ಸಾರ್ವಕಾಲಿಕ ಶ್ರೇಷ್ಠ ಲೆಗ್ ಸ್ಪಿನ್ನರ್ ಶೇನ್ ವಾರ್ನ್ ಕಳೆದ ವರ್ಷ 52 ನೇ ವಯಸ್ಸಿನಲ್ಲಿ ನಿಧನರಾದರು. ಖ್ಯಾತ ಕ್ರಿಕೆಟಿಗ ಶೇನ್ ವಾರ್ನ್ ಸಾವು ಕೋವಿಡ್ ಲಸಿಕೆಯಿಂದ ಸಂಭವಿಸಿರಬಹುದು ಎಂದು ಹೇಳಲಾಗಿದೆ.
ಕಳೆದ ವರ್ಷ ಮಾರ್ಚ್‌ನಲ್ಲಿ ಥೈಲ್ಯಾಂಡ್‌ ನಲ್ಲಿ ವಿಹಾರದ ಸಮಯದಲ್ಲಿ ಅವರ ವಿಲ್ಲಾದಲ್ಲಿ ಹಠಾತ್ ನಿಧನರಾಗಿದ್ದರು. ವಾರ್ನ್ ಅವರು ಶಂಕಿತ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ.
ಇತ್ತೀಚೆಗೆ, ಯುಕೆ ಮೂಲದ ಭಾರತೀಯ ಸಲಹೆಗಾರ ಹೃದ್ರೋಗ ತಜ್ಞ ಮತ್ತು ಆಸ್ಟ್ರೇಲಿಯಾದ ವೈದ್ಯರೊಬ್ಬರು ವಾರ್ನ್ ಅವರ ಹಠಾತ್ ಸಾವಿನ ಹಿಂದಿನ ಪ್ರಮುಖ ಕಾರಣವನ್ನು ಬಹಿರಂಗಪಡಿಸಿದರು.
ಡಾ ಅಸೀಮ್ ಮಲ್ಹೋತ್ರಾ ಮತ್ತು ಡಾ ಕ್ರಿಸ್ ನೀಲ್ ಅವರು ಸುಮಾರು 9 ತಿಂಗಳ ಹಿಂದೆ ತೆಗೆದುಕೊಂಡಿದ್ದ ಕೋವಿಡ್ ಎಂಆರ್‌ಎನ್‌ಎ ಲಸಿಕೆಯಿಂದ ವಾರ್ನ್ ಸಾವು ಸಂಭವಿಸಿರಬಹುದು ಎಂದು ಹೇಳಿದ್ದಾರೆ.
ಕೋವಿಡ್ ಎಂಆರ್‌ಎನ್‌ಎ ಲಸಿಕೆಯು ಪರಿಧಮನಿಯ ಕಾಯಿಲೆಯ ತ್ವರಿತ ವೇಗವರ್ಧನೆಗೆ ಕಾರಣವಾಗಬಹುದು ಎಂದು ತಮ್ಮ ಸಂಶೋಧನೆಯು ತೋರಿಸುತ್ತದೆ. ವಿಶೇಷವಾಗಿ ಈಗಾಗಲೇ ಪತ್ತೆಯಾಗದ ಸೌಮ್ಯ ಹೃದ್ರೋಗ ಹೊಂದಿರುವವರಲ್ಲಿ ಕಂಡು ಬಂದಿದೆ ಎಂದು ಹೇಳಿದ್ದಾರೆ.
ಇಂಗ್ಲೆಂಡ್‌ನ ಮಾಜಿ ಕ್ರಿಕೆಟಿಗ ಡಿಮಿಟ್ರಿ ಮಸ್ಕರೇನ್ಹಸ್ ಇತ್ತೀಚಿನ ಬೆಳವಣಿಗೆಗಳಿಗೆ ಪ್ರತಿಕ್ರಿಯಿಸಿ ಪ್ರಪಂಚದಾದ್ಯಂತ ಈ ಜಬ್‌ ಗಳನ್ನು ತಕ್ಷಣವೇ ಅಮಾನತುಗೊಳಿಸುವಂತೆ ಕರೆ ನೀಡಿದ್ದಾರೆ.
ಏತನ್ಮಧ್ಯೆ, UK ಯ ಕನ್ಸರ್ವೇಟಿವ್ ಪಕ್ಷದ ಸಂಸದ ಆಂಡ್ರ್ಯೂ ಬ್ರಿಡ್ಜೆನ್ ಅವರು ಆಳವಾದ ಸಂಶೋಧನೆ ನಡೆಸುವವರೆಗೆ ಲಸಿಕೆಗಳನ್ನು ಅಮಾನತುಗೊಳಿಸುವ ಕರೆಯನ್ನು ಬೆಂಬಲಿಸಿದ್ದಾರೆ.
Loading ...
