ನಾಗ್ಪುರ: ಜಾತಿ ಆಧಾರಿತ ಜನಗಣತಿಯನ್ನು ರಾಷ್ಟ್ರೀಯ ಸ್ವಯಂಸೇವಕ ಸಂಘ ಬೆಂಬಲಿಸುವುದಿಲ್ಲ ಎಂದು ಹಿರಿಯ ಪ್ರಚಾರಕ ಮತ್ತು ವಿದರ್ಭ ಪ್ರಾಂತ್ಯದ ಸಹ ಸಂಘ ಚಾಲಕ್ ಶ್ರೀಧರ ಗಾಡ್ಗೆ ಹೇಳಿದ್ದಾರೆ.
ನಾಗಪುರದ ಆರ್.ಎಸ್.ಎಸ್. ನ ಸ್ಮೃತಿ ಮಂದಿರ ಸಂಕೀರ್ಣಕ್ಕೆ ಭೇಟಿ ನೀಡಿದ ಅವರು, ಮಹಾರಾಷ್ಟ್ರ ವಿಧಾನಸಭೆ ಮತ್ತು ವಿಧಾನ ಪರಿಷತ್ತಿನ ಬಿಜೆಪಿ, ಶಿವಸೇನೆ ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡಿದರು.
ಜಾತಿ ಆಧಾರಿತ ಜನಗಣತಿಯನ್ನು ಆರ್.ಎಸ್.ಎಸ್. ಬೆಂಬಲಿಸುವುದಿಲ್ಲ. ಇಂತಹ ಕ್ರಮಗಳಿಂದ ದೇಶದಲ್ಲಿ ಸಾಮಾಜಿಕ ಅಸಮಾನತೆ ಉಲ್ಬಣವಾಗುತ್ತದೆ. ಸಮಾಜದಲ್ಲಿನ ಬಿರುಕುಗಳನ್ನು ಇನ್ನಷ್ಟು ಹೆಚ್ಚಿಸುತ್ತದೆ ಎಂದು ಹೇಳಿದ್ದಾರೆ.
ಜಾತಿ ಆಧಾರಿತ ಜನಗಣತಿಯಿಂದ ಯಾವುದೇ ಪ್ರಯೋಜನವಿಲ್ಲ. ಅದರಿಂದ ಹಾನಿಯೇ ಹೆಚ್ಚು. ಇದು ಅಸಮಾನತೆಯ ಮೂಲವಾಗಿದೆ. ಜಾತಿ ಗಣತಿಯನ್ನು ಉತ್ತೇಜಿಸುವುದು ಸಮರ್ಥನೀಯವಲ್ಲ ಎಂದು ಶ್ರೀಧರ ಗಾಡ್ಗೆ ಹೇಳಿದ್ದಾರೆ.
ಜಾತಿ ಆಧಾರಿತ ಜನಗಣತಿಯು ನಿಷ್ಪ್ರಯೋಜಕ ಚಟುವಟಿಕೆಯಾಗಿದೆ ಮತ್ತು ಕೆಲವು ವ್ಯಕ್ತಿಗಳಿಗೆ ಮಾತ್ರ ಸೇವೆ ಸಲ್ಲಿಸುತ್ತದೆ. ಯಾವುದೇ ಸಂದರ್ಭದಲ್ಲಿ ಜಾತಿ ಆಧಾರಿತ ಜನಗಣತಿ ಬೇಡ, ಅದು ಏನು ಸಾಧಿಸುತ್ತದೆ? ಜಾತಿ ಜನಗಣತಿಯು ಜಾತಿವಾರು ಜನಸಂಖ್ಯೆಯನ್ನು ಅಳೆಯುತ್ತದೆ. ಆದರೆ ಇದು ಸಮಾಜದ ಅಥವಾ ರಾಷ್ಟ್ರದ ಹಿತಾಸಕ್ತಿಯಾಗುವುದಿಲ್ಲ ಎಂದು ಹೇಳಿದ್ದಾರೆ.
ಜಾತಿ ಜನಗಣತಿ ಮತ್ತು ಮೀಸಲಾತಿ ಎರಡಕ್ಕೂ ಸಂಬಂಧವಿಲ್ಲ. RSS ಮೀಸಲಾತಿಯನ್ನು ಬೆಂಬಲಿಸುತ್ತದೆ. ಹಿಂದುಳಿದ ವರ್ಗಗಳ ಉನ್ನತಿಗೆ ಮೀಸಲಾತಿ ಅಗತ್ಯ ಎಂದು ಅದು ನಂಬುತ್ತದೆ. ಜಾತಿ ಗಣತಿಯನ್ನು ಕೈಗೊಳ್ಳದೆಯೂ ಮೀಸಲಾತಿಯನ್ನು ಮುಂದುವರಿಸಬಹುದು ಎಂದು ಅವರು ಹೇಳಿದ್ದಾರೆ.
Loading ...
