ಭಾವನೆ ಮೂಡಲು ಬಿಡಬೇಡಿ.