BREAKING: ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚಿದ ರಾಹುಲ್ ಗಾಂಧಿ ಪ್ರಭಾವ: ಮೋದಿಯನ್ನೂ ಮೀರಿಸಿದ ಫಾಲೋವರ್ಸ್, ವೀವ್ಸ್

ನವದೆಹಲಿ: ಸಾಮಾಜಿಕ ಜಾಲತಾಣಗಳಲ್ಲಿ ಲೋಕಸಭೆ ವಿಪಕ್ಷ ನಾಯಕ ರಾಹುಲ್ ಗಾಂಧಿ ಪ್ರಭಾವ ಹೆಚ್ಚಾಗಿದೆ. ವೀವ್ಸ್ ನಲ್ಲಿ ಪ್ರಧಾನಿ ನರೇಂದ್ರ ಮೋದಿಯನ್ನು ರಾಹುಲ್ ಗಾಂಧಿ ಮೀರಿಸಿದ್ದಾರೆ.

ಇನ್ಸ್ಟಾಗ್ರಾಂ ನಲ್ಲಿ ರಾಹುಲ್ ವಿಡಿಯೋ 601 ಮಿಲಿಯನ್ ವೀಕ್ಷಣೆ ಗಳಿಸಿದರೆ ನರೇಂದ್ರ ಮೋದಿ ವಿಡಿಯೋಗಳು 350 ಮಿಲಿಯನ್ ವೀಕ್ಷಣೆ ಗಳಿಸಿವೆ. ಫಾಲೋವರ್ಸ್ ಸೇರ್ಪಡೆಯಲ್ಲಿಯೂ ರಾಹುಲ್ ಗಾಂಧಿ ಮುಂಚೂಣಿಯಲ್ಲಿ ಇದ್ದಾರೆ. ರಾಹುಲ್ ಗಾಂಧಿಗೆ 13 ಲಕ್ಷ ಫಾಲೋವರ್ಸ್ ಸೇರ್ಪಡೆಯಾಗಿದ್ದಾರೆ. ಮೋದಿಗೆ 2.2 ಲಕ್ಷ ಫಾಲೋವರ್ಸ್ ಸೇರ್ಪಡೆಯಾಗಿದ್ದಾರೆ.

ಫೇಸ್ ಬುಕ್ ನಲ್ಲಿ ರಾಹುಲ್ ವಿಡಿಯೋ 348 ಮಿಲಿಯನ್ ವೀಕ್ಷಣೆ ಪಡೆದಿದ್ದು, ಮೋದಿ ವಿಡಿಯೋ 72 ಮಿಲಿಯನ್ ವೀಕ್ಷಣೆ ಗಳಿಸಿದೆ. ಫೇಸ್ಬುಕ್ ಫಾಲೋವರ್ಸ್ ಸೇರ್ಪಡೆಯಲ್ಲೂ ರಾಹುಲ್ ಗಾಂಧಿ, ಮುನ್ನಡೆ ಸಾಧಿಸಿದ್ದು 6 ಲಕ್ಷ ಫಾಲೋವರ್ಸ್ ಗಳಿಸಿದ್ದಾರೆ. ಮೋದಿ 1.8 ಲಕ್ಷ ಗಳಿಸಿದ್ದಾರೆ.

ಯೂಟ್ಯೂಬ್ ನಲ್ಲಿ ರಾಹುಲ್ ಗಾಂಧಿ ವಿಡಿಯೋಗಳು 124 ಮಿಲಿಯನ್ ವೀಕ್ಷಣೆ ಗಳಿಸಿದೆ. ಮೋದಿ ವಿಡಿಯೋಗಳು 76 ಮಿಲಿಯನ್ ವೀಕ್ಷಣೆ ಗಳಿಸಿವೆ. ಮೋದಿಗಿಂತ ಹೆಚ್ಚು ವೀವ್ಸ್ ಗಳನ್ನು ರಾಹುಲ್ ಗಾಂಧಿ ವಿಡಿಯೋಗಳು ಹೊಂದಿವೆ ಎಂದು ಕಾಂಗ್ರೆಸ್ ಪಕ್ಷದಿಂದ ಈ ಬಗ್ಗೆ ಮಾಹಿತಿ ಹಂಚಿಕೊಳ್ಳಲಾಗಿದೆ.